Maharashtra News LIVE : शेतकऱ्यांच्या मदतीच्या घोषणा होतात, प्रत्यक्षात मदत मिळत नाही – आदित्य ठाकरे
Maharashtra News : आज शिवसेना पक्ष आणि चिन्हावर दिल्लीत सुनावणी आहे. या सुनावणीकडे सर्वांच्या नजरा आहेत. त्यातच आज मंत्रिमंडळाची बैठक होणार आहे. सुनेत्रा पवार यांनी नुकताच आपल्या आमदारांना मोठ्या सूचना दिल्या आहेत.

शिवसेना पक्ष आणि चिन्हा प्रकरणी सुप्रीम कोर्टामघ्ये सुनावणी सुरु आहे. यावेळी शिंदे सेनेचे वकील ध्रुव मेहता यांनी युक्तिवाद केला आहे. ही सुनावणी अंतिम टप्प्यामध्ये आली आहे.
– २१ जून २०२२ रोजी आमदारांच्या बैठकीत एकनाथ शिंदे यांची विधिमंडळ पक्षनेते म्हणून भूमिका कायम होती
– भरत गोगावले यांची प्रतोद म्हणून नियुक्ती करण्यात आली होती.
– शिंदे गटाचा व्हीप वैध असल्याचा युक्तिवाद
– दहाव्या अनुसूचीअंतर्गत अपात्रतेचा निर्णय घेण्याचा अधिकार विधानसभा अध्यक्षांना आहे
– अध्यक्षांच्या निर्णयात त्रुटी असल्यास सामान्यतः प्रकरण पुन्हा अध्यक्षांकडे पाठवणे हा योग्य मार्ग
– विधानसभा मुदत संपल्यामुळे आता आमदारांना अपात्र ठरवण्याची मागणी निष्फळ ठरते
– राजेंद्रसिंह राणा आणि सुभाष देसाई प्रकरणातील न्यायालयीन निकालांचा दाखला
या सर्व मुद्द्यांवरुन त्यांनी कोर्टासमोर युक्तिवाद केला आहे.