Maharashtra News LIVE : मनोज जरांगे पाटील आंदोलनावर ठाम, सरकारकडून मनधरणी
Maharashtra News LIVE : मनोज जरांगे पाटील यांनी उद्यापासून आंदोलनाचा एल्गार पुकारला आहे. 29 ऑगस्टपासून मराठा आरक्षणासाठी त्यांनी आमरण उपोषणाची घोषणा केली आहे. अमराठी रिक्षाचालकांना मुख्यमंत्र्यांनी मराठी भाषा शिकण्यासाठी एक वर्षांची मुदत दिली.
LIVE NEWS & UPDATES
-
ठाकरे शिवसेनेचे जिल्हाप्रमुख रणजीत पाटील यांनी महसूल अधिकाऱ्याला झापलं
ठाकरे शिवसेनेचे जिल्हाप्रमुख रणजीत पाटील यांनी महसूल अधिकाऱ्याला झापलं.याविषयीचा सोशल मीडियावर व्हिडिओ व्हायरल झाला आहे. शेतकऱ्यांची कामे रखडल्याने उद्धव बाळासाहेब ठाकरे शिवसेनेचे जिल्हाप्रमुख रणजीत पाटील यांनी महसूल अधिकाऱ्याला चांगलेच सुनावले. परंडा येथे महसूल विभागात शेतकऱ्यांची कामे वेळेत होत नसल्याचा आरोप करत रणजीत पाटील यांनी संबंधित अधिकाऱ्याला जाब विचारला. शेतकरी आपल्या कामांसाठी कार्यालयाच्या फेऱ्या मारत असताना कामे रखडत असल्याने पाटील यांनी अधिकाऱ्याला धारेवर धरले. संतापाचा व्हिडिओ सोशल मीडियावर व्हायरल होत असून, महसूल विभागाच्या कार्यपद्धतीवर प्रश्नचिन्ह उपस्थित झाले आहे.
-
उपमुख्यमंत्री सुनेत्रा पवार यांनी केली बारामतीतील विकास कामांची पाहणी
उपमुख्यमंत्री सुनेत्रा पवार बारामतीच्या दौऱ्यावर असून पहाटे सहा वाजल्यापासूनच त्यांनी बारामतीतील विकास कामांच्या पाहणीला सुरुवात केली असून बारामतीतील मार्केट यार्ड या ठिकाणी रेशीम कोष खरेदी विक्री बाजारपेठ व प्रशिक्षण केंद्र त्या ठिकाणी सुरू असलेल्या कामाची उपमुख्यमंत्री सुनेत्रा पवार यांनी पाहणी केली.
-
-
तलाठ्यांचा पीक पाहणी कामावर बहिष्कार
पुणे जिल्ह्यात तलाठ्यांचा पीक पाहणी कामावर बहिष्कार टाकला. शंभर टक्के पीक पडताळणीच्या सक्तीला तलाठ्यांचा विरोध केला. शेतकऱ्यांची किंवा सहा टक्के पीक नोंदणी झाली. डिजिटल क्रोप सर्वे ॲप मध्ये पीक पाहणी सहाय्यकाने केलेल्या नोंदीची शंभर टक्के करण्याच्या सक्ती विरोधात तलाठ्यांनी बहिष्कार घातलाय राज्यात केवळ एकूण क्षेत्राच्या तुलनेत त फक्त सहा टक्के नोंद झाली आहे.
-
पुणे जिल्हा परिषदेच्या मॉडेल स्कुल उपक्रमातून शाळांचा होणार कायापालट
पुणे जिल्हा परिषदेच्या मॉडेल स्कुल उपक्रमातून शाळांचा कायापालट होणार आहे. सोयी सुविधांपासून दूर राहिलेल्या आणखी 300 शाळांना नव्या रूपात आणण्याचा जिल्हा परिषदेचा निर्णय आहे. पुणे जिल्हा परिषदेच्या वतीने मिशन 300 जुनी शाळा नवी ओळख हा विशेष उपक्रम हाती घेण्यात आलाा आहे. ग्रामीण भागातील वीस हजार विद्यार्थ्यांना सुरक्षित सुसज्ज आणि दर्जेदार शैक्षणिक वातावरण उपलब्ध करून देण्याचा या उपक्रमातून जिल्हा परिषदेचा उद्देश आहे. गरजू शाळांसाठी हा उपक्रम असल्याची पुणे जिल्हा परिषदेचे मुख्य कार्यकारी अधिकारी गजानन पाटील यांची माहिती दि
-
वडेट्टीवार मराठा-ओबीसींमध्ये भांडण लावतायत
वडेट्टीवार मराठा-ओबीसींमध्ये भांडण लावतायत असा आरोप महेश डोंगरे पाटील यांनी केला आहे. वडेट्टीवार यांची काँग्रेसमधून हकालपट्टी करा. मराठा क्रांती मोर्चाने मागणी केली आहे. लक्ष्मण हाके, वाघमारे यांना वडेट्टीवार रसद पुरवत असल्याचा आरोप त्यांनी केला. अन्यथा वडेट्टीवारांच्या मतदारसंघात जाऊन जाब विचारू अस इशारा पाटील यांनी दिला.
-
मनोज जरांगे पाटील यांनी आंदोलनाची हाक दिल्यानंतर अंतरवाली सराटीत तयारीला वेग आला आहे. निर्णायक आंदोलनासाठी ते सज्ज झाले आहेत. अंतरवालीत मंडप तयार करण्यात आला आहे. तर दुसरीकडे सरकार जरांगे पाटील यांच्याशी चर्चा करत असल्याचे उद्योगमंत्री उदय सामंत यांनी स्पष्ट केले. MPSC च्या औषध निरीक्षक पदाचा पेपर फुटल्यानंतर त्यातील सुरस कथा समोर आल्या. आता राज्य उत्पादन शुल्क विभागाचा मार्किंग पॅटर्न फुटल्याचा आरोप करण्यात आला आहे. आमदार रोहित पवार यांनी हा आरोप केला आहे. आज रक्षाबंधन आहे. सीमेवर आणि राजकीय रक्षाबंधन दिसेल.
मुंबई महापालिकेवर शिंदे सेनेचा महापौर बसण्याची चर्चा समोर आली आहे. याविषयीचा फॉर्म्युला ठरल्याचा दावा करण्यात येत आहे. गणेश मंडळांना बाप्पााच्या मूर्तीसाठी फिटनेस सर्टिफिकेट घ्यावे लागणार आहे. तर डीजेच्या परवानगीवरूनही कार्यकर्त्यांना यंदा कसरत करावी लागणार असल्याचे दिसते. नेपाळमध्ये महाप्रलय आल्याने जनजीवन उद्धवस्त झाले आहे. मुख्यमंत्री देवेंद्र फडणवीस यांनी नेपाळमध्ये अडकलेल्या महाराष्ट्रातील नागरिकांशी व्हिडिओ कॉलद्वारे संवाद साधला. त्यांना राज्यात आणण्यासाठी सरकार सर्वोतपरी प्रयत्न करण्याचे आश्वासन त्यांनी दिले. यासह राज्यातील आणि देशातील महत्त्वाच्या घडामोडी तुम्ही इथं वाचू शकता.
