सचिन वाझेची आज पुण्याला रवानगी?, 5 जिल्ह्यात प्रवेशबंदी, थेट NIA..

देशातील नामंकित उद्योगपती मुकेश अंबानी यांच्या अँटिलिया घराबाहेर ठेवलेल्या स्फोटक प्रकरणी माजी पोलीस अधिकारी सचिन वाझेला अखेर जामीन मंजूर करण्यात आला. मात्र, हा जामीन देताना मोठ्या अटी ठेवण्यात आल्या. पाच जिल्ह्यांमध्ये जाण्यास बंदी आहे. सत्र न्यायालयाकडून बडतर्फ पोलीस अधिकारी सचिन वाझेला (Sachin waze) जामीन मंजूर झाल्याने याप्रकरणात तब्बल साडे पाच वर्षानंतर सचिन वाझे तुरुंगातून बाहेर येण्याचा मार्ग मोकळा झाला. मात्र, या जामिनाला स्थगिती देण्याची NIA ची मागणी आहे. त्यावर आज सुनावणी होणार आहे. अटीशर्तींच्या अधीन राहून विशेष सत्र न्यायालयाने जामीन अर्ज केला आहे. पाच जिल्ह्यांमध्ये प्रवेश करण्यास बंदी घालण्यात आली आहे. फक्त कोर्टाच्या सुनावणीला येण्यासची परवानगी देण्यात आली. त्या व्यतिरिक्त या जिल्ह्यात प्रवेश बंदी असणार आहे.

कोर्टाच्या अटीशर्तींनुसार, सचिन वाझेला मुंबई, नवी मुंबई, ठाणे, रायगड आणि पालघर या जिल्ह्यांमध्ये राहत येणार नाही किंवा प्रवेश करता येणार नाही. फक्त कोर्टाच्या सुनावणीसाठी येण्याची परवानगी आहे, त्याशिवाय नाही. यामुळे आता सचिन वाझेचा मुक्काम पुण्यात असणार आहे. सचिन वाझेची आज सुटका होईल. त्यानंतर थेट पुण्याला रवाने व्हावे लागेल.

जामीन मिळणे म्हणजे निर्दोष मुक्तता नाही. पुराव्यांची अंतिम तपासणी पुढे होणार आहे, असे कोर्टाने यावेळी स्पष्ट केले.  न्यायालयाने 1 लाखांचा वैयक्तिक बॉन्ड आणि 1 स्थानिक जामीदाराची अट ठेवली आहे. न्यायालयाने जामीन देताना सचिन वाझे याला पासपोर्ट असल्यास तो NIA कडे जमा करण्याचे आदेश दिले आहेत.

सचिन वाझे याला जामीन आदेशानंतर सात दिवसात मुंबईच्या बाहेर राहण्याच्या ठिकाणाचा पत्ता देण्याचा आदेश दिला. त्यात पुण्याला राहणार असल्याचे स्पष्ट केले. सुनावणीदरम्यान कोर्टाने म्हटले की, UAPA अंतर्गत दहशतवादी कृत्य केल्याचे दिसून येत नाहीये. एनआयएने या निर्णयाविरोधात सर्वोच्च न्यायालयात याचिका दाखल केली असून त्यावर आज सुनावणी होणार आहे. त्यामुळे या प्रकरणात नक्की काय होते हे पाहण्यासारखे ठरणार आहे.