मुकेश अंबानी यांची संपत्ती जर त्यांच्या मुलांमध्ये वाटली; तर आकाश, ईशा अन् अनंत अंबानी किती श्रीमंत होतील? थेट..

मुकेश अंबानी यांचा समावेश हा भारत आणि आशियातील सर्वात श्रीमंत व्यक्तीमध्ये होतो. उद्योगपती मुकेश अंबानी यांची संपत्ती ही कायमच चर्चेचा विषय राहिली आहे. रिलायन्स इंडस्ट्रीजचे चेअरमन असलेल्या मुकेश अंबानी यांनी तेल, गॅस, आणि पेट्रोकेमिकल्स उत्पादनाच्या माध्यमातून आपल्या व्यवसायाचा विस्तार केला. आज त्यांच्या व्यवसायाचा एवढा प्रचंड विस्तार झाला आहे की, देशाच्या अर्थव्यवस्थेमध्ये देखील त्यांच्या उद्योगाची महत्त्वाची भूमिका आहे. 28 ऑक्टोबर रोजी त्यांची टेलीकॉम कंपनी ‘जिओ प्लॅटफॉर्म्स लिमिटेड’ लिस्टेड झाली आहे. यासोबतच जीओ ही भारतातील दुसरी सर्वात मोठी कंपनी बनली आहे. पहिल्या क्रमांकावर जीओची पॅरंट कंपनी असलेली ‘रिलायन्स इंडस्ट्रीज’ आहे. याचाच अर्थ असा की, भारतामधील दोन्ही सर्वात मोठ्या कंपन्या या मुकेश अंबानी यांच्या मालकीच्या आहेत. रिलायन्स कंपनीचं कॅपिटल 15,76,405 कोटी रुपये एवढं आहे. तर जिओचं मार्केट कॅपिटल 13,18,089 कोटी रुपये एवढं आहे.

मात्र तुम्ही कधी हा विचार केला आहे का? मुकेश अंबानी यांची एकूण संपत्ती किती आहे, आणि समजा ती त्यांचे तीन मुलं आकाश अंबानी, ईशा अंबानी आणि अनंत अंबानी यांच्यामध्ये वाटली गेली तर प्रत्येकाच्या वाट्याला किती संपत्ती येऊ शकते? ते किती श्रीमंत होतील? फॉर्ब्सच्या रियल टाइम बिलियनेयर्स लिस्टनुसार 30 ऑक्टोबर 2026 पर्यंत मुकेश अंबानी यांच्याकडे एकूण संपत्ती 80 अब्ज डॉलर एवढी आहे. भारतीय रुपयांमध्ये सांगायचं झाल्यास अंबानी यांच्याकडे एकूण 7.5 लाख कोटी रुपयांची संपत्ती आहे. मुकेश अंबानी यांचा समावेश हा जगातील टॉप श्रीमंत लोकांच्या यादीमध्ये होतो.

सध्या मुकेश अंबानी हे 80 अब्ज डॉलर संपत्तीचे मालक आहेत, त्यांना तीन मुलं आहेत. जर समजा या संपत्तीचे समान वाटे केले तर प्रत्येकाच्या वाट्याला 26.67 अब्ज डॉलर एवढी संपत्ती येते. भारतीय रुपयांमध्ये या संपत्तीचा हिशोब लावायचा झाल्यास प्रत्येकाच्या वाट्याला 2.40 लाख करोड एवढी संपत्ती येते. यावरून तुम्हाला कल्पना येईल की मुकेश अंबानी यांची मुलं ईशा अंबानी, अनंत अंबानी आणि आकाश अंबानी हे किती श्रीमंत होऊ शकतात?