शरद पवार गटाच्या संभाव्य उमेदवारांची यादी Tv9 मराठीकडे, कुणाकुणाला उमेदवारी जाहीर होणार?
महाराष्ट्र विधानसभा निवडणुकीच्या रणधुमाळीला आता खऱ्या अर्थाने सुरुवात होणार आहे. कारण भाजपकडून उमेदवारांची पहिली यादी जाहीर झाली आहे. यानंतर आता शरद पवार गटाची देखील उमेदवारांची पहिली यादी तयार असल्याची माहिती सूत्रांकडून मिळत आहे. या यादीतील 20 संभाव्य उमेदवारांची नावे 'टीव्ही 9 मराठी'च्या हाती लागले आहेत.
महाराष्ट्र विधानसभा निवडणुकीचं बिगूल वाजलं आहे. विशेष म्हणजे भाजपकडून तब्बल 99 उमेदवारांची पहिली यादी जाहीर करण्यात आली आहे. सूत्रांनी दिलेल्या माहितीनुसार, शिंदे गट आणि अजित पवार गटाची पहिली यादी देखील आज रात्री उशिरा किंवा उद्या जाहीर होण्याची शक्यता आहे. तर दुसरीकडे महाविकास आघाडीत जागावाटपावरुन वाद आहे. या वादावर तोडगा काढण्यासाठी राष्ट्रवादी काँग्रेस शरदचंद्र पवार पक्षाचे प्रमुख शरद पवार हे मध्यस्थी करण्याची शक्यता आहे. यानंतर आता शरद पवार यांच्या नेतृत्वातील राष्ट्रवादी काँग्रेस पक्षातून मोठी बातमी समोर येत आहे. राष्ट्रवादी काँग्रेस शरदचंद्र पवार पक्षाची 33 उमेदवारांची नावे निश्चित असल्याची माहिती सूत्रांकडून मिळत आहे. तासगावातून दिवंगत नेते आर. आर. पाटील यांचे पुत्र रोहित पाटील यांना तिकीट देण्यात येणार आहे. याबाबत उद्या अधिकृतपणे उमेदवारांची घोषणा होणार आहे.
विशेष म्हणजे शरद पवार गटाच्या 20 उमेदवारांची संभाव्य यादी ‘टीव्ही 9 मराठी’च्या हाती लागली आहे. तासगावमधून रोहित पाटील, इस्लामपूरमधून जयंत पाटील, तर कळवा-मुंब्रा मतदारसंघातून जितेंद्र आव्हाड यांची उमेदवारी निश्चित झाल्याची माहिती आहे. माजी गृहमंत्री अनिल देशमुख यांना काटोल विधानसभा मतदारसंघातून उमेदवारी मिळण्याची शक्यता आहे. तर माजी आरोग्यमंत्री राजेश टोपे यांना घनसावंगी येथून उमेदवारी जाहीर होण्याची शक्यता आहे. या निवडणुकीत शरद पवार यांच्या पक्षात मोठी इनकमिंग बघायला मिळत आहे. त्यामुळे शरद पवार गटाचं सध्या पारडं जड आहे. असं असली तरी शरद पवार यांच्या पक्षाते किती उमेदवार जिंकून येणार? ते पाहणं औत्सुक्याचं ठरणार आहे.
राष्ट्रवादीच्या संभाव्य उमेदवारांची यादी वाचा
- जयंत पाटील – इस्लामपूर
- जितेंद्र आव्हाड – कळवा-मुंब्रा
- अनिल देशमुख – काटोल
- राजेश टोपे – घनसावंगी
- बाळासाहेब पाटील – कराड उत्तर
- रोहित पवार – कर्जत जामखेड
- प्राजक्त तनपुरे – राहुरी
- रोहित पाटील – तासगाव कवठे महांकाळ
- सुनील भुसारा – विक्रमगड
- अशोक पवार – शिरुर
- मानसिंग नाईक – शिराळा
- शशिकांत शिंदे – कोरेगाव
- संदीप क्षीरसागर – बीड
- हर्षवर्धन पाटील – इंदापूर
- राखी जाधव – घाटकोपर पूर्व
- राजेंद्र शिंगणे – सिंदखेडराडा
- युगेंद्र पवार – बारामती
- समरजित घाटगे – कागल
- राणी लंके – पारनेर
- रोहिणी खडसे – मुक्ताईनगर
