माझ्या नादी लागू नका मी… सुरेश धस यांची जयंत पाटलांना मोठी धमकी, थेट आव्हान देत..

Suresh Dhas and Jayant Patil

आमदार सुरेश धस आक्रमक झाले असून त्यांनी थेट राष्ट्रवादी काँग्रेस पक्षाचे प्रदेशाध्यक्ष जयंत पाटलांवर निशाणा साधला. जयंत पाटलांनी माझ्या नादाला लागू नये, मी सहज डिवचायचा माणूस नाही, म्हणत त्यांनी इशारा दिला. दुधाच्या दराच्या आणि इतर काही प्रश्नांवर जयंत पाटील यांनी विधिमंडळ अधिवेशनात आरोप केले. या आरोपांना सुरेश धस यांनी उत्तर दिले असून थेट मोठे आव्हानच दिले. कुठे कोणाचे घोटाळे आहेत आणि ते अधिवेशनात मांडणार असल्याचेही सुरेश धसांनी म्हटले. मच्छिंद्रनाथ गडावरून बोलताना सुरेश धस यांनी म्हटले की, जयंत पाटील यांनी माझ्या नादाला लागू नये, मी सहज डिवचायचा माणूस नाही. जर मी उलटा फिरलो तर नीट सोडणार नाही. तुमची नाैटंकी आणि दादागिरी इथे चालणार नाही, बीडमध्ये.

तुम्हाला बघून लोक गप्प बसत असतील, पण आम्ही बसणार नाही. तुम्हाला जेवढे डोके दिले आहे, त्यापेक्षा एक टक्का तरी आमच्या देवाने आम्हाला जास्त दिले आहे. इथे येऊन आमच्या भागात डिवचायचे काम करता मग आम्ही तुमच्या भागात येईन डिवचू का? महाविकास आघाडीच्या सरकारच्या काळात जलसंपदा विभागाच्या कारभारावरही त्यांनी गंभीर आरोप केले.

त्या काळात कोण जलसंपदा मंत्री होते? संपूर्ण राज्याची लूट केली. पुढच्या अधिवेशनात मी हाच मुद्दा मांडणार आहे. पहिल्याच दिवशी जिओ टॅगिंगचा. महालक्ष्मी सारखी संख्या कोणाची आहे? कोणाच्या नावावर आहे. कोणाचा किती वाटा आहे आणि डायरेक्टर कोण कोण आहेत ही सगळी कुंडलीच माझ्याकडे आहे.

हे वर्ष मी येणाऱ्या अधिवेशान मांडणार आहे. सुरेश धस यांनी थेट जयंत पाटलांना आव्हान दिले. ज्यामुळे आता राजकीय वातावरण तापण्याची शक्यता आहे. आता सुरेश धस यांनी एका ज्येष्ठ नेत्याला आव्हान केले. यासोबतच सोडणार नसल्याची भाषाही केली, ज्यामुळे राजकीय वर्तुळात चांगलीच खळबळ उडाली. आता सुरेश धस यांच्या विधानावर जयंत पाटील नक्की काय बोलतील हे पाहण्यासारखे ठरणार आहे.