Chanakya Niti : या लोकांशी कधीच मैत्री नको, चाणक्य काय सांगतात?

आर्य चाणक्य हे एक महान विचारवंत, अर्थतज्ज्ञ आणि कुटनीती तज्ज्ञ होते. त्यांनी चाणक्य नीती नावाचा ग्रंथ लिहिला. आपल्या या ग्रंथामध्ये चाणक्य यांनी अशा अनेक गोष्टी सांगितल्या आहेत, ज्या आजच्या काळात देखील अनेकांना मार्गदर्शन करतात. चाणक्य यांनी आपल्या चाणक्य नीती नावाच्या ग्रंथामध्ये मैत्रीबद्दल देखील आपले मौलिक विचार मांडून ठेवले आहेत. मैत्री कोणासोबत करावी? मौत्री कोणासोबत करू नये? मित्र कसे असावेत? कसे असू नयेत? याबद्दल चाणक्य यांनी आपल्या चाणक्य नीती नावाच्या ग्रंथामध्ये अनेक गोष्टी सांगितल्या आहेत. चाणक्य म्हणतात एखाद्या व्यक्तीच्या जडणघडणीमध्ये तो कोणच्या संगतीमध्ये आहे? त्याने कोणासोबत मैत्री केली आहे? याचा देखील फार मोठा वाटा असतो, त्यामुळे माणसाने नेहमी विचारपूर्वकच एखाद्या व्यक्तीसोबत मैत्री केली पाहिजे, अन्यथा आयुष्यभर तुम्हाला पश्चातापाची वेळ येऊ शकते. चला तर मग जाणून घेऊयात चाणक्य यांनी चाणक्य नीतीमध्ये नेमकं काय म्हटलं आहे? त्याबद्दल.

स्वार्थी लोक – चाणक्य म्हणतात जे लोक स्वार्थी असतात, अशा लोकांसोबत तुम्ही कधीही मैत्री करू नका, कारण असे लोक जोपर्यंत त्यांचा स्वार्थ आहे, तोपर्यंत तुमच्याशी गोड बोलतील, मैत्रीचं नाटक करतील. परंतु एकदा त्यांचा हेतू साध्य झाला की असे लोक तुम्हाला शंभर टक्के धोका देणार, त्यामुळे माणसांनी नेहमी अशा लोकांपासून दूरच राहावं, असा सल्ला आर्य चाणक्य यांनी आपल्या चाणक्य नीती नावाच्या ग्रंथामध्ये दिला आहे.

पैशांसाठी लालची लोक – चाणक्य म्हणतात जे लोक पैशांसाठी लोभी असतात, ते पैसा मिळवण्यासाठी कोणत्याही थराला जाऊ शकतात. अशा लोकांपासून योग्य अंतर ठेवणंच हिताचं असतं, अशा लोकांसोबत कधीही मैत्री करू नका, अशा लोकांसोबत जर तुम्ही मैत्री केली तर तुम्ही एक दिवस मोठ्या संकटात सापडू शकतात. असे लोक त्यांच्या स्वार्थासाठी तुम्हाला देखील अडचणीत आणू शकतात, त्यामुळे अशा लोकांसोबत कधीही मैत्री करू नका.

व्यसनी लोक – चाणक्य म्हणतात जे लोक व्यसनी असतात, दारूच्या आहारी गेलेले असतात, अशा लोकांसोबत कधीही मैत्री करू नये, कारण त्यांच्यामुळे तुम्हाला देखील व्यसनाची सवय लागू शकते, त्यामुळे अशा लोकांपासून योग्य ते अंतर ठेवणं यातच तुमचं हित आहे, असं चाणक्य यांनी म्हटलं आहे.

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)