Maharashtra Election Final Results Winners 2026 LIVE : उल्हासनगरमध्ये अपक्ष विजयी उमेदवार सविता तोरणे यांचा शिवसेनेत प्रवेश

आम्ही तीन दिवस इथे राहणार आहोत. आम्हाला आमचे नेते एकनाथ शिंदे मार्गदर्शन करणार आहेत. आम्हाला हॉटेल पॉलिटिक्स करण्याची काही गरज नाही.आम्ही सगळे पक्ष चिन्हावर निवडणूक जिंकलोय असे नव निर्वाचित नगरसेवक अमेय घोले यांनी म्हटले आहे.

उल्हासनगरमध्ये अपक्ष विजयी उमेदवार सविता तोरणे यांचा शिवसेनेत प्रवेश

खासदार डॉ. श्रीकांत शिंदे यांच्या उपस्थितीत केला पक्षप्रवेश

श्रीकांत शिंदे ठरले उल्हासनगरमध्ये गेमचेंजर

शिवसेना शिंदे गटाकडे 38  नगरसेवक तर भाजप कडे 37

उल्हासनगरमध्ये आता शिवसेना शिंदे गटाचाच महापौर होण्याची शक्यता

सांगली महापालिका निवडणुकीमध्ये निवडून आलेल्या काँग्रेसच्या नूतन नगरसेवकांनी कडेगावमध्ये आज स्वर्गीय पतंगराव कदम यांना अभिवादन केलं आहे. यावेळी काँग्रेस आमदार विश्वजीत कदम यांच्या हस्ते नूतन नगरसेवकांचा सत्कार देखील करण्यात आला आहे. सांगली महापालिका निवडणुकीमध्ये काँग्रेस 31 जागांवर निवडणूक लढवली होती,यामध्ये काँग्रेसचे 18 नगरसेवक निवडून आले आहेत,या नूतन नगरसेवकांनी आज कडेगावमध्ये स्वर्गीय पतंगराव कदम यांच्या पुतळ्याला अभिवादन करत विश्वजीत कदम यांची भेट घेतली

केडीएमसीमध्ये निवडून आलेल्या शिवसेना नगरसेवकांची बैठक

उपमुख्यमंत्री एकनाथ शिंदे, खसदार श्रीकांत शिंदे यांच्या उपस्थितीत बैठक

महापौर पदाच्या रणनीतीसाठी बैठक असल्याची सूत्रांची माहिती

केडीएमसी महापालिकेत घडामोडींना वेग

उल्हासनगर महापालिकेवर कोणाची सत्ता येणार? वंचित बहुजन आघाडी ठरणार किंगमेकर. भाजप आणि शिवसेना बहुमत पासून दूर असल्याचे चित्र. वंचित बहुजन आघाडीचे २ विजयी उमेदवार अज्ञातस्थळी. वंचित बहुजन आघाडी शिंदे यांच्या शिवसेनेला देणार समर्थन सूत्रांची माहिती

धनगर समाजातील आंदोलनकर्ते दीपक बोराडे यांना पोलिसांनी अटक केल्यानंतर धाराशिव जिल्ह्यात तणावाचं वातावरण निर्माण झालं आहे. दीपक बोराडे यांच्या अटकेच्या निषेधार्थ धनगर समाजाच्या कार्यकर्त्यांनी औसा–तुळजापूर रोडवर खंडाळा गावच्या पाटीवर टायर पेटवून आंदोलन सुरू केलं आहे.

Kdmc मध्ये निवडून आलेल्या शिवसेना नगरसेवकांची ठाण्यात बैठक सुरु आहे. उपमुख्यमंत्री एकनाथ शिंदे ,खसदार श्रीकांत शिंदे यांच्या उपस्थितीत ही बैठक पार पडत आहे. महापौर पदाच्या रणनीतीसाठी बैठक असल्याची सूत्रांची माहिती दिली आहे.

जळगावात गणेश नगर येथे मारहाणीत जखमी झालेल्या तरुणाचा रक्तबंबाळ अवस्थेत पोलीस ठाण्यासमोर बसून ठिय्या आंदोलन करत गोंधळ सुरु आहे. सत्यजित गायकवाड असे जखमी तरुणाचे नाव असून धारधार शस्त्राने हल्ला केल्याचे सांगत हल्ला करणाऱ्यांना अटक करत कारवाईची मागणी केली जात आहे.

पुणे आणि पिंपरी महानगरपालिकेत दोन्ही राष्ट्रवादी एकत्रित येण्याचा निर्णय उशिरा झाल्याने आमची सत्ता आली नाही- रोहित पवार भारतीय जनता पार्टी हा शेवटच्या लेवलला जाऊन लढणारा पक्ष आहे स्थानिक पातळीवर त्यांनी आर्थिक आणि प्रशासनाची ताकद वापरून सत्ता मिळवली -रोहित पवार

मुंबई महापाैर आमचा व्हावा ही आजही आमची इच्छा आहे असे स्पष्ट शब्दात उद्धव ठाकरे यांनी म्हटले.

नुकताच राज ठाकरे यांच्याबद्दल देवेंद्र फडणवीस बोलताना दिसले. देवेंद्र फडणवीस म्हणाले की, उद्धव ठाकरे यांच्यासोबत जाऊन राज ठाकरे यांचा कोणताही फायदा झाला नाही पण राज ठाकरे एकत्र आल्याने उद्धव ठाकरेंना फायदा झाला.

मुख्यमंत्री देवेंद्र फडणवीस यांनी म्हटले की, पुण्याचा दादा पुण्याची जनता आहे. पुण्यात भाजपाला मोठे यश मिळाल्यानंतर देवेंद्र फडणवीसांनी मोठे विधान केले.

मला मुंबईकरांकडून नक्कीच जास्त अपेक्षा होती. कारण आम्ही गेल्या 25 वर्षांमध्ये मुंबईमध्ये खूप काम केली. मुंबईकर आम्हाला अधिक आर्शिवाद देतील, असे आम्हाला वाटले होते.

मुंबईच्या महापाैर पदाबद्दल बोलताना उद्धव ठाकरे यांनी म्हटले की, मुंबईचा महापाैर आमचा व्हावा, ही आजही आम्ही इच्छा आहे.

मुंबईकरांना वाटत नाही जर वाटत असतं तर मतदान केलं नसतं, मराठी आणि हिंदीत महापौर होणार… मुंबईच्या विकासासाठी काम करू…खरं आहे, शिंदेंच्या शिवसेनेला कमी धागा मिळाल्या ही वस्तुस्थिती, अनेकांनी ठाकरेंना झुकतं माप दिलं, मराठीच्या स्पिरीटचा शिंदेंना फटका बसला…शिंदे साहेब आत्मचिंतन , आत्मपरिक्षण करणारा नेता आहे, ते डगमगणारे नाहीत, त्यामुळे भविष्यात युतीत लढल्यानेच फायदा आहे… महायुती अभेद्य ठेवली तर त्याचा परिपाक चांगला असेल

सुप्रिया सुळे आणि अजित पवार यांच्यात बंद दाराआड चर्चा झाली आहे. यावेळी दोघांनी महापालिका निवडणुकीच्या पराभवाबद्दल चर्चा केल्याचे सांगितले जात आहे

महापालिकेच्या विजयानंतर पुन्हा एकदा नितेश राणे यांनी ठाकरे बंधूना डिवचल आहे. महापालिकेवर सत्ता आल्यानंतर त्यांनी म्हटले की, मराठी माणूस एकवटला आहे.

कल्याण, डोबिंवलीत आमचे उमेदवार पळवले, असा आरोप शर्मिला ठाकरे यांनी केला. यासोबतच त्यांनी म्हटले की, सत्ताधारी एकमेकांचे पैसे क पकडत होते.

मुंबई महापालिकेत निवडून आलेल्या उमेदवारांचे आैक्षण शर्मिला ठाकरे यांच्याकडून करण्यात आले. शिवतिर्थावर विजयी उमेदवारांना बोलावण्यात आले.

अॅड. प्रकाश आंबेडकर यांच्या वंचित बहुजन आघाडीला राज्यात ३० जागांवर विजय मिळाला असला तरी मुंबईत काँग्रेसबरोबर आघार्ड 45 जागा लढवून एकही जागा मिळवता आली नाही. धक्कादायक म्हणजे मुंबईत 8 आंबेडकरी पक्ष महानगरपालिका निवडणुकीच्या रिंगणात होते, मात्र यातील एकाही पक्षाला यावेळी एकही जागा जिंकता आली नाही.

भाजपचा गेम रवी राणा यांनी केला आहे..युवा स्वाभिमानने शिस्तीने भाजपचा गेम केला. भाजप आता युवा स्वाभिमान समोर लाचार झाली आहे. भाजपला आता युवा स्वाभिमानच्या कुबड्या घ्याव्या लागणार आहे.. लंगड सरकार आता अमरावती मध्ये त्यांचं स्थापन केल जाणार आहे..

राज्यातील महापालिका निवडणुकीचे निकाल स्पष्ट झाले असून राज ठाकरेंच्या पक्षाला मोठे अपयश मिळाले. मुंबई फक्त सहा नगरसेवक निवडून आणण्यात यश मिळाले. त्यानंतर राज ठाकरेंनी मोठे आवाहन कार्यकर्त्यांना केले असून त्यांनी म्हटले की, खचून न जाना कामाला लागा…

नुकताच संजय राऊत यांनी मोठा दावा केला. संजय राऊतांनी म्हटले की, आम्हाला सोडून गेलेले सर्व नगरसेवक पराभूत झाले आहेत.

राज्यातील 29 महापालिकांचे निकाल पुढे आली असून शरद पवारांच्या पक्षासोबतच थेट अजित पवारांच्या एनसीपीलाही मोठा धक्का बसला. याच पार्श्वभूमीवर अजित पवार आणि शरद पवार यांच्यात बैठक बारामतीमध्ये होणार आहे.

महापालिकांच्या निवडणुकीत अजित पवार यांनी महायुतीची साथ सोडून चक्क काका शदर पवार यांचा हात पकडला होता. मात्र, त्यांच्या पक्षांना मोठा धक्का बसल्याचे बघायला मिळाले.

उद्धव ठाकरे यांनी मनसेचा फक्त वापर करून घेतला असे म्हणत भाजपचे पदाधिकारी संतोष धुरी यांनी ठाकरेंच्या सेनेसह मनसेवरही निशाणा साधला.  आणखी किती वर्ष दुसऱ्यांना जिंकवत राहणार ? असा सवालही धुरी यांनी मनसेला विचारला आहे.

राष्ट्रवादी काँग्रेसचे सर्वेसर्वा शरद पवार यांच्या भेटीसाठी अजित पवार हे त्यांच्या बारामतीमधील निवासस्थानी गेले आहे आहेत. सुप्रिया सुळे तसेच अमोल कोल्हे हे देखील गोंविदबागेतील निवासस्थानी उपस्थित आहेत. दोन्ही राष्ट्रवादीच्या नेत्यांची महत्वाची बैठक सुरू.

पुणे शहराचे प्रतिनिधित्व केलेल्या आमदारांच्या पुढील पिढीला महापालिका निवडणुकीमध्ये 50 टक्के यश मिळालं.  भारतीय जनता पक्षाच्या तिकिटावर निवडून आलेले सहापैकी पाच आमदारपुत्र अन्य पक्षांतून आले आहेत. तर भाजपमध्ये प्रवेश करूनही एका आमदारपुत्राला पराभवाला सामोरे जावे लागले. दोन माजी आमदारांच्या पत्नीला पराजयाचा सामना करावा लागला.

धाराशिव जिल्हा परिषद निवडणुकीच्या पार्श्वभूमीवर शिवसेनेचे नेते, माजी मंत्री आमदार तानाजी सावंत यांच्या कुटुंबात राजकीय दरी निर्माण होण्याची शक्यता निर्माण झालीय. आमदार तानाजी सावंत यांचे पुतणे धनंजय सावंत यांनी जिल्हा परिषदेसाठी स्वतंत्र मोर्चेबांधणी सुरू केल्यामुळे  सावंत कुटुंबियांमध्ये बिनसल्याचे चित्र दिसत आहे.

जिल्हा परिषद निवडणुकीच्या पार्श्वभूमीवर धनंजय सावंत यांनी स्वतंत्र बैठका घेत कार्यकर्त्यांशी संवाद साधला. या बैठकीसाठी वापरण्यात आलेल्या बॅनरवर कुठेही आमदार तानाजी सावंत यांचा फोटो वापरला नसल्याने जिल्ह्यात चर्चेला उधाण आलं.

बीड नगरपालिकेमध्ये अजित पवारांच्या राष्ट्रवादीचे विनोद मुळूक यांची बिनविरोध उपनगराध्यक्ष म्हणून निवड करण्यात आली आहे. उपनगराध्यक्ष पदाच्या निवडीत दोन्ही राष्ट्रवादी एकत्रित आल्याचे बीडमध्ये पाहायला मिळाले.

पुण्यातील महापालिका निवडणुकीत 18 प्रभागात भाजपाने विजयी चौकार लगावला आहे. 41 प्रभागापैकी 18 प्रभागात भाजपाचे पूर्ण पॅनल विजयी झाले आहे.

कसबा,पर्वती,कोथरूड, शिवाजीनगर,या बालेकिल्यासह वडगाव शेरी खडकवासला हडपसर विधानसभा मतदारसंघात पॅनलचा समावेश आहे.

शिवसेनेच्या पहिल्या महिला आमदार नीला देसाई यांचं निधन झालं आहे. काल रात्री 10 वाजता त्यांनी अखेरचा श्वास घेतला. हृदयविकाराच्या झटक्याने नीला देसाई यांचं निधन झालं, आज दुपारी 12 वाजता ओशिवरा स्मशानभूमीत त्यांच्या पार्थिवावर अंत्यसंस्कार केले जातील.

जालन्यात निकालानंतर प्रभाग क्रमांक 10 मध्ये काँग्रेस-सेनेच्या समर्थकांमध्ये हाणामारी झाली आहे.  यामध्ये 5 ते 6 जण जखमी झाले आहेत. मिलन चौक या संपूर्ण परिसरातील ही घटना असून हाणामारीमुळे तणाव वाढला होता. सध्या परिस्थिती नियंत्रणात आहे.

जळगाव महापालिका निवडणूकीनंतर माजी खासदार उल्हास पाटील यांनी खडसेंवर जोरदार टीका केली.  जळगाव महापालिकेच्या निवडणुकीत खडसेंची बडबड यशस्वी ठरली नाही. लोकांचा एकनाथ खडसेंवर आता विश्वास राहिलेला नाही असे टीकास्त्र त्यांनी सोडलं.

जळगावमध्ये राष्ट्रवादी शरद पवार पक्षाला खातही उघडता आलं नाही त्यावरून उल्हास पाटलांनी खडसेंना धारेवर धरलं.

पुणे महानगरपालिका निवडणुकीत शहराध्यक्ष आणि माजी पदाधिकाऱ्यांना पराभवाचा सामना करावा लागला.  भाजपचे शहराध्यक्ष धीरज घाटे व काँग्रेसचे शहर अध्यक्ष अरविंद शिंदे वगळता राष्ट्रवादी काँग्रेस अजित पवार ,मनसे, शिवसेना ठाकरे गट, शिवसेना शिंदे गटाचे शहराध्यक्ष पराभूत झाले.

मुंबई महापालिकेवर शिवसेना शिंदे गट आणि भाजपाची एकहाती सत्ता आली आहे. शेवटपर्यंत मोठी लढत महापालिकेवर बघायला मिळाली. भाजपाचाच महापाैर होणार हे स्पष्ट झालंय.

मुंबई महापालिकेच्या निकालात मोठा ट्वविस्ट आला असून 10 जागांवर सर्वकाही गणित आडले असून कॉंग्रेस किंगमेकर ठरत आहे. भाजपा बहुमतापासून दूर जात आहे.

महापालिका निवडणुकीचा निकाल येत असून मुंबई महापालिकेवर आमचीच सत्ता आल्याचा दावा भाजपाने केला असता आता मोठा ट्ववि्ट आला असून भाजपाचे बहुमत हुकताना दिसत आहे.

महाराष्ट्राचे आभार… राज्यातील उत्साही जनतेने एनडीएच्या जनहितकारी आणि सुशासनाच्या अजेंड्याला आपले आशीर्वाद दिले आहेत! विविध महानगरपालिका निवडणुकांचे निकाल हे दर्शवितात की महाराष्ट्रातील जनतेशी एनडीएचे नाते अधिक दृढ झाले आहे. आमच्या कामगिरीचा अनुभव आणि विकासाची दृष्टी जनतेच्या…महाराष्ट्रभर जनतेसोबत राहून अहोरात्र परिश्रम करणाऱ्या एनडीएच्या प्रत्येक कार्यकर्त्याचा मला अभिमान आहे. त्यांनी आमच्या युतीच्या कामगिरीबाबत माहिती देताना, आगामी काळासाठीचा आमचा दृष्टीकोण ही अधोरेखित केला आणि विरोधकांच्या खोट्या आरोपांना प्रभावीपणे प्रत्युत्तर दिले. त्यांना माझ्या हार्दिक शुभेच्छा, असे नरेंद्र मोदी यांनी म्हटले..

काँग्रेस 28 आणि उबाठा 6 यांची मनपावर एकत्रित सत्ता येण्याचा मार्ग मोकळा. चंद्रपुरात मोठा उलटफेर, भाजपला धक्का. राज्यात महायुतीची घोडदौड असताना चंद्रपूर ठरले अपवाद

पराभवानंतर अजित पवार यांनी मोठी प्रक्रिया देत म्हटले की, जनतेचा काैल मी आदराने स्वीकर करतो..

राज्यातील महापालिका निवडणुकीची आकडेवारी पुढे येत असून संजय राऊत यांनी यावर प्रक्रिया दिली. अटीतटीची लढत सध्या सुरू असल्याचे त्यांनी म्हटले. ठाकरेंना आव्हान द्यायचा प्रयत्न करण्यात आल्याचे त्यांनी म्हटले..

रवींद्र चव्हाण यांनी विजयानंतर महापालिका निवडणुकीच्या यशाचे श्रेय पक्षातील सर्व कार्यकर्त्यांना दिले आहे.

शिंदेंच्या शिवसेनेतील माझी महापौर वैजयंती घोलप यांच्या पॅनलचा पराभव. ठाकरे गटाचे उमेश बोरगावकर ,अर्पणा भोईर, स्वप्नाली केने ,संकेत भोईर विजयी

छत्रपती संभाजीनगरचा निकाल हाती येत असून एमआयएम हा नंबर दोनचा पक्ष ठरला आहे. भाजपा एक नंबरचा पक्ष ठरलाय…

किरीट सोमय्या यांनी नुकताच मुंबई महापालिकेच्या निकालावर बोलताना म्हटले की, माझ्या पोराने ठाकरेंची इज्जत काढली. किरीट सोमय्या यांचा मुलाचा विजय मुंबई महापालिका निवडणुकीत झाला आहे.

जळगाव महापालिकेत महायुतीने 75 जागेपैकी 70 जागेवर दणदणीत विजय मिळवला आहे. भाजपने जळगाव महापालिकेत 46 जागेवर विजय मिळवत सर्वात मोठा पक्ष बनला आहे. विजयानंतर भाजप कार्यालयात बाहेर कार्यकर्त्यांनी मोठा जल्लोष केला. यावेळी आमदार सुरेश भोळे यांनी कार्यकर्त्यांसोबत ढोल ताशाच्या गजरावर ठेका धरल्याचं बघायला मिळालं

किशोरी पेडणेकर यांचा विजय झाला असून शिवसेना ठाकरे गटाच्या महत्वाच्या नेत्या किशोरी पेडणेकर आहेत.

29 महापालिकांचे निकाल येत असून धुळे महापालिकेत भाजपाची एकहाती सत्ता आल्याचे दिसतंय. धुळ्यात भाजपाने धमाकेदार कामगिरी केली आहे.

आंदेकर टोळीतील सदस्य सोनाली आंदेकर विजयी झाल्या असून थेट जेलमधून त्यांनी ही निवडणूक लढवली होती .रवींद्र धंगेकर यांच्या पत्नीचा पराभव झाला.

जालना महापालिकेवर भाजपाची एकहाती सत्ता आली असून जालन्याच्या पालकमंत्री पंकजा मुंडे यांचा करिश्मा बघायला मिळत आहे.

महापालिका निवडणुकीत 75 पैकी भाजपचे 46, शिवसेनेचे 22 आणि राष्ट्रवादीचा 1 असे महायुतीचे
69 जागांवर उमेदवार विजयी झाले आहेत. विधानसभा, नगरपरिषदा निवडणुकीनंतर महापालिका निवडणुकीत देखील भाजप आणि शिंदे सेना वरचढ असल्याचे पाहायला मिळाले…महाविकास आघाडीत शिवसेना ठाकरे गटाचे 5 उमेदवार निवडून आले असून शरद पवारांच्या राष्ट्रवादीला भोपळा देखील फोडता आलेला नाही.

अमरावतीमध्ये भाजपाला तसा धक्का बसल्याचे दिसतंय. राष्ट्रवादी अजित पवार गटाने धमाकेदार कामगिरी केली.

अमरावती महानगरपालिका

एकूण जागा-87

22 पैकी 17 प्रभागातील 67 उमेदवार विजयी.

भाजप-17
काँग्रेस- 15
युवा स्वाभिमान-4
एमआयएम-6
राष्ट्रवादी अजित दादा- 17
BSP-3
शिवसेना शिंदे-3
शिवसेना ठाकरे-1
प्रहार-1

पुणे महापालिकेचा निकाल हाती येत आहेत. जवळपास निकाल आले असून एकाही जागेवर आघाडी घेण्यात शिवसेना ठाकरे गटाला यश मिळाले नाही. अजूनही शिवसेना ठाकरे गट झिरोवर आहे

नाशिकमध्ये भाजपची एकहाती सत्ता, भाजपने गाठला 62 चा जादुई आकडा. आगामी कुंभमेळ्याच्या पार्श्वभूमीवर भाजपने नाशिक महापालिका निवडणूक केली होती प्रतिष्ठेची. शिंदेंची शिवसेना ठरला दोन नंबरचा पक्ष

अजित पवार यांनाच नाही तर शरद पवारांच्या पक्षालाही मोठी धक्का बसल्याचे बघायला मिळत आहे. पुण्यासह पिंपरी चिंचवडमध्ये हातून सत्ता जाताना दिसत आहे.

मुख्यमंत्री देवेंद्र फडणवीस यांनी मुंबई महापालिकेच्या निकालावर थेट अमित साटम यांना फोन केला. यावेळी ते शुभेच्छा देताना दिसले.

तानाजी सावंत यांना अत्यंत मोठा धक्का बसला आहे. थेट पुण्यातून मुलाचा पराभव. हा सर्वात मोठा धक्का म्हणावा लागेल.

पिंपरी चिंचवड महापालिकेचे निकाल पुढे येत असून अजित पवारांना मोठा दणका बसला असून धक्कादायक आकडे पुढे येत आहेत. भाजपालाने थेट धक्का अजित पवारांना दिला. भाजपा 84 जागेवर आघाडीवर आहे तर अजित पवार गट 34 वर आघाडी…

शिवसेना ठाकरे गटाच्या निकालानंतर नितेश राणे यांनी थेट उद्धव ठाकरेंची खिल्ली उडवत धक्कादायक व्हिडीओ शेअर केला आहे. ज्यामध्ये ते पेग्विंन म्हणते जय श्रीराम म्हणत हसत आहेत.

पुणे आणि पिंपरी चिंचवडमध्ये धक्कादायक निकाल येत असून अजित पवारांनी ऐन निवडणुकीच्या तोंडावर भाजपाची युतीची साथ सोडून शरद पवारांच्या पक्षाचा हात पकडला होता. मात्र, अजित पवारांचे उमेदवार पिछाडीवर असून भाजपाने जोरदार मुसंडी मारली.

छत्रपती संभाजीनगरमध्ये एकनाथ शिंदेंच्या शिवसेनाचा धक्का बसताना दिसत आहे. भाजपा हा सर्वात मोठा पक्ष ठरताना दिसतोय. मात्र, एकनाथ शिंदेंच्या शिवसेनाच्या दोन्ही मंत्र्यांचे मुले आघाडीवर आहेत.

अकोल्यातील सर्व 80 जागांचे निकाल हाती येत असून भाजपा 40 जागांवर आघाडीवर दिसत आहे. हा मोठा धक्का भाजपाला म्हणाला लागेल, कारण अकोला हा भाजपाचा गड मानला जातो. फक्त 40 जागांवर आघाडीवर भाजपा आहे.

लातूरमध्ये वंचित आणि कॉंग्रेसची एकहाती सत्ता येताना दिसत आहे. हा मोठा दणका भाजपाला म्हणावा लागेल. गेल्या निवडणुकीत भाजपाकडे महापालिकेची सत्ता होती. मात्र, यावेळी पराभवाचा सामना करावा लागत आहे.

मालेगावात सगळेच फेल, चर्चेत नसलेल्या पक्षाची जोरदार मुसंडी बघायला मिळत आहे.

मालेगाव महापालिका विजयी उमेदवार…

भाजप – 02
शिवसेना – 18
इस्लाम – 19
सपा – 05
काँग्रेस – 01
एमआयएम – 04
इतर – 01

स्वतःच्या घरात भाजपचे ४ तिकीट घेणाऱ्या बडगुजर यांना मोठा धक्का. प्रभाग २५ चा निकाल समोर, ४ पैकी २ जागेवर भाजप तर एका जागेवर शिंदेंची शिवसेना आणि एका जागेवर ठाकरेंच्या शिवसेनेचा उमेदवार विजयी. प्रभाग क्रमांक २५ मध्ये भाजपचे सुधाकर बडगुजर आणि भाजपच्या साधना मटाले विजयी तर इतर २ जागांवर शिंदेंच्या सेनेच्या कविता नाईक विजयी आणि ठाकरेंच्या शिवसेनेचे मुरलीधर भांबरे विजयी

सोलापूरमध्ये 54 जागांवर भाजपा आघाडीवर असून मोठे यश भाजपाला मिळाल्याचे बघायला मिळत आहे. प्रणिती शिंदे कॉंग्रेससाठी मैदानात उतरल्या आहेत.

अजित पवार आणि शरद पवार गट यांना पिंपरी चिंचवड महापालिकेवर मोठे यश मिळताना दिसत आहेत. काकांचा हात पकडून अजित पवार भाजपाला धक्का देतांना सुरूवातीच्या कलानुसार दिसत आहे.

मुंबई महापालिकेचा निकाल हाती येत असून भाजपा आणि शिवसेना 133 जागांवर आघाडीवर आहे. एकहाती दोन्ही पक्षांची सत्ता येण्याची शक्यता आहे.

मुंबईत शिवसेना शिंदे गटाला मोठा धक्का बसला असून समाधान सरवणकर आणि वायकर यांना पराभवाचा सामना करावा लागला. हा एक मोठा धक्का शिंदेंना म्हणावा लागेल.

मुंबईमध्ये भाजपाची विजयी वाटचाल सुरू असून भाजपाचा पहिल्यांदा मुंबई महापालिकेवर महापाैर बसू शकतो. मुंबई महापालिकेत भाजपा 80 जागांवर आघाडीवर आहे.

भाजपा प्रदेशाध्यक्ष रवींद्र चव्हाण यांनी लातूरमध्ये जाणून धक्कादायक विधान विलासराव देशमुख यांच्याबद्दल केले होते. त्यानंतर आता लातूर महापालिकेचे निकाल येत असून भाजपाला मोठा धक्का बसला असून कॉंग्रेस आघाडीवर असल्याचे दिसतंय.

अमरावतीमध्ये भाजपला मोठा धक्का ; साई नगर प्रभागात भाजपचे आमदार श्रीकांत भारतीय यांचे बंधू तुषार भारतीय पराभूत. रवी राणांचे निकटवर्तीय युवा स्वाभिमानचे उमेदवार सचिन भेंडे विजयी..आमदार रवी राणांनी केली होती साईनगर मधील निवडणूक प्रतिष्ठेची

महापालिका निवडणुकीचे कल हाती येत असून जवळपास महापालिकांवर भाजपाची दमदार कामगिरी बघायला मिळत आहे. लाट भाजपाची आल्याचे दिसतंय.

अमरावतीमध्ये भाजला मोठा धक्का बसला असून मुख्यमंत्र्यांच्या मामेभावाचा पराभव, यासोबतच भाजपाचीही निराशजनक कामगिरी.

पुण्यात प्रशांत जगताप यांचा विजय झाला असून त्यांच्या आईचा मात्र पराभव झाला आहे. पुणे महापालिकेच्या निवडणुकीकडे राज्याच्या नजरा होत्या. आता निकाल हाती येत आहेत.

भाजपा आणि शिवसेना शिंदे गटाने मुंबईत युती म्हणून निवडणुका लढल्या. आता सत्तेसाठी अगदी जवळ असल्याचे बघायला मिळत आहे. मोठी लढत मुंबई महापालिकेत बघायला मिळत आहे.

सोलापूरमध्ये भाजपाची जोरदार कामगिरी बघायला मिळत आहे. तब्बल 45 जागांवर भाजपाची सोलापूरमध्ये आघाडी बघायला मिळत आहे.

अमरावती मध्ये भाजपला मोठा धक्का बसण्याची शक्यता आहे. भाजपचे आमदार श्रीकांत भारतीय यांचे बंधू तुषार भारतीय दुसऱ्या फेरीत तबल 1530 मतानी पिछाडीवर. रवी राणांचे निकटवर्तीय युवा स्वाभिमानचे उमेदवार सचिन भेंडे 1530 मतांनी आघाडीवर.

मुंबई महापालिकेचे निकाल हाती येत असून मोठी बाजी भाजपा आणि शिवसेना ठाकरे गट मारताना दिसत आहे. भाजपा सर्वात मोठा पक्ष सुरूवातीच्या आकड्यांवरून ठरत असून शिवसेना ठाकरे गट दुसऱ्या नंबरचा पक्ष ठरला.

ठाण्यात भाजपा 14 शिवसेना शिंदे गट 10 वर आघाडीवर आहे. शिवसेना आणि शिंदेची येथे युती आहे. मात्र, ठाणे महापालिकेत शिवसेना शिंदे गटाची ताकद आहे.

मुंबईमध्ये भाजपाच्या तेजस्वी घोसाळकर विजयी झाल्या आहेत. निवडणुकीच्या तोंडावर तेजस्वी घोसाळकर या भाजपात दाखल झाल्या होत्या. त्यापूर्वी त्या शिवसेना ठाकरे गटात होत्या.

पुण्यात अजित पवारांना मोठा धक्का बसला असून भाजपाने जोरदार मुसंडी मारली असून अजित पवारांच्या गटाचे उमेदवार पिछाडीवर असून हा थेट धक्काच म्हणावा लागेल.

मुंबईचा पहिला निकाल हाती आला असून आशा काळे कॉंग्रेसच्या विजयी झाल्या आहेत. हा मुंबई महापालिकेचा पहिला निकाल आहे.

राष्ट्रवादी काँग्रेस पक्ष अजित पवार गट आणि शरद पवार गट पुणे आणि पिंपरी चिंचवड महापालिकेत एकत्र येऊन निवडणुका लढताना दिसले. भाजपाच्या विरोधात थेट निवडणुका लढताना अजित पवारांचा पक्ष दिसला. मात्र, म्हणावी तशी कामगिरी अजिबात करण्यात अजित पवार यांच्या पक्षाला जमली नाही.

जळगावात शिवसेना शिंदे गटाला मोठे यश मिळाले असून पहिला विजय मिळाला आहे.

पुणे महापालिकेचे निकाल हाती येत असून आबा बागुल पिछाडीवर असल्याचे बघायला मिळत आहे. हा मोठा झटकाच म्हणावा लागेल.

महापालिकांचे निकाल हाती येत असून मुंबईत भाजपा आणि शिवसेना ठाकरे गट यांच्या मोठी टक्कर बघायला मिळत आहे.

मुंबई महापालिकेचे सुरूवातीचे कल हाती येत असून भाजपा शिंवसेना ठाकरे गट तब्बल 73 जागांवर आघाडीवर असल्याचे बघायला मिळत आहेत.

पुण्यातून वसंत मोरे यांच्या पूत्र पिछाडीवर असल्याचे बघायला मिळत आहे. शिवसेना ठाकरे गटाकडून वसंत मोरे यांचा मुलगा ही निवडणूक लढत आहे.

नांदेड महापालिकेच्या निवडणुकीच्या निकालाचे पहिले कल हाती येत असून नांदेड महापालिकेत भाजपा आघाडीवर असल्याचे बघायला मिळत आहे.

राज्यातील 29 महापालिकांचे कल हाती येत असून मुंबई महापालिकेत भाजपा धमाल करताना दिसत आहे. 50 जागांवर आघाडीवर आहे. यासोबत शिवसेना शिंदे गटही धमाका करताना दिसत आहे.

प्रशासनाचे कोणतेही नियोजन नसल्याने उमेदवार प्रतिनिधींची गर्दी. सकाळी 9 वाजल्यापासून सुरू असलेला गोंधळ अद्याप कायम. निवडणूक निरिक्षक मतमोजणी केंद्रावर दाखल, उमेदवारांनी मांडली कैफियत.

पनवेलमध्ये भाजपने आपली विजयाची परंपरा कायम राखल्याचे चित्र आहे. सुरुवातीच्या फेऱ्यांपासूनच भाजप उमेदवाराने मोठी आघाडी घेतली आहे. सिडको क्षेत्रातील नागरी प्रश्नांचा प्रभाव या निकालांवर स्पष्टपणे दिसून येत आहे.

डोंबिवलीत प्रभाग क्रमांक 21, 22 ,23 ,24 ,29 आणि 30 प्रभाकर मतमोजणीला सुरुवात झाली आहे. पोस्टल मतदानामध्ये डोंबिवलीत भाजप आघाडीवर. सुरुवातीला टपाल मत मोजली सुरू आहे.

लातूरमध्ये भाजपाची सत्ता होती. मात्र, आता लातूरमध्ये भाजपाला सर्वात मोठा झटका बसताना दिसत असून भाजपा लातूर महापालिकेत पिछाडीवर आहे.

उमेदवारांच्या प्रतिनिधींना आत प्रवेश करताना उडाला गोंधळ. प्रशासनाच्या निष्काळजीपणामुळे उडाला गोंधळ..पोलिसांनी भाजपच्या उमेदवाराला काढले बाहेर..प्रशासनाचा कारभार नियोजन शून्य असल्याचा भाजपच्या उमेदवाराचा आरोप

महापालिकेचे कल हाती येत असून मुंबईमध्ये भाजपा आणि शिवसेना शिंदे गटाने जोरदार कामगिरी केल्याचे बघायला मिळत आहे. भाजपा आणि शिवसेना शिंदे गट 50 जागांवर आघाडीवर आहे.

पुणे महापालिकेच्या निकालाकडे सर्वांच्या नजरा आहेत. पुण्यात भाजपाने जोरदार मुसंडी मारली असून 33 जागांवर आघाडीवर आहे.

सुरूवातीच्या कलांनुसार, ठाकरे गटाला मोठा झटका बसताना दिसत आहे. भाजपा आणि एकनाथ शिंदे गट आघाडीवर दिसत आहे.