विधानसभा आणि लोकसभा एकत्र होणार का? मुख्यमंत्री म्हणतात...

नागपूर : लोकसभा निवडणुकीसोबतच महाराष्ट्र विधानसभेची निवडणूक होणार असल्याची चर्चा आहे. पण मुख्यमंत्री देवेंद्र फडणवीस यांनी ही शक्यता फेटाळली आहे. महाराष्ट्र आणि हरियाणा विधानसभेची निवडणूक लोकसभेसोबतच होणार असल्याची चर्चा आहे, असा प्रश्न मुख्यमंत्र्यांना नागपुरात विचारण्यात आला. पण लिहून देतो, महाराष्ट्राची होणार नाही, असं उत्तर मुख्यमंत्र्यांनी दिलं. काही दिवसात लोकसभा निवडणुकीचा कार्यक्रम जाहीर होणार आहे. त्यापूर्वी …

, विधानसभा आणि लोकसभा एकत्र होणार का? मुख्यमंत्री म्हणतात…

नागपूर : लोकसभा निवडणुकीसोबतच महाराष्ट्र विधानसभेची निवडणूक होणार असल्याची चर्चा आहे. पण मुख्यमंत्री देवेंद्र फडणवीस यांनी ही शक्यता फेटाळली आहे. महाराष्ट्र आणि हरियाणा विधानसभेची निवडणूक लोकसभेसोबतच होणार असल्याची चर्चा आहे, असा प्रश्न मुख्यमंत्र्यांना नागपुरात विचारण्यात आला. पण लिहून देतो, महाराष्ट्राची होणार नाही, असं उत्तर मुख्यमंत्र्यांनी दिलं.

काही दिवसात लोकसभा निवडणुकीचा कार्यक्रम जाहीर होणार आहे. त्यापूर्वी राज्याची विधानसभाही भंग करुन लोकसभेसोबतच निवडणूक होईल, असा अंदाज लावला जात आहे. महाराष्ट्रासोबतच हरियाणा विधानसभेची निवडणूकही होत असते. पण महाराष्ट्राची निवडणूक लोकसभेसोबत होणार नाही, असं मुख्यमंत्र्यांनी स्पष्ट केलं.

लोकसभेची आचारसंहिता लागण्याअगोदर राज्य मंत्रीमंडळाची एकाच आठवड्यात दुसऱ्यांदा बैठक होत आहे. गेल्या बैठकीत 25 निर्णय घेण्यात आले होते, तर शुक्रवारी होणाऱ्या बैठकीत 50 पेक्षा जास्त निर्णय घेतले जाणार आहेत. विशेष म्हणजे मुख्यमंत्री आज शिवसेना पक्षप्रमुख उद्धव ठाकरे यांची भेट घेणार आहेत. त्यामुळे या चर्चांना आणखी बळ मिळालं.

गेल्या सहा दिवसांपासून सरकारच्या वरिष्ठ पातळीवर विधानसभा एकत्र घेण्याबाबत चर्चा झाल्याची माहिती सूत्रांनी दिली. गुप्तचर खात्याच्या वरिष्ठ सूत्रांनी याबाबत माहिती दिली. भाजपचा लोकसभेबरोबर विधानसभा मतदारसंघनिहाय आढावा घेतल्याची माहिती असून, भाजप आणि शिवसेनेच्या आमदारांना मतदारसंघांसाठी सरासरी 10 कोटींचा निधी गेल्या काही दिवसात दिला गेला. शिवाय, राज्यातल्या अनेक मोठ्या कामांच्या उद्घाटनांचा गेल्या दहा दिवसात सपाटा लावण्यात आला आहे.

2014 साली महाराष्ट्राच्या विधानसभा निवडणुकीचा निकाल कसा होता?

भारतीय जनता पार्टी : 122

शिवसेना : 63

काँग्रेस : 42

राष्ट्रवादी काँग्रेस : 41

बहुजन विकास आघाडी : 3

शेतकरी कामगार पक्ष : 3

ऑल इंडिया मजलिसे-इत्तेहादुल मुस्लिमीन (MIM) : 2

भारिपा बहुजन महासंघ : 1

मार्क्सवादी कम्युनिस्ट पार्टी : 1

महाराष्ट्र नवनिर्माण सेना : 1

राष्ट्रीय समाज पक्ष : 1

समाजवादी पार्टी : 1

अपक्ष : 7

कमेंट करा

कमेंट करा

Your email address will not be published. Required fields are marked *