Maharashtra News LIVE : रायगड – दिवेआगार समुद्रकिनारी 8 विद्यार्थी बुडाले

Maharashtra News LIVE : धारावी पुनर्विकास प्रकल्पासाठी कुर्ल्यातील मदर डेअरीच्या जागेवरील 477 झाडांवर पालिका कुऱ्हाड चालवण्याच्या तयारीत आहे. याबाबत बुधवारी जाहिरात प्रसिद्ध करण्यात आली असून जाहिरात प्रसिद्ध झाल्यापासून सात दिवसांत लेखी स्वरुपात या प्रस्तावावर हरकती व सूचना नोंदवा, असे आवाहन पालिकेने केले आहे.

Maharashtra News LIVE : रायगड - दिवेआगार समुद्रकिनारी 8 विद्यार्थी बुडाले
Big Breaking
| Edited By: | Updated on: Oct 01, 2026 | 7:48 PM

LIVE NEWS & UPDATES

  • 01 Oct 2026 07:48 PM (IST)

    प्रदीप पूर्णेकर हत्याप्रकरण : शिंदे सेनेच्या मीनाक्षी शिंदे यांच्या घराबाहेर पोलीस बंदोबस्त

    ठाणे: शिंदे सेनेच्या मीनाक्षी शिंदे यांच्या घराबाहेर पोलीस बंदोबस्त तैनात करण्यात आला आहे. मीनाक्षी शिंदे  यांनी प्रदीप पूर्णेकर यांची हत्या केल्याचा आरोप कुटुंबियांनी केला आहे.

  • 01 Oct 2026 07:33 PM (IST)

    नागपूर-दुरांतो एक्स्प्रेसवर दगडफेक करणाऱ्या आरोपीला अटक

    नागपूर-दुरांतो एक्स्प्रेसवर दगडफेक करणाऱ्या आरोपीला अटक करण्यात आली आहे. 3 एसी कोचच्या काचा फोडणाऱ्या आरोपीला बेड्या ठोकण्यात आल्या आहेत. पत्नीशी भांडण झाल्यामुळे मद्यधुंद अवस्थेत दगडफेक केल्याची कबुली आरोपीने दिली.


  • 01 Oct 2026 07:30 PM (IST)

    आमदार विवेक कोल्हेंच्या भाषणाचं रोहित पवारांकडून कौतुक

    कोपरगाव येथे आज कर्मवीर डॉ. भाऊराव पाटील यांचा 139 वा जयंती सोहळा पार पडला. या सोहळ्यात आ.रोहित पवार , भाजपचे आ.विवेक कोल्हे आणि राष्ट्रवादी अजित पवार गटाचे आ.आशुतोष काळे एकाच मंचावर दिसून आले. यावेळी विवेक कोल्हे यांनी केलेल्या भाषणाचं रोहित पवारांनी कौतुक केलं.  आत्तापर्यंतच्या देशाच्या जडघडणीत त्यांनी सर्वांना जे स्थान दिले त्यामुळे ते अंधभक्त नाहीत हे स्पष्ट होतं,असं रोहित पवार म्हणाले.

     

  • 01 Oct 2026 07:21 PM (IST)

    मुंबईतील जिओ वर्ल्ड कन्व्हेन्शन सेंटर येथे ‘इन्व्हेस्ट महाराष्ट्र’ उपक्रमाचा शुभारंभ

    मुंबईतील जिओ वर्ल्ड कन्व्हेन्शन सेंटर येथे ‘इन्व्हेस्ट महाराष्ट्र’ उपक्रमाचा शुभारंभ.  राज्याला गुंतवणुकीसाठी पसंतीचे ठिकाण म्हणून पुढे आणणे हा या उपक्रमाचा उद्देश आहे.  मुख्यमंत्री देवेंद्र फडणवीस या कार्यक्रमाचा  शुभारंभ करणार. उपमुख्यमंत्री एकनाथ शिंदे आणि सुनेत्रा पवार हेदेखील उपस्थित राहण्याची शक्यता आहे.

    या उपक्रमाच्या माध्यमातून राज्याची औद्योगिक आणि पायाभूत सुविधांमधील बलस्थाने तसेच गुंतवणूकदारांसाठीचे धोरणात्मक वातावरण अधोरेखित केले जाणार आहे.

  • 01 Oct 2026 07:14 PM (IST)

    दिवेआगार – मृत्यू झालेले विद्यार्थी 11 वी, 12 वीचे असल्याची माहिती

    दिवेआगार  येथे मृत्यू पावलेले विद्यार्थी आळंदीच्या विनर्स अकॅडमी क्लासचे 11वी -12 वीचे  विद्यार्थी होते, अशी माहिती समोर आली आहे.


  • 01 Oct 2026 07:04 PM (IST)

    रायगड – दिवेआगार समुद्रकिनारी 8 विद्यार्थी बुडाले

    रायगडच्या दिवेआगार येथील समुद्रात  8 विद्यार्थी बुडाले. पुण्याच्या आळंदीहून  सहलीसाठी हे विद्यार्थी आले होते. 8 विद्यार्थ्यांचा दुर्दैवी मृत्यू झाला.  खासगी क्लासची सहल काढण्यात आली होती, 42 विद्यार्थी सहलीसाठी आले होते, त्यातले 8 जण बुडाले. त्यांना वाचवण्याचा प्रयत्न करण्यात आला, सीपीआर देण्यात आला. मात्र त्यांचा मृत्यू झाला.

  • 01 Oct 2026 05:58 PM (IST)

    खासदार सुप्रिया सुळे पुण्याचे ग्रामीण अधीक्षक संदीप गिल यांची भेट घेणार

    खासदार सुप्रिया सुळे पुण्याचे ग्रामीण अधीक्षक संदीप गिल यांची भेट घेण्यासाठी थोड्याच वेळात पोलीस अधीक्षक कार्यालय पुणे ग्रामीण येथे दाखल होणार आहेत. पुणे जिल्ह्यातील कायदा आणि सुव्यवस्था संदर्भात सुप्रिया सुळे पोलीस अधीक्षक संदीप गिल यांची भेट घेणार आहेत.

  • 01 Oct 2026 05:46 PM (IST)

    दुरांतो एक्सप्रेसवर दगडफेक करणाऱ्यास अखेर पोलिसांनी केली अटक

    नागपूरहून मुंबईला जाणाऱ्या दुरांतो एक्सप्रेसवर तीन दिवसांपासून दगडफेक करून एसी कोचच्या काचा फोडणाऱ्या आरोपीला रेल्वे सुरक्षा दलाने अटक केली. नरेंद्र कुमार सिरसाम, (  वय 35 वर्षे, रा. मंडला, मध्यप्रदेश) असे दगडफेक करणाऱ्या आरोपीचे नाव असून तो बांधकाम मिस्त्री म्हणून काम करतो.

  • 01 Oct 2026 05:35 PM (IST)

    मध्यप्रदेशातील बालाघाटमध्ये ३० मुलांचा मृत्यू, राहुल गांधी यांनी दिली भेट

    मध्यप्रदेशातील बालाघाटमध्ये विविध आजारपणामुळे 30 पेक्षा अधिक आदिवासी मुलांचा मृत्यू झाल्याची घटना घडली आहे. काँग्रेसचे नेते राहुल गांधी यांनी या जागला गावाला भेट देऊन तेथील परिस्थितीचा आढावा घेतला आहे.

  • 01 Oct 2026 05:23 PM (IST)

    पायलट स्मित मछार यांच्या शौर्याचे मुख्यमंत्र्यांकडून कौतूक

    पायलट स्मित मछारच्या नातेवाईकांनी घेतली मुख्यमंत्री देवेंद्र फडणवीस यांची भेट घेतली आहे. आता पायलट स्मित मछार यांच्या शौर्याचे मुख्यमंत्र्यांनी कौतूक केले आहे. भाजप आमदार पराग शाह यांच्यासोबत पायलट स्मित मछारच्या नातेवाईकांनी मुख्यमंत्र्यांची भेट घेतली.त्यावेळी मुख्यमंत्र्यांनी पायलट स्मित मछारच्या धाडसाचे कौतूक केले.

     

     

     

  • 01 Oct 2026 04:58 PM (IST)

    बदलापूर नगरपालिकेत जोरदार राडा

    बदलापूर नगरपालिकेत पुन्हा एकदा जोरदार राडा झालाय. पाणीपुरवठा समिती सभापती शैलेश वडनेरे आणि पालिका अधिकारी संदीप टेंम्बरेकर यांच्यात झटापट झाली. त्यानंतर बदलापूर नगरपालिकेच्या सर्व अधिकारी आणि कर्मचाऱ्यांनी काम बंद आंदोलन सुरू केल.

  • 01 Oct 2026 04:40 PM (IST)

    जळगावात जिल्ह्यातील ग्रामरोजगार सेवकांचे काम बंद आंदोलन

    जळगावात जिल्ह्यातील ग्रामरोजगार सेवकांचे काम बंद आंदोलन

    जिल्हाधिकारी कार्यालयासमोर ग्रामरोजगार सेवकांचे घोषणाबाजी करत निदर्शने

    २४ महिन्यांचे प्रलंबित मानधन तातडीने वितरित करा, मानधनाचे रक्कम थेट बँक खात्यात देण्यासह विविध मागण्या

    मागण्या मान्य होईपर्यंत कामबंद आंदोलन सुरूच ठेवण्याचा इशारा

  • 01 Oct 2026 04:30 PM (IST)

    उमरगा येथे ऊस बिलासाठी शेतकऱ्यांचे तहसील समोर आंदोलन

    राशिवच्या उमरगा तालुक्यात थकीत ऊस बिलाच्या २१ कोटी रुपयांसाठी शेतकरी आक्रमक झाले आहेत. भाऊसाहेब बिराजदार सहकारी साखर कारखान्याकडून शेतकऱ्यांची सुमारे २१ कोटी रुपयांची रक्कम थकीत असल्याचा आरोप करत आज शेतकऱ्यांनी उमरगा तहसील कार्यालयासमोर आंदोलन सुरू केले आहे.विशेष म्हणजे, अर्धनग्न होत शेतकऱ्यांनी या आंदोलनातून आपला संताप व्यक्त केला.

  • 01 Oct 2026 04:15 PM (IST)

    पुण्यात स्कूलबसच्या धडकेत १६ वर्षीय मुलाचा मृत्यू

    पुण्यात स्कूलबसच्या धडकेत १६ वर्षीय मुलाचा मृत्यू

    घोरपडी परिसरातील राष्ट्रीय युद्ध स्मारक चौकात भीषण अपघात

    भरधाव मिनी स्कूल बसची दुचाकीवरून जाणाऱ्या भाऊ-बहिणीला समोरून धडक

    अपघातात रोहित लक्ष्मण कुदळे आणि त्याची बहीण रिया गंभीर जखमी

    उपचारादरम्यान रोहितचा मृत्यू

  • 01 Oct 2026 02:57 PM (IST)

    ऑनलाईन जुगाराच्या नादातून निवडला चेन स्नॅचिंगचा मार्ग डिलिव्हरी बॉय जेरबंद, 9 गुन्हे उघड

    सानपाडा, कोपरखैरणे व वाशी परिसरात वारंवार घडणाऱ्या चेन स्नॅचिंगच्या गुन्ह्यांचा समांतर तपास करताना कक्ष 01 च्या पथकाने घटनास्थळ, आरोपीच्या येण्या-जाण्याचे मार्ग व आजूबाजूच्या परिसरातील सी.सी.टी.व्ही. फुटेजची बारकाईने पाहणी केली. फुटेजमधून आरोपीचा पेहराव व गुन्ह्यात वापरलेली ग्रे रंगाची मोटार स्कूटी निष्पन्न झाल्यानंतर पथकाने सापळा रचला. वर्णनाशी जुळणारी स्कूटी चालवत असलेल्या एका संशयित इसमास थांबण्याचा इशारा करताच तो भरधाव वेगाने पळून जाऊ लागला. त्या वेळी पोलिसांनी प्रसंगावधान राखून आवश्यक बळाचा वापर करत त्यास स्कूटीसह ताब्यात घेतले. आरोपी हा Blinkit मध्ये डिलिव्हरी बॉय म्हणून काम करीत असल्याने त्याला सानपाडा, वाशी व कोपरखैरणे परिसरातील रस्ते, गल्लीबोळ व ये-जा करण्याच्या मार्गांची चांगली माहिती होती. तपासात असे निष्पन्न झाले की, आरोपीला मोबाईलवर ऑनलाईन जुगार खेळण्याचे व्यसन जडले होते. जुगारात पैसे गमावल्यानंतर पुन्हा जुगार खेळण्यासाठी पैसे मिळविण्याकरिता तो चेन स्नॅचिंग करीत होता. “जबरी चोरी ऑनलाईन जुगार – पैसे गमावले की पुन्हा जबरी चोरी” असे त्याचे दुष्टचक्र सुरू होते.

  • 01 Oct 2026 02:50 PM (IST)

    सांगली DCC बँक अलिबाबाची गुहा बनवून लुटण्याचे काम केलं – आमदार सदाभाऊ खोत.

    सगळ्या सोयऱ्यांना एकत्रित घेऊन, काही मूठभर लोकांनी,सांगली जिल्हा बँक अलीबाबाची गुहा बनवत,अशी टीका आमदार सदाभाऊ खोत यांनी केली आहे. सांगली जिल्हा मध्यवर्ती बँकेच्या निवडणुकीसाठी सदाभाऊ खोत यांनी शिवसेना शिंदे पक्षाचे नेते गौरव नायकवडी यांच्यासह आपला उमेदवारी अर्ज दाखल केला आहे, जोरदार शक्ती प्रदर्शन करत आमदार सदाभाऊ खोत यांनी जिल्हा मध्यवर्ती बँकेच्या निवडणुकीत उतरणार असल्याचे स्पष्ट केलं आहे.काही मूठभर लोकांनी सगळ्यांना एकत्रित घेऊन जिल्हा बँक अलीबाबाची गुहा बनवत लुटण्याचे काम केलं,मात्र या निवडणुकीत बॅंकेतील सोनेरी टोळीचा सर्वसामान्य मतदार बंदोबस्त करेल, असा विश्वास आमदार खोत यांनी व्यक्त केला आहे.

  • 01 Oct 2026 02:41 PM (IST)

    निरक्षर लोक,जिल्हा बँकेत येऊ लागली तर धोका – माजी मंत्री अजितराव घोरपडे

    सांगली जिल्हा मध्यवर्ती बँकेच्या निवडणुकीसाठी राष्ट्रवादी अजित पवार पक्षाच्या नेत्यांनी आपली उमेदवारी अर्ज दाखल केली आहे. माजी मंत्री अजितराव घोरपडे आणि आमदार इद्रिस नायकवडी यांनी जोरदार शक्ती प्रदर्शन करत आपली उमेदवारी दाखल केली आहे. जिल्हा मध्यवर्ती बँकेच्या 21 जागांसाठी निवडणूक पार पडत असून अर्ज भरण्याच्या शेवटच्या दिवशी राष्ट्रवादी अजित पवार पक्षाचे माजी मंत्री अजितराव घोरपडे आणि आमदार इद्रिस नायकवडी यांनी आपल्या समर्थकांसह जोरदार शक्ती प्रदर्शन करत उमेदवारी दाखल केली आहे. महायुती सोबत ही निवडणूक लढवली जाईल, असं सांगत बिनविरोध निवडणूक झाली पाहिजे,पण काही निरक्षर लोक या जिल्हा बँकेत येऊ लागली तर धोका आहे,तसेच काही विपरीत मागणी एकत्र येताना कोणी करू लागलं,तर ते कोणीही मान्य करणार नाही असे, मत माजी मंत्री अजितराव घोरपडे यांनी केले आहे.

  • 01 Oct 2026 02:30 PM (IST)

    मतदार यादीतील नावाच्या घोळावर प्रशांत बोबले यांनीॉ नावाच्या चुकीबाबत बोलण्यास दिला नकार

    सातारा:पुणे पदवीधर व शिक्षक मतदारसंघाच्या यादीत वाई येथील प्रशांत बोबले यांच्या नावात अचानक झालेल्या चुकीच्या बदलामुळे राज्यात मोठी चर्चा रंगली आहे. या प्रकाराबाबत विचारणा केली असता, प्रशांत बोबले यांनी सध्या या विषयावर थेट बोलणे टाळले आहे. प्रशासनाकडून झालेली ही चूक लवकरच दुरुस्त होईल, असा विश्वास त्यांनी व्यक्त केला आहे. दरम्यान, जिल्हा प्रशासनाकडून मतदार यादीतील नावात दुरुस्ती करण्यात आल्याची माहिती समोर येत आहे.या विषयी स्वतः प्रशांत बोबले यांच्या सोबत बातचीत केली आहे

  • 01 Oct 2026 02:20 PM (IST)

    शंभर फूट उंच मोबाईल टॉवरवर बसून तरुणाच अनोख आंदोलन

    शंभर फूट उंच मोबाईल टॉवरवर बसून तरुणाने अनोखं आंदोलन केलं आहे. आंबूलगा ग्रामपंचायतीतील विकास कामात झालेल्या भ्रष्टाचाराच्या चौकशीसाठी चवथ्या दिवशी ही उपोषण सुरुच आहे. उपोषण कर्त्याच्या समर्थनाथ गाव कडकडीत बंद ठेवलं.  कंधार तालुक्यातील आंबूलगा गावात मोबाईल टॉवरवर बसून उपोषण सुरु. गजानन भोसले या तरुणाकडून चार दिवसापासून अनोखे उपोषण सुरु आहे. जिल्हा परिषद मुख्य कार्यकारी अधिकारी यांनी चौकशीचे आदेश देऊन ही कारवाई केली जात नसल्याचा आंदोलकाचा आरोप आहे.

  • 01 Oct 2026 02:10 PM (IST)

    जालन्यात शरद पवारांच्या राष्ट्रवादीचं जिल्हाधिकाऱ्यांना निवेदन;सरकारने काढलेल्या GR मध्ये त्रुटी असल्याचा माजी मंत्री राजेश टोपे यांचा आरोप

    माजी मंत्री राजेश टोपे यांनी मुख्यमंत्र्यांच्या जीआरमध्ये गंभीर त्रुटी असल्याचा आरोप केलाय यासंदर्भात जालन्याच्या जिल्हाधिकाऱ्यांना निवेदन देण्यात आले असून, कोणतेही जाचक पंचनामे न करता शेतकऱ्यांना सरसकट मदत द्यावी आणि अस्मानी संकटात सापडलेल्या बळीराजाला प्रति हेक्टर एक लाख रुपयांची तातडीची मदत द्यावी,अशी मागणी राजेश टोपे यांनी केलीय,शिवाय ग्रामीण भागात रोजगार हमी योजनेची ची कामे तातडीने सुरू करावीत,मागील वर्षाच्या विहिरींची थकीत बिलांची रक्कम अदा करावी आणि भीषण दुष्काळ पाहता टँकर मंजुरीचे तात्काळ अधिकार तहसीलदारांना द्यावेत,अशी मागणीही करण्यात आलीय

  • 01 Oct 2026 01:57 PM (IST)

    उद्या दादरच्या शिवाजी पार्क मैदानामध्ये होणार सीजेपीचं आंदोलन

    उद्या दादरच्या शिवाजी पार्क मैदानामध्ये सीजेपीचं आंदोलन होणार आहे. मैदानामध्ये स्टेजची पाहणी करण्यासाठी मंडप व्यावसायिक दाखल झाले आहेत. कोणत्या भागात एलईडी स्क्रीन आणि स्टेज बांधायचं याचं नियोजन सुरू आहे. मात्र पोलिसांनी आंदोलनाला परवानगी दिली नसली तरी सीजेपीकडून आंदोलन केलं जाणार अशी भूमिका घेण्यात आली आहे.

  • 01 Oct 2026 01:49 PM (IST)

    आजपासून एसटीच्या सवलतीच्या प्रवासासाठी NCMC कार्ड अनिवार्य

    आजपासून एसटीच्या सवलतीच्या प्रवासासाठी NCMC कार्ड अनिवार्य आहे. महिला आणि ज्येष्ठ नागरिकांना सवलतीच्या तिकिटासाठी कार्ड आवश्यक आहे. कार्ड कसं काढायचं, याची अनेक प्रवाशांना अद्याप माहिती नाही. कार्ड नसल्यास सवलतीच्या दराऐवजी पूर्ण तिकिटाचे पैसे भरावे लागणार आहे.

  • 01 Oct 2026 01:40 PM (IST)

    त्र्यंबकेश्वर कुंभमेळ्याच्या पार्श्वभूमीवर ध्वजारोहणावरून नवा वाद निर्माण होण्याची शक्यता

    नाशिक- त्र्यंबकेश्वर कुंभमेळ्याच्या पार्श्वभूमीवर ध्वजारोहणावरून नवा वाद निर्माण होण्याची शक्यता आहे. नाशिक आणि त्र्यंबकेश्वर येथील अधिकृत ध्वजारोहणासोबतच त्र्यंबकेश्वर तालुक्यातील चक्रतीर्थ येथेही 23 नोव्हेंबर रोजी ध्वजारोहण करण्यात येणार असल्याची घोषणा श्रीराम शक्तीपीठ संस्थानचे महामंडलेश्वर स्वामी सोमेश्वरानंद सरस्वतीजी महाराज यांनी पत्रकार परिषदेत केली. चक्रतीर्थ हे पुरातन कुंभमेळा स्थान असल्याचा दावा करत, या ठिकाणीही कुंभमेळ्याच्या अनुषंगाने आवश्यक सुविधा आणि कामे प्रशासनाने तातडीने हाती घ्यावीत, अशी मागणी त्यांनी केली आहे.

  • 01 Oct 2026 01:30 PM (IST)

    संभाजीनगरात दुष्काळी परिस्थितीचा म्हैस बाजारावर मोठा परिणाम

    संभाजीनगरात दुष्काळी परिस्थितीचा म्हैस बाजारावर मोठा परिणाम झाल आहे. दीड लाख रुपयांची म्हैस आता 1 लाख 10 हजार रुपयांना विकण्याची वेळ आली आहे. म्हैस बाजार अडचणीत आला असून विक्रेत्याकडून सरकारकडे मदतीची मागणी करण्यात आली आहे.

  • 01 Oct 2026 01:20 PM (IST)

    आशियाई क्रीडा स्पर्धेत भारत-पाकिस्तानमध्ये 3 ऑक्टोबरला अंतिम सामना रंगणार

    आशियाई क्रीडा स्पर्धेत भारत-पाकिस्तानमध्ये 3 ऑक्टोबरला अंतिम सामना रंगणार आहे. आशियाई क्रीडा स्पर्धेत भारताकडून श्रीलंकेचा 124 धावांनी पराभव करण्यात आला. श्रेयस अय्यरच्या नेतृत्वाखालील टीम इंडिया आता पाकिस्तानविरोधात भिडणार आहे. सलग दुसऱ्यांदा सुवर्णपदक जिंकण्यासाठी टीम इंडिया सज्ज झाली आहे.

  • 01 Oct 2026 01:10 PM (IST)

    पुणे शिक्षक मतदारसंघ मतदार यादीत घोळ; रोहित पवारांचा आरोप

    आयोगाचा कारभार पुन्हा एकदा वादाच्या भोवऱ्यात आहे. मतदारांची नावं अजबच टाकल्याने आयोग टीकेचं धनी बनलंय. मतदाराचं आडनाव बॉम्बस्फोट आणि नातलगाचं आडनाव बॉम्ब. आता लोकशाहीचा बॉम्बस्फोट होईल असं वाटतंय, अशी टीका रोहित पवार यांनी केली आहे.

  • 01 Oct 2026 01:00 PM (IST)

    कुंभमेळ्याच्या पार्श्वभूमीवर रिक्षा टॅक्सी चालकांचा नवीन वाद निर्माण

    कुंभमेळ्याच्या पार्श्वभूमीवर रिक्षा टॅक्सी चालकांचा नवीन वाद निर्माण. त्र्यंबकेश्वर मध्ये स्थानिक टॅक्सीचालक आणि ओला उबेर मध्ये वाद. ओला उबेर रॅपिडो विरोधात त्र्यंबकेश्वर मधील टॅक्सी रिक्षा चालक – मालक एकवटले. त्रंबकेश्वर इगतपुरीचे आमदार हिरामण खोसकर यांना टॅक्स रिक्षा चालक मालकांकडून निवेदन. त्र्यंबकेश्वर हद्दीत ओला उबेर ऑनलाईन एप्लीकेशन बंद करण्याची मागणी. त्र्यंबकेश्वर मध्ये ओला उबेर बंद करण्याची घोषणाबाजी करत आमदार हिरामण खोसकर यांना निवेदन
    –

  • 01 Oct 2026 12:55 PM (IST)

    पाथर्डी फाटा परिसरातील गजानननगरमध्ये धक्कादायक घटना

    पाथर्डी फाटा परिसरातील गजानननगरमध्ये धक्कादायक घटना. 23 वर्षीय सागर सांगळे याची आत्महत्या. तुलसी अव्हेन्यूमधील राहत्या घरात गळफास घेतल्याची घटना. पहाटेच्या सुमारास घडला प्रकार. घटनेने गजानननगर परिसरात खळबळ. आत्महत्येचे नेमके कारण अद्याप अस्पष्ट, इंदिरानगर पोलिसांकडून पंचनामा; पुढील तपास सुरू

  • 01 Oct 2026 12:50 PM (IST)

    सोलापुरात शिवसेना ठाकरे गटाकडून निवडणूक आयुक्त ज्ञानेश कुमार यांच्याविरोधात निदर्शने

    सोलापुरात शिवसेना ठाकरे गटाकडून निवडणूक आयुक्त ज्ञानेश कुमार यांच्याविरोधात निदर्शने. आंदोलनात प्रतिकात्मक ज्ञानेश कुमार यांना पोलीस अधिकारी अटक करुन नेतानाचा दाखवण्यात येतेय. निवडणूक आयुक्त ज्ञानेश कुमार यांच्यावर कारवाई करून त्यांना अटक करावी अशी मागणी. सोलापुरातील चार हुतात्मा स्मारका बाहेर निदर्शने

  • 01 Oct 2026 12:45 PM (IST)

    विद्यार्थ्यांचा उलगुलान मोर्चा घाटणदेवी मंदिर परिसरात दाखल

    विद्यार्थ्यांचा उलगुलान मोर्चा घाटणदेवी मंदिर परिसरात दाखल. नाशिक आणि ठाणे जिल्ह्याच्या वेशीवर मोर्चा दाखल. कसारा घाट मार्गे लाँग मार्च करणार शहापूरकडे वाटचाल. विविध मागण्यांसाठी **नाशिकहून सुरू झालेल्या मोर्चाचा आज चौथा दिवस. कालच्या तुलनेत आज मोर्चातील विद्यार्थ्यांची संख्या वाढली. मुंबईच्या दिशेने मोर्चाची आगेकूच सुरू. ५ ऑक्टोबरला मुंबईतील आझाद मैदानावर धडकण्याचा मोर्चेकऱ्यांचा निर्धार. आदिवासी विकास मंत्र्यांच्या राजीनाम्याच्या मागणीवर मोर्चेकरी ठाम. राजीनामा होईपर्यंत मुंबईच्या दिशेने मोर्चा सुरू ठेवणार असल्याचा मोर्चेकऱ्यांचा दावा. महाराष्ट्रातून हजारो विद्यार्थी आझाद मैदानावर सहभागी होणार असल्याचे मोर्चेकऱ्यांचे म्हणणे.  घाटणदेवी मंदिर परिसरातून आढावा घेत विद्यार्थ्यांशी संवाद साधलाय आमचे प्रतिनिधी शैलेश पुरोहित यांनी

  • 01 Oct 2026 12:40 PM (IST)

    एकनाथ शिंदे कॅप्टन स्मित मच्छारचे कौतुक

    एकनाथ शिंदे म्हणाले की, “मुंबईचा सुपुत्र कॅप्टन स्मित मच्छार यांनी अत्यंत कठीण आणि जीवघेण्या प्रसंगात दाखवलेल्या अदम्य साहस, धैर्याला आणि विलक्षण प्रसंगावधानाला सलाम. दुबईहून तेल अवीवकडे जाणाऱ्या विमानप्रवासादरम्यान घडलेल्या या गंभीर प्रसंगात स्मित स्वतः गंभीर जखमी झाले होते. मात्र, अशा प्रतिकूल परिस्थितीतही त्यांनी न डगमगता दाखवलेले धैर्य, प्रसंगावधान आणि समयसूचकता निश्चितच असामान्य आहे. त्यांच्या धाडसी कृतीमुळे शेकडो प्रवाशांचे प्राण वाचविण्यात मोलाची मदत झाली. संकटाच्या त्या क्षणी सर्व प्रवाशांनीही एकजुटीने आणि तत्परतेने परिस्थिती हाताळण्यासाठी केलेल्या प्रयत्नांना मनापासून सलाम. कठीण प्रसंगात एकमेकांच्या मदतीला धावून जाण्याची ही भावना खरोखरच प्रेरणादायी आहे. कॅप्टन स्मित, आपल्या शौर्याला मनापासून सलाम. आपण लवकरात लवकर पूर्णपणे बरे व्हावे आणि उत्तम आरोग्य लाभावे, यासाठी मनःपूर्वक शुभेच्छा. आपले धैर्य, कर्तव्यनिष्ठा आणि प्रसंगावधान लाखो तरुणांसाठी प्रेरणादायी आहे. महाराष्ट्राला आणि संपूर्ण भारताला आपला अभिमान आहे.”

  • 01 Oct 2026 12:35 PM (IST)

    अमरावती विभाग शिक्षक मतदार संघ निवडणूक

    अमरावती विभाग शिक्षक मतदार संघ निवडणूक….महायुतीकडून अमरावती मतदारसंघ शिंदेच्या शिवसेनेच्या वाटेला? महायुतीकडून शिवसेना शिंदे गटाचे विद्यमान आमदार किरण सरनाईक निवडणूक लढणार…बंडखोरी होऊ नये म्हणून पाच ऑक्टोंबर नंतरच अधिकृत घोषणा महायुतीकडून करण्यात येणार. भाजपाचे चंद्रशेखर भोयर आणि संगीता शिंदे बंडखोरी करून अपक्ष निवडणूक लढण्याची शक्यता…. चंद्रशेखर भोयर हे भाजपा आमदार राजेश वानखडे यांचे मेव्हणे आणि संगीता शिंदे ह्या राज्यसभा खासदार अनिल बोंडे यांच्या भगिनी….

  • 01 Oct 2026 12:30 PM (IST)

    मिरा भाईंदर ‘जैनांची नगरी’ वक्तव्यावर शिंदे गट मीरा भाईंदर प्रवक्ते दीप काकडेंचा घणाघात

    मिरा भाईंदर ‘जैनांची नगरी’ वक्तव्यावरून नरेंद्र मेहतांवर शिंदे गट मीरा भाईंदर प्रवक्ते दीप काकडेंचा घणाघात. भाजप आमदार नरेंद्र मेहतांनी इतिहासाचा धडा पुन्हा शिकावा, शिंदे गटाचे मीरा भाईंदर चे प्रवक्ते दीप काकडेंचा टोला. मिरा-भाईंदर केवळ जैनांची नगरी असल्याचं वक्तव्य वाद निर्माण करण्यासाठी केल्याचा शिवसेना शिंदे गट मीरा-भाईंदर प्रवक्ते दीप काकडे यांचा आरोप. शहरावर आगरी-कोळी बांधवांचा ऐतिहासिक हक्क; सर्व भाषिकांचं योगदान असल्याचं काकडे म्हणाले. वक्तव्याबद्दल मेहतांनी माफी मागावी, अन्यथा शिवसेना स्टाईलने उत्तर देण्याचा इशारा.

  • 01 Oct 2026 12:25 PM (IST)

    जेलमधून वाल्मीक कराडचा फोन, खासदार बजरंग सोनवणेंनी दिली कॉल रेकॉर्डिंग

    जेलमधून वाल्मीक कराडचा फोन. माझ्या मुलाला अडकवण्यासाठी कट रचला, खासदार बजरंग सोनवणेंनी दिली कॉल रेकॉर्डिंग. खासदार बजरंग सोनवणेच्या पोराला विलास घुले खून प्रकरणात अडकवा, त्याच्यावर गुन्हा दाखल कर. मृतदेह पोलीस ठाण्यात ठेवा, टाकीवर चढा तुला भगवान बाबाची शपथ पण त्या गाबड्याला अडकवा असं वाल्मीक कराड बोलत आहे. समोरचा व्यक्ती जी आण्णा जी आण्णा असं म्हणत आहे.

  • 01 Oct 2026 12:20 PM (IST)

    लोकसभेचे विरोधी पक्ष नेते राहुल गांधी मध्यप्रदेश साठी रवाना

    लोकसभेचे विरोधी पक्ष नेते राहुल गांधी हे गोंदियाच्या बिरसी विमानतळ येथून मध्यप्रदेश साठी रवाना झाले… यावेळी NSUI चा पदाधिकारी गौरव बिसेन यांनी गुलाबाचा फुल घेऊन राहुल गांधी यांच्या गाडीचा पाठलाग केला…. राहुल गांधी यांनी गाडीचा दरवाजा उघडत त्यांचा फुल स्वीकारला…..

  • 01 Oct 2026 12:15 PM (IST)

    नांदेड – माहूरमध्ये राष्ट्रीय महामार्ग 161 च्या रखडलेल्या कामाविरोधात रास्ता रोको

    नांदेड – माहूरमध्ये राष्ट्रीय महामार्ग 161 च्या रखडलेल्या कामाविरोधात रास्ता रोको. बैलगाड्या घेऊन नागरिक उतरले रस्त्यावर. महामार्गाचे काम तातडीने करण्याच्या मागणीसाठी चार दिवसा पासून उपोषण सुरु. उपोषणाच्या समर्थनार्थ शहरातील दत्त चौक टी-पॉईंटवर रस्तारोको आंदोलन सुरु. वर्षानुवर्षे काम रखडल्याने नागरिकांमध्ये नाराजी. महामार्गाचे काम तातडीने पूर्ण करण्याची आंदोलकांची मागणी. आंदोलनामुळे काही काळ वाहतुकीवर परिणाम. महामार्गाचं काम लवकर पूर्ण न केल्यास आंदोलन आणखी तीव्र करण्याचा इशारा

  • 01 Oct 2026 12:10 PM (IST)

    टोलनाक्यावर देशमुख नावाच्या तरूणाला सुग्रीव कराडने मारलं

    टोलनाक्यावर देशमुख नावाच्या तरूणाला सुग्रीव कराडने मारलं.नागरगोजे आणि एक पोलीस कर्मचारी पोलीस स्टेशन ला जातीय विळख्यात पाडतात.. एका मुलाला मारुन म्हणाले बजरंग सोनवणे तुझा बाप आहे का..जर कोणी बोलले तर व्हिडिओ पुरावे आहेत ते देणार. नाही दिले तर राजकारणातुन एक्झिट होणार. मी तुमच्यावर खुप प्रेम केले, तुमच्या तिकीटासाठी गोपीनाथ मुंडे साहेबांचे पाय धरले..वाल्मीक कराड म्हणतोय त्या गाबड्याला अडकवा.. टाकीवर चढा. मला त्यांच्यावर यायचं नाही. (आ.धनंजय मुंडे). थर्ड पार्टीला सीडीआर काढता येत नाही मग तुम्ही एसपींना काय दिले, 57 कॉल झाले असतील तर सीडीआर द्याना. मुख्यमंत्री साहेब म्हणाले हा काय होपलेसपणा आहे.. संबंध नसताना नाव का घ्यायचे.

  • 01 Oct 2026 12:05 PM (IST)

    चाळीसगाव न्यायालयाच्या आवारात दोन्ही कुटुंबांमध्ये हाणामारी

    चाळीसगाव न्यायालयाच्या आवारात कौटुंबिक वादातून दोन्ही कुटुंबांमध्ये हाणामारी झाल्याची घटना समोर आली आहे. खटल्याच्या कामानिमित्त दोन्ही कुटुंबीय न्यायालयाच्या आवारात एकत्र आले असताना हा प्रकार घडल्याचे सांगितले जात आहे. हाणामारी सुरू होताच न्यायालयाच्या आवारात उपस्थित पोलिसांनी हस्तक्षेप करत परिस्थिती नियंत्रणात आणली. सासरच्या मंडळींकडून जावयाला मारहाण झाल्याचा बोललं जात असून हा व्हिडिओ सोशल मीडियावर प्रचंड व्हायरल होत आहे. दोन्ही कुटुंबांनी एकमेकांविरोधात चाळीसगाव शहर पोलीस ठाण्यात अदखलपात्र गुन्ह्याची नोंद केली आहे. या प्रकरणाचा पुढील तपास चाळीसगाव शहर पोलीस करत आहेत.

  • 01 Oct 2026 12:00 PM (IST)

    प्रदीप पुर्णेकर प्रकरणात मोठी अपडेट

    शिवसेना ठाकरे गटाचे विभाग प्रमुख प्रदीप पुर्णेकर यांची त्यांच्या मनोरमनगर येथील कार्यालयात घुसून गोळीबार करत हत्या केल्यानंतर आरोपी त्यांनी ठाण्यातील समता नगर या भागात दोन्ही दुचाकी सोडून चार चाकी ने फरार झाल्याची माहिती पोलीस सूत्रांनी दिली आहे….

     

  • 01 Oct 2026 11:53 AM (IST)

    भारतीय पायलट स्मित मछार यांनी पुन्हा 9/11 होण्यापासून वाचवलं – नरेंद्र मोदी

    पंतप्रधान नरेंद्र मोदी यांनी भारतीय पायलट स्मित मछार यांचं कौतुक केलं. यावेळी त्यांनी म्हटलं, भारतीय पायलट स्मित मछार यांनी पुन्हा 9/11 होण्यापासून वाचवलं’. पायलट स्मित मछार यांचं इतर नेत्यांकडूनही कौतुक केलं जात आहे. भारतीय पायलट स्मित हे मूळचे मुंबई चेंबूरचे आहे.

  • 01 Oct 2026 11:43 AM (IST)

    ठाण्यातील पूर्णकर हत्या प्रकरणावर आरोपी पप्या शिंदेच्या आईची प्रतिक्रिया

    ठाण्यातील पूर्णकर हत्या प्रकरणावर आरोपी पप्या शिंदेच्या आईने प्रतिक्रिया दिली आहे. माझ्या मुलाने काही केलं नाही, यात हात असेल फाशी द्या , अशी मागणी आरोपी पप्प्या शिंदेच्या आईने केली. राम पूर्णेकरांनी केलेले आरोप चुकीचे आहे. मी त्यांच्या कुटुंबीयांची भेट घेईल. सध्या भेट  घेऊ नये, असा सल्ला दिला जात आहे. परंतु भविष्यात मी त्यांच्या कुटुंबीयांची भेट घेणार आहे, असे त्यांनी सांगितले.

  • 01 Oct 2026 11:27 AM (IST)

    छत्रपती संभाजीनगर महानगरपालिकेच्या नगरसेवकांकडून दुष्काळग्रस्त शेतकऱ्यांना मदतीचा हात

    छत्रपती संभाजीनगर महानगरपालिकेच्या नगरसेवकांकडून दुष्काळग्रस्त शेतकऱ्यांना मदतीचा हात पुढे केला आहे.  125 नगरसेवकांचे एका महिन्याचे मानधन दुष्काळग्रस्तांना देणार आहे.  प्रत्येकी 10 हजार रुपये मानधन; एकूण 12 लाख 50 हजारांची मदत दिली जाणार आहे.  आयुक्तांसोबत चर्चा करून महानगरपालिकाही दुष्काळग्रस्तांसाठी मदत करणार आहे. स्थायी समिती सभापती अनिल मकरीय यांची माहिती आहे.

  • 01 Oct 2026 11:23 AM (IST)

    नरेंद्र मेहतांवर गोवर्धन देशमुख यांचा घणाघात

    नरेंद्र मेहता यांनी जैन समाजाचा आमदार असल्याचे वक्तव्य केल्याचा आरोप मराठी एकीकरण समितीचे अध्यक्ष गोवर्धन देशमुखांनी केला. शाळेतील खानपान निर्बंध आणि मांसाहार बंदीवरून मराठी एकीकरण समितीचे अध्यक्ष गोवर्धन देशमुख यांनी नरेंद्र मेहतांवर केली टीका. मीरा भाईंदरचे भाजप आमदार नरेंद्र मेहता‘सत्तेच्या गुर्मीत’ वागत असल्याचा आरोप गोवर्धन देशमुखांनी केला.

  • 01 Oct 2026 11:13 AM (IST)

    गर्जना मोर्चा नाही, तर गजकर्ण मोर्चा आहे, भाजपच्या नवनाथ बन यांची ठाकरे बंधूंवर टीका

    भाजपच्या नवनाथ बन यांनी ठाकरे बंधूंच्या निवडणूत आयोगाच्या विरोधातील मोर्चावर टीका केली. गर्जना मोर्चा नाही, तर गजकर्ण मोर्चा आहे, अशा शब्दात बन यांनी ठाकरे बंधूंवर टीका केली.  त्यावेळी काँग्रेसच्या भूमिकेवरही टीका केली.

  • 01 Oct 2026 11:10 AM (IST)

    महायुतीचा पदवीधर निवडणुकीसाठी अंतिम फॉर्मूला जवळपास निश्चित

    महायुतीचा अंतिम फॉर्मूला जवळपास निश्चित झाला आहे.  फॉर्मूला 3-1-1 असा ठरला आहे.  संभाजीनगर राष्ट्रवादी सुनेत्रा पवार, अमरावती शिक्षक शिंदे गट,  नागपूर पदवीधर भाजप, पुणे पदवीधर भाजप, परंतु पुणे शिक्षक मतदारसंघावरून महायुतीत घोडे अडले आहे.

  • 01 Oct 2026 11:00 AM (IST)

    तुळजाभवानी नवरात्र महोत्सव तोंडावर; मंदिरातील जतन-संवर्धनाचे काम अपूर्ण

    महाराष्ट्राची कुलस्वामिनी आई तुळजाभवानी देवीचा शारदीय नवरात्र महोत्सव ११ ऑक्टोबरपासून सुरू होत आहे. मात्र, गेल्या दोन वर्षांपासून पुरातत्त्व विभागाच्या मार्गदर्शनाखाली सुरू असलेले मंदिरातील जतन आणि संवर्धनाचे काम अद्याप पूर्ण झालेले नाही.नवरात्रासाठी तुळजापुरात लाखो भाविक दाखल होण्याची शक्यता असताना, मंदिर परिसरातील सुरू असलेल्या कामामुळे भाविकांना गैरसोयीला सामोरे जावे लागू शकते.त्यामुळे नवरात्र महोत्सव सुरू होण्यापूर्वी जतन-संवर्धनाचे काम पूर्ण करावे, अशी मागणी पुजारी आणि भाविकांकडून केली जात आहे.

  • 01 Oct 2026 10:50 AM (IST)

    दुष्काळामुळे सांगोला जनावरांच्या बाजारात गर्दी

    दुष्काळामुळे जनावरांना चारा-पाणी मिळेनासे झाले आहे. त्यामुळे जनावरे जगवायची कशी, असा प्रश्न शेतकऱ्यांसमोर उभा राहिला आहे. सांगोल्याच्या प्रसिद्ध जनावरांच्या बाजारात महाराष्ट्रासह इतर राज्यांतूनही मोठ्या संख्येने जनावरे विक्रीसाठी दाखल झाली आहेत. मात्र बाजारात जनावरांची आवक वाढूनही अपेक्षित दर मिळत नसल्याने शेतकरी आर्थिक अडचणीत सापडला आहे. दुष्काळाची झळ आता थेट पशुधनावरही बसू लागली आहे.

  • 01 Oct 2026 10:40 AM (IST)

    शालार्थ आयडी घोटाळ्याप्रकरणी तिसऱ्या दिवशी तपासणीचा धडाका

    शालार्थ आयडी घोटाळ्याप्रकरणी नाशिक एसआयटीच्या पथकाकडून सलग तिसऱ्या दिवशी तपासणीचा धडाका सुरूच आहे. नाशिक एसआयटीच्या स्वतंत्र पाच ते सहा पथकांकडून जिल्ह्यात रावेर, पहूर, वाकोदसह ,कासोदा, निपाणे परिसरात शाळांमध्ये अचानक तपासणी करण्यात आली आहे. शाळांमधील शिक्षक-कर्मचारी नियुक्ती व शालार्थ आयडीशी संबंधित कागदपत्रांची पथकाकडून पडताळणी करण्यात येत आहे. शालार्थ आयडी घोटाळा प्रकरणी नाशिकच्या एसआयटीच्या पथकाकडून जळगाव जिल्ह्यात शाळांच्या तपासणीला वेग आला आहे. शिक्षक-कर्मचारी नियुक्तीची पडताळणी, पदभरती आणि शाळार्थी आयडीशी संबंधित नोंदी पथकाने तपासल्या. रात्री उशिरापर्यंत काही शाळांमध्ये तपासणी करण्यात येऊन महत्त्वाची कागदपत्रे एसआयटीच्या ताब्यात आली आहेत.

  • 01 Oct 2026 10:30 AM (IST)

    जालना जिल्ह्यातील आठही तालुक्यांत खरीपाची दयनीय अवस्था; 965 गावांची पैसेवारी 50 पैशांपेक्षा कमी

    जालना जिल्ह्यातील खरीप हंगामातील पिकांची पैसेवारी जाहीर करण्यात आली आहे.जिल्हा प्रशासनाने दिलेल्या या आकडेवारीतून जिल्ह्यातील शेतीची गंभीर परिस्थिती समोर आली असल्याच दिसून आलंय.जिल्ह्यातील 971 गावांपैकी तब्बल 965 गावांची पैसेवारी 50 पैशांपेक्षा कमी आली आहे.विशेष म्हणजे जिल्ह्यातील आठही तालुक्यांमध्ये एकाही गावाची पैसेवारी 50 पैशांपेक्षा जास्त नाही.जालना,बदनापूर,भोकरदन, जाफराबाद,परतूर,मंठा,अंबड आणि घनसावंगी या सर्व तालुक्यांना खरीपाच्या कमी पैसेवारीचा फटका बसला आहे.दरम्यान आता या आकडेवारीनंतर शेतकऱ्यांना कोणत्या सवलती आणि मदतीचा लाभ मिळणार,याकडे शेतकऱ्यांचं लक्ष लागलं आहे.

  • 01 Oct 2026 10:18 AM (IST)

    मिनाक्षी शिंदे या गोंधळलेल्या- संजय राऊत

    मानपाडा येथील ठाकरे सेनेचे विभागप्रमुख प्रदीप पुर्णेकर यांच्या हत्येप्रकरणात खासदार संजय राऊत यांनी मिनाक्षी शिंदे यांच्यावर टीका केली. त्या गोंधळलेल्या आहेत. पतीसह त्यांच्यावर का आरोप होत आहेत, याचा त्यांनी विचार करावा. या हत्येमागे एक राजकीय गट असल्याचा दावा संजय राऊत यांनी केला.

  • 01 Oct 2026 10:10 AM (IST)

    सोयाबीनची बाजारातील आवक घटली

    अमरावती कृषी उत्पन्न बाजार समितीमध्ये सोयाबीनची आवक घटली आहे. शेतकऱ्यांच नवीन सोयाबीन निघण्यास सुरुवात काही शेतकऱ्यांना एकरी केवळ तीन पाच क्विंटल सरासरी सोयाबीनच उत्पादन झालं आहे. दुष्काळी परिस्थितीमुळे सोयाबीनचे उत्पादन घटल्याने शेतकऱ्यांचा सोयाबीन उत्पादनाचा खर्च ही निघेना. अमरावती कृषी उत्पन्न बाजार समितीत सोयाबीनला 5 हजार ते 6 हजार रुपयांपर्यंतचा दर आहे.

  • 01 Oct 2026 10:00 AM (IST)

    दुष्काळामुळे अमरावती जिल्ह्यात पाणीटंचाईचे सावट

    दुष्काळामुळे अमरावती जिल्ह्यात पाणीटंचाईचे सावट आहे. पुढील वर्षीच्या जून-जुलै महिन्यापर्यंत पाणीपुरवठ्याचे नियोजन करण्याचे निर्देश देण्यात आले आहे. पिण्याच्या पाण्याला प्राधान्य, सिंचनासाठी कमी आवर्तने देण्यात येणार आहे. यंदा सिंचनासाठी जास्तीत जास्त फक्त दोन आवर्तने मिळण्याची शक्यता आहे. अमरावती जिल्ह्यात पावसाची तब्बल 43 टक्के तूट आहे. सिंचन प्रकल्पांत फक्त 61 टक्के जलसाठा भूगर्भातील जलपातळी झपाट्याने घटण्यास सुरुवात झाली आहे.

  • 01 Oct 2026 09:54 AM (IST)

    घोटी येथून आदिवासी विद्यार्थ्यांचा लाँग मार्च पोहचला बोरटेंभे शिवारात

    घोटी येथून आदिवासी विद्यार्थ्यांचा उलगुलान लाँग मार्च हा बोरटेंभे शिवारात पोहोचला आहे. बोरटेंभे येथील दशमेश गुरुद्वारा यांनी त्यांच्या जेवणाची व्यवस्था केली आहे.

  • 01 Oct 2026 09:50 AM (IST)

    १८० प्रवाशांचे प्राण वाचवणारे कॅप्टन स्मित मच्छार मूळचे चेंबूरचे

    अमेरिकेवरील ९/११ च्या हल्ल्यासारखी भीषण दुर्घटना टाळत १८० प्रवाशांचे प्राण वाचवण्यासाठी धाडस दाखवणारे कॅप्टन स्मित मच्छार हे मूळचे मुंबईतील चेंबूरचे रहिवासी आहेत. चेंबूरमधील स्वास्तिक हाइट्स येथे त्यांचे आई-वडील राहतात. स्मित हे देखील काही वर्षांपूर्वीपर्यंत त्यांच्यासोबतच राहत होते.

  • 01 Oct 2026 09:40 AM (IST)

    लातूर शहराला आता सहा दिवसातून एकदा पाणी पुरवठा

    लातूर शहराला आता सहा दिवसातून एकदा पाणी पुरवठा करण्याचा निर्णय महानगर पालिकेने घेतला आहे. संभाव्य पाणी टंचाई लक्षात घेऊन चार दिवसातून एकदा करण्यात येणारा पुरवठा आता सहा दिवसानंतर एकदा करण्यात येणार आहे.

  • 01 Oct 2026 09:30 AM (IST)

    मका करपला नाही, तर शेतकऱ्यांची स्वप्नंही करपली; दुष्काळाचं भीषण वास्तव

    गेल्या दोन महिन्यांपासून पाऊस नसल्याने करगाव शिवारातील मका पिकाला मोठा फटका. अडीच एकरांवरील मका पूर्णपणे करपला आहे. एकही कणीस नीट भरलं नाही. मका पिकातून उत्पादन तर नाहीच, मात्र जनावरांसाठी चाराही निघणार नसल्याने शेतकऱ्यांचं दुहेरी नुकसान.

  • 01 Oct 2026 09:20 AM (IST)

    तात्काळ उपाययोजना करून चारा छावण्या उभाराव्यात, शेतकऱ्यांची मागणी

    जालना जिल्ह्यात मागच्या दीड महिन्यांच्या कालावधीपासून पाऊस नाही. त्यामुळे दुष्काळाची तीव्रता अधिकच जाणवत असल्याने खरीप हंगामातल्या पिकाबरोबर आता जनावरांना देखील फटका बसलाय. जनावरांच्या चाऱ्याचा आणि पाण्याचा प्रश्न गंभीर झाल्याने पशुपालक उत्पादक शेतकऱ्यांमध्ये सध्या चिंतेच वातावरण आहे. त्यामुळे शासनाने तातडीने उपाययोजना करून चारा छावण्या उभाराव्यात जालना जिल्ह्यातल्या पशुपालक शेतकऱ्यांनी केली,

  • 01 Oct 2026 09:10 AM (IST)

    सोलापूर शहरातील पाणी पुरवठा एक दिवसाने पुढे ढकलला

    दुष्काळाच्या पार्श्वभूमीवर सोलापूर शहराला मार्च 2027 पर्यंत पुरेल इतका पाणीसाठा राखीव आहे. त्यामुळे ऐन उन्हाळ्यात पाणी तुटवडा होऊ नये यासाठी महापालिका प्रशासनाकडून दुष्काळी उपाययोजना होत आहेत. सोलापूर शहराला आता नियमित 3 दिवसाआड होणारा पाणीपुरवठा 4 दिवसाआड केला जातो की काय असा प्रश्न सोलापूरकरांना पडला आहे.

  • 01 Oct 2026 09:02 AM (IST)

    सोलापूर शहरातील पाणी पुरवठा एक दिवसाने पुढे ढकलला 

    सोलापूर शहरातील पाणी पुरवठा एक दिवसाने पुढे ढकलला आहे.  सोलापूर शहरात तीन दिवसाआड पाणीपुरवठा करण्यात येतो.  मात्र काही तांत्रिक बिघाडामुळे पाणीपुरवठा एक दिवस पुढे गेल्याचे सांगण्यात आले. दरम्यान दुष्काळाच्या पार्श्वभूमीवर सोलापूर शहराला मार्च 2027 पर्यंत पुरेल इतका पाणीसाठा राखीव आहे.  त्यामुळे ऐन उन्हाळ्यात पाणी तुटवडा होऊ नये यासाठी महापालिका प्रशासनाकडून दुष्काळी उपाययोजना होत आहेत.

  • 01 Oct 2026 09:00 AM (IST)

    पावसाचा मोठा खंड पडल्याने कापूस पिकाचे मोठे नुकसान

    जळगावच्या चोपडा तालुक्यात पावसाचा मोठा खंड पडल्याने कापूस पिकाचे मोठे नुकसान. पावसाअभावी कापसाची वाढ खुंटली असून उत्पादनात मोठी घट झाली आहे. मेहनत वाया गेली, लागवडीचा खर्चही निघणार नसल्याने शेतकरी शासनाच्या आर्थिक मदतीच्या प्रतीक्षेत. लाल पडलेल्या कापूस पिकामुळे शेतकऱ्यांची चिंता वाढली. लागवडीचा खर्चही निघणार नसल्याची शेतकऱ्यांना भीती.

  • 01 Oct 2026 08:53 AM (IST)

    ध्वजारोहणापूर्वी गोदा घाट परिसरात युद्धपातळीवर काम सुरू

    31 ऑक्टोबर रोजी गोदाघाटावर होणार सिंहस्थाचा ध्वजारोहण सोहळा. राष्ट्रपती द्रौपदी मुर्मु, मुख्यमंत्री तसेच मंत्रिमंडळातील अनेक मंत्री राहणार उपस्थित. ध्वजारोहण पूर्वी गोदाघाटवरील कामांना आला वेग. घाटांचे सुशोभिकरण, नवीन घाट बांधणे तसेच गोदाघाटचे सौंदर्यीकरण सुरू. कामे वेळेत पूर्ण करण्याचे प्रशासनासमोर मोठे आव्हान.

  • 01 Oct 2026 08:32 AM (IST)

    लालबागच्या चरणी अर्पण केलेली सोन्याच्या वीटेची १ कोटी ५५ लाख रुपयांना विक्री

    लालबागच्या चरणी अर्पण केलेली सोन्याच्या वीटेची १ कोटी ५५ लाख रुपयांना विक्री. लालबागचा राजाच्या दागिन्यांच्या विक्रीतून ३ कोटी २२ लाख रुपये जमा. लालबागचा राजाच्या चरणी भाविकांनी अर्पण केलेल्या सोने-चांदीच्या दागिन्यांचा लिलाव काल करण्यात आला.

     

  • 01 Oct 2026 08:31 AM (IST)

    ठाकरे बंधुंच्या भायखळा येथून निघणाऱ्या मोर्चाची टॅग लाइन ठरली

    4 तारखेला ठाकरे बंधुंच्या भायखळा येथून निघणाऱ्या मोर्चाची टॅग लाइन ठरली. गर्जना, लोकशाही आणि संविधान वाचवण्यासाठी अशी असेल मोर्चाची टॅग लाईन. भायखळा येथील रिचर्डसन अँड कृडास कंपनी ते मुंबई महानगर पालिका असा असेल मोर्चा

सांगलीची डीसीसी बँक म्हणजे सोन्याची अंडी देणारी कोंबडी आहे, त्यामुळे कोंबडीचे सगळी अंडी आपल्यालाच मिळावं, यासाठी खासदार-आमदार सहपरिवार अर्ज भरायला लागलेत,अशी टीका आमदार सदाभाऊ खोत यांनी अप्रत्यक्षरीत्या खासदार विशाल पाटलांसह विरोधकांवर केली आहे. सांगली जिल्हा मध्यवर्ती बँकेच्या निवडणुकीमध्ये खासदार विशाल पाटलांनी आपली पत्नी व आईसर उमेदवारी अर्ज दाखल केला. सांगली जिल्हा मध्यवर्ती बँकेची निवडणूक समविचारी पक्षांना घेऊन आणि जे आमच्याबरोबर येतील त्यांना घेऊन लढवली जाईल,अशी भूमिका राष्ट्रवादी शरद पवार पक्षाच्यावतीने स्पष्ट करण्यात आली आहे. जिल्हाध्यक्ष देवराज पाटील यांनी सांगली जिल्हा मध्यवर्ती बँकेसाठी आपला उमेदवारी अर्ज दाखल केला,त्यानंतर ते बोलत होते.

Loading...
Unable to load recommendations.
Follow Us