सावधान, महाराष्ट्रात कोरोना वाढतोय, राज्यात ‘इतक्या’ रुग्णांची नोंद, 225 कोरोनाबाधितांचा मृत्यू
महाराष्ट्रात गेल्या काही दिवसांपासून कोरोना विषाणू संसर्गाचे रुग्ण वाढताना दिसत आहे. आजही राज्यात कोरोना रुग्णांची वाढ झाल्याचं समोर आलं आहे.
मुंबई: महाराष्ट्रात गेल्या काही दिवसांपासून कोरोना विषाणू संसर्गाचे रुग्ण वाढताना दिसत आहे. आजही राज्यात कोरोना रुग्णांची वाढ झाल्याचं समोर आलं आहे. सार्वजनिक आरोग्य विभागानं जारी केलेल्या माहितीनुसार राज्यात 6959 रुग्णांची वाढ झाली आहे. तर, राज्यात आज 225 कोरोनाबाधितांच्या मृत्यूची नोंद झाली आहे.
रुग्णवाढ कायम
केरळमधील वाढत्या रुग्णसंख्येच्या पार्श्वभूमीवर कोरोनाच्या तिसऱ्या लाटेची भीती व्यक्त केल जातेय.महाराष्ट्रातही काही जिल्हे अ‌ॅलर्ट झाले असल्याचं समोर आलंय. आरोग्य विभागाच्या माहितीनुसार राज्यात आज 6959 कोरोनाचे नवे रुग्ण आढळले आहेत. तर, 225 जणांचा मृत्यू झाल्यानं राज्यातील सध्याचा मृत्यूदर 2.1 टक्के झाला आहे.
7467 जण कोरोनामुक्त
महाराष्ट्रात आज 7467 रुग्ण कोरोनामुक्त होऊन घरी गेले आहेत. राज्यात आतापर्यंत एकूण 60, 90, 786 कोरोनाबाधित रुग्ण बरे झाले आहेत. त्यामुळं राज्यातील रुग्ण बरे होण्याचं प्रमाण 96.62 टक्के झालं आहे.
राज्यात आजपर्यंत 76 हजार 755 अ‌ॅक्टिव्ह कोरोना रुग्ण आहेत. राज्यातील कोरोना बाधितांची एकूण संख्या 63 लाख 3 हजार 715 झाली आहे.आरोग्य विभागाच्या ठाणे मंडळात 982 रुग्ण आढळले आहेत. यामध्ये सर्वाधिक रुग्ण मुंबई मनपामध्ये 345 रुग्ण आढळले. तर, नाशिक मंडळात 1130 रुग्ण आढळले इथ सर्वाधिक रुग्ण अहमदनगरमध्ये 965 रुग्ण आढळले आहेत. पुणे मंडळात 2386 रुग्ण आढळले असून सर्वाधिक रुग्ण सातारा जिल्ह्यात 798 रुग्ण आढळले आहेत. कोल्हापूर मंडळात 1863 तर सांगलीत 674 रुग्ण आढळले आहेत. औरंगाबाद मंडळात 102 तर लातूर मंडळात 412 रुग्ण आढळले आहेत. अकोला मंडळात 32 तर नागपूर मंडळात 52 रुग्ण आढळले आहेत.
केरळमध्ये कोरोनाचा स्फोट
केरळ सरकारच्या माहितीनुसार गेल्या चोवीस तासात तिथं कोरोनाच्या 20 हजार 772 नवे रुग्ण आढळून आलेत. तर 116 रुग्णांचा मृत्यू झालाय. देशात ज्या नव्या केसेस सापडतायत त्यात एकट्या केरळचा वाटा हा पन्नास टक्क्यांपेक्षा जास्त आहे. केरळमध्ये 13.61 एवढा संक्रमनाचा दर आहे. कोरोनाची वाढती रुग्णसंख्या पहाता, तिथल्या सरकारनं शनिवार, रविवार असे दोन दिवस संपूर्ण लॉकडाऊनची घोषणा केलीय.
देशाची संख्या चाळीस हजारावर
गेल्या चार दिवसांपासून देशात रोज कोरोनाचे 40 हजारापेक्षा जास्त रुग्ण सापडतायत. गेल्या चोवीस तासात 41 हजार 649 एवढे नवे रुग्ण सापडलेत. शुक्रवारी हाच आकडा 44 हजार 230 एवढा होता. दिलासादायक म्हणजे अजूनही रिकव्हरी रेट हा 97 टक्क्यापेक्षा जास्त आहे. गेल्या चोवीस तासात 37 हजार 291 रुग्ण कोरोनावर मात करण्यात यशस्वी झालेत.
इतर बातम्या:
Maharashtra News LIVE Update | पुणेकरांना निर्बंधातून दिलासा नाहीच, शहरात नियम जैसे थेच राहणार
Maharashtra Corona Update corona virus patients increased in state 6959 people tested positive fear of third wave