Weather Alert : पुढील 24 तास महत्त्वाचे! हवामानात होणार मोठे बदल, हवामान खात्याचा अंदाज काय?
Weather Alert : महाराष्ट्रासाठी पुढील २४ तास हे महत्त्वाचे असल्याचा अंदाज हवामान खात्याने वर्तवला आहे. हीम लाट येण्याची शक्यता वर्तवली जात आहे. वाचा हवामान खात्याचा अंदाज काय सांगतो?
नोव्हेंबरच्या मध्यात महाराष्ट्रात हवामानात स्पष्ट बदल दिसू लागले आहेत. दिवसा उष्णता कायम असली तरी रात्री आणि पहाटे तापमानात लक्षणीय घट होत असल्याने थंडीची चाहूल वाढत आहे. भारतीय हवामान विभागाने आज १२ नोव्हेंबरसाठी राज्याच्या पाचही विभागांचा हवामान अंदाज जाहीर केला आहे. त्यानुसार संपूर्ण राज्यात हवामान कोरडे राहील. दिवसा काही भागांत उन्हाचा प्रभाव जाणवेल, तर रात्री आणि पहाटे गारवा अधिक तीव्र होण्याची शक्यता आहे.
कोकण विभाग
मुंबई, ठाणे, पालघर, रायगड, रत्नागिरी आणि सिंधुदुर्ग या जिल्ह्यांमध्ये आज हवामान मुख्यतः कोरडे राहील. दिवसा उष्ण व दमट वातावरण अनुभवास येईल. मात्र संध्याकाळनंतर आणि पहाटे तापमान घटल्याने हवेत हळूवार गारवा जाणवेल.
पश्चिम महाराष्ट्र
पुणे, सातारा, सांगली, कोल्हापूर आणि सोलापूर या जिल्ह्यांतही हवामान कोरडे राहण्याचा अंदाज आहे. दिवसा उन्हाचा प्रभाव कायम राहील, पण रात्रीच्या तापमानात घट झाल्याने पहाटे थंडी अधिक जाणवेल. त्यामुळे दिवसा उष्णता आणि रात्री गारवा असे मिश्र वातावरण राहील.
उत्तर महाराष्ट्र
नाशिक, धुळे, जळगाव, नंदुरबार आणि अहिल्यानगर या जिल्ह्यांमध्ये हवामान कोरडे राहील. तापमानात मोठा फरक अपेक्षित नसला तरी रात्री किमान तापमानात घट होईल. विशेषतः ग्रामीण भागात पहाटे थंडीचा प्रभाव जास्त जाणवेल.
मराठवाडा
छत्रपती संभाजीनगर, जालना, बीड, धाराशिव, लातूर, नांदेड, परभणी आणि हिंगोली या जिल्ह्यांमध्ये आज हवामान कोरडे राहील. दिवसा उन्हाची तीव्रता जाणवेल, मात्र रात्री आणि पहाटे तापमान खाली गेल्याने गारठा वाढेल. सकाळच्या वेळी नागरिकांना थंडीचा अनुभव येण्याची शक्यता आहे.
विदर्भ
नागपूर, वर्धा, अमरावती, अकोला, बुलढाणा, वाशिम, यवतमाळ, चंद्रपूर, गडचिरोली आणि गोंदिया या जिल्ह्यांमध्येही हवामान कोरडे राहील. दिवसा कमाल तापमानात थोडी वाढ होऊ शकते, पण रात्रीचे तापमान कमी राहील. त्यामुळे पहाटे थंडीचा प्रभाव अधिक जाणवेल.
