धावत्या लोकलमध्ये रक्तरंजित थरार! दोन प्रवाशांचं कडाक्याचं भांडण, वादात निष्पाप प्रवासी…
धावत्या लोकलमध्ये रक्तरंजित थरार झाला आहे. दोन प्रवाशांचं कडाक्याचं भांडण झालं आहे. या वादात निष्पाप प्रवासी गंभीर जखमी झाला.

मुंबई लोकलमध्ये दिवसेंदिवस गर्दीचे प्रमाण वाढत आहे. लोकलमधील वाढत्या गर्दीवरून प्रवाशांमध्येच हाणामारीच्या घटना घडत आहेत. काही महिन्यांपूर्वी एका प्रवासाचा हामाणारीत मृत्यू झाल्याची घटना घडली होती. या प्रकारानंतर आता आणखी एक धक्कादायक प्रकार उघडकीस आला आहे. धावत्या लोकलमध्ये ट्रेनमध्ये दोन प्रवाशांमध्ये झालेल्या किरकोळ वादात एका निष्पाप प्रवाशाच्या छातीत धारदार शस्त्र घुसल्याची धक्कादायक घटना समोर आली आहे. या घटनेने एकच खळबळ उडाली आहे.
मिळालेल्या माहितीनुसार, पीडित प्रवाशाचे नाव सुरेश द्वारका शर्मा असं आहे. 52 वर्षीय सुरेश हा मूळचे झारखंडचे आहेत. ते सायन-धारावी परिसरात राहून सुतारकाम करतात. ते 15 नोव्हेंबर 2026 रोजी बोरीवली पूर्व भागात कामानिमित्त गेले होते. त्यांचं काम संपलं, त्यानंतर ते दुपारी 11 वाजून 58 मिनिटांनी बोरीवलीहून चर्चगेटला जाणारी अप फास्ट लोकल पकडली. सुरेश हे पहिल्या जनरल डब्यात दरवाज्याजवळ उभे होते. त्यावेळी मागच्या सीटवर बसलेले दोन प्रवासी एकमेकांशी वाद घालू लागले. अंधेरी स्टेशन आल्यावर दोघांचा वाद आणखी वाढला. ट्रेन अंधेरी स्टेशनला आल्यावर
त्याच वेळी त्यांच्या मागच्या सीटवर बसलेले दोन प्रवासी एकमेकांशी वाद घालू लागले. अंधेरी स्टेशन येण्यापूर्वी हा वाद वाढला. ट्रेन अंधेरीला थांबताच एक प्रवासी प्लॅटफॉर्मवर उतरला. तर दुसरा प्रवासी डब्यातच राहिला. ट्रेन अंधेरीहून पुढे निघाली. त्यानंतर प्लॅटफॉर्मवर उभ्या असलेल्या युवकाने त्याच्याकडील धारदार शस्त्र डब्याच्या आत फेकलं. ते शस्त्र दरवाज्याजवळ उभ्या असलेल्या सुरेश शर्मा यांच्या छातीच्या उजव्या बाजूला घुसलं. ते रक्तबंबाळ अवस्थेत खाली कोसळले. हीच ट्रेन बांद्रा स्टेशनला पोहोचताच आरपीएफ आणि एमएसएफच्या जवानांनी त्यांना प्राथमिक उपचार दिले. त्यानंतर त्यांना बांद्र्याच्या भाभा रुग्णालयात दाखल करण्यात आलं. पोलिसांनी या प्रकरणी आरोपीला अटक केली आहे. त्याचं नाव शिवाजी लक्ष्मण गायकवाड, वय २५ असं आहे. 25 वर्षीय आरोपी शिवाजी गायकवाड हा विना तिकीट प्रवास करत होता. हा गुन्हा अंधेरी रेल्वे पोलिसांकडे वर्ग करण्यात आलाय.
