Maharashtra News LIVE : 4 तारखेला ठाकरे बंधुंच्या भायखळा येथून निघणाऱ्या मोर्चाची टॅग लाइन ठरली

दुष्काळामुळे अमरावती जिल्ह्यात पाणीटंचाईचे सावट आहे. पुढील वर्षीच्या जून-जुलै महिन्यापर्यंत पाणीपुरवठ्याचे नियोजन करण्याचे निर्देश देण्यात आले आहे. पिण्याच्या पाण्याला प्राधान्य, सिंचनासाठी कमी आवर्तने देण्यात येणार आहे. यंदा सिंचनासाठी जास्तीत जास्त फक्त दोन आवर्तने मिळण्याची शक्यता आहे. अमरावती जिल्ह्यात पावसाची तब्बल 43 टक्के तूट आहे. सिंचन प्रकल्पांत फक्त 61 टक्के जलसाठा भूगर्भातील जलपातळी झपाट्याने घटण्यास सुरुवात झाली आहे.

घोटी येथून आदिवासी विद्यार्थ्यांचा उलगुलान लाँग मार्च हा बोरटेंभे शिवारात पोहोचला आहे. बोरटेंभे येथील दशमेश गुरुद्वारा यांनी त्यांच्या जेवणाची व्यवस्था केली आहे.

अमेरिकेवरील ९/११ च्या हल्ल्यासारखी भीषण दुर्घटना टाळत १८० प्रवाशांचे प्राण वाचवण्यासाठी धाडस दाखवणारे कॅप्टन स्मित मच्छार हे मूळचे मुंबईतील चेंबूरचे रहिवासी आहेत. चेंबूरमधील स्वास्तिक हाइट्स येथे त्यांचे आई-वडील राहतात. स्मित हे देखील काही वर्षांपूर्वीपर्यंत त्यांच्यासोबतच राहत होते.

लातूर शहराला आता सहा दिवसातून एकदा पाणी पुरवठा करण्याचा निर्णय महानगर पालिकेने घेतला आहे. संभाव्य पाणी टंचाई लक्षात घेऊन चार दिवसातून एकदा करण्यात येणारा पुरवठा आता सहा दिवसानंतर एकदा करण्यात येणार आहे.

गेल्या दोन महिन्यांपासून पाऊस नसल्याने करगाव शिवारातील मका पिकाला मोठा फटका. अडीच एकरांवरील मका पूर्णपणे करपला आहे. एकही कणीस नीट भरलं नाही. मका पिकातून उत्पादन तर नाहीच, मात्र जनावरांसाठी चाराही निघणार नसल्याने शेतकऱ्यांचं दुहेरी नुकसान.

जालना जिल्ह्यात मागच्या दीड महिन्यांच्या कालावधीपासून पाऊस नाही. त्यामुळे दुष्काळाची तीव्रता अधिकच जाणवत असल्याने खरीप हंगामातल्या पिकाबरोबर आता जनावरांना देखील फटका बसलाय. जनावरांच्या चाऱ्याचा आणि पाण्याचा प्रश्न गंभीर झाल्याने पशुपालक उत्पादक शेतकऱ्यांमध्ये सध्या चिंतेच वातावरण आहे. त्यामुळे शासनाने तातडीने उपाययोजना करून चारा छावण्या उभाराव्यात जालना जिल्ह्यातल्या पशुपालक शेतकऱ्यांनी केली,

दुष्काळाच्या पार्श्वभूमीवर सोलापूर शहराला मार्च 2027 पर्यंत पुरेल इतका पाणीसाठा राखीव आहे. त्यामुळे ऐन उन्हाळ्यात पाणी तुटवडा होऊ नये यासाठी महापालिका प्रशासनाकडून दुष्काळी उपाययोजना होत आहेत. सोलापूर शहराला आता नियमित 3 दिवसाआड होणारा पाणीपुरवठा 4 दिवसाआड केला जातो की काय असा प्रश्न सोलापूरकरांना पडला आहे.

सोलापूर शहरातील पाणी पुरवठा एक दिवसाने पुढे ढकलला आहे.  सोलापूर शहरात तीन दिवसाआड पाणीपुरवठा करण्यात येतो.  मात्र काही तांत्रिक बिघाडामुळे पाणीपुरवठा एक दिवस पुढे गेल्याचे सांगण्यात आले. दरम्यान दुष्काळाच्या पार्श्वभूमीवर सोलापूर शहराला मार्च 2027 पर्यंत पुरेल इतका पाणीसाठा राखीव आहे.  त्यामुळे ऐन उन्हाळ्यात पाणी तुटवडा होऊ नये यासाठी महापालिका प्रशासनाकडून दुष्काळी उपाययोजना होत आहेत.

जळगावच्या चोपडा तालुक्यात पावसाचा मोठा खंड पडल्याने कापूस पिकाचे मोठे नुकसान. पावसाअभावी कापसाची वाढ खुंटली असून उत्पादनात मोठी घट झाली आहे. मेहनत वाया गेली, लागवडीचा खर्चही निघणार नसल्याने शेतकरी शासनाच्या आर्थिक मदतीच्या प्रतीक्षेत. लाल पडलेल्या कापूस पिकामुळे शेतकऱ्यांची चिंता वाढली. लागवडीचा खर्चही निघणार नसल्याची शेतकऱ्यांना भीती.

31 ऑक्टोबर रोजी गोदाघाटावर होणार सिंहस्थाचा ध्वजारोहण सोहळा. राष्ट्रपती द्रौपदी मुर्मु, मुख्यमंत्री तसेच मंत्रिमंडळातील अनेक मंत्री राहणार उपस्थित. ध्वजारोहण पूर्वी गोदाघाटवरील कामांना आला वेग. घाटांचे सुशोभिकरण, नवीन घाट बांधणे तसेच गोदाघाटचे सौंदर्यीकरण सुरू. कामे वेळेत पूर्ण करण्याचे प्रशासनासमोर मोठे आव्हान.

लालबागच्या चरणी अर्पण केलेली सोन्याच्या वीटेची १ कोटी ५५ लाख रुपयांना विक्री. लालबागचा राजाच्या दागिन्यांच्या विक्रीतून ३ कोटी २२ लाख रुपये जमा. लालबागचा राजाच्या चरणी भाविकांनी अर्पण केलेल्या सोने-चांदीच्या दागिन्यांचा लिलाव काल करण्यात आला.

4 तारखेला ठाकरे बंधुंच्या भायखळा येथून निघणाऱ्या मोर्चाची टॅग लाइन ठरली. गर्जना, लोकशाही आणि संविधान वाचवण्यासाठी अशी असेल मोर्चाची टॅग लाईन. भायखळा येथील रिचर्डसन अँड कृडास कंपनी ते मुंबई महानगर पालिका असा असेल मोर्चा