Indurikar Maharaj: इंदुरीकर महाराजाचं खरं नाव काय? लग्न पत्रिकेवर छापलेले नाव वाचलं का?

Indurikar Maharaj Real Name: इंदुरीकर महाराज हे अबालवृद्धात अत्यंत लोकप्रिय आहेत. त्यांचे किर्तन आणि प्रबोधन हे अनेकांचं जीवन बदलणारं ठरलेलं आहे. खळखळून हसवणारं त्यांचं किर्तन एक मोठा संदेश देऊन जाते. इंदुरीकर महाराजांचे व्हिडिओ, त्यांचे वक्तव्य, त्यांचे मीम्स सर्वच लोकप्रियतेच्या शिखरावर आहे. पण बोले तैसा चाले, त्याची… यावरून महाराज सध्या ट्रोल होत आहे. लोकांना साधेपणाचा संदेश ते किर्तनातून देतात. पण मुलीचा अत्यंत शाही पद्धतीने लग्न करत असल्याचा आरोप त्यांच्यावर करण्यात येत आहे. सोशल मीडियावर इंदुरीकर महाराज ट्रोल होत आहेत. पण इंदुरीकर महाराजांचं खरं नाव तुम्हाला माहिती आहे का? लग्न पत्रिकेवर त्यांचं काय नाव आहे?

सामाजिक प्रश्नावर अचूक टीका

इंदुरीकर महाराजाचं सामाजिक निरीक्षण अत्यंत अभ्यासपूर्ण आहे. सध्या समाजापुढं सुरू असलेल्या विविध प्रश्नांवर ते त्यांच्या किर्तनात आसूड ओढतात. त्यांच्या खास बोली आणि देही शैलीमुळे, हावभावामुळे किर्तनाकडे तरुणही वळले आहेत. अबालवृद्धांमध्ये ते प्रसिद्ध झाले आहेत. ते सामाजिक प्रश्नांवर समाजेच कान ओढायला कमी करत नाहीत. पण आता कृतीत आणि उक्तीत फरक जाणवत असल्याचा आरोप टीकाकार त्यांच्यावर करत आहेत. सर्वसामान्यांना साधेपणानं विवाह सोहळे करण्याचा सल्ला ते देतात. पण स्वतःच्या मुलीचा विवाहासाठी त्यांनी 100 एकर जागेवर भव्य मंडप उभारला आहे. लाखो लोकांना लग्नाचे निमंत्रण दिले आहे. त्यांची मुलगी ज्ञानेश्वरीच्या साखरपुड्यावेळी सुद्धा असाच वाद उद्भवला. तेव्हा महाराजांनी
टीकाकारांवर टीका केली.

इंदुरीकर महाराजाचं खरं नाव काय?

इंदुरीकर महाराजांचं खरं नाव लग्नपत्रिकेवर वधुपिता म्हणून आहे. त्यांचं पूर्ण नाव निवृत्ती काशिनाथ देशमुख असं आहे. अहिल्यानगर जिल्ह्यातील अकोले तालुक्यामधील इंदोरी हे त्यांचं मुळ गाव आहे. त्यांचा जन्म 9 जानेवारी 1972 रोजी झाला. त्यांनी उच्च शिक्षण घेतले आहे. पण लहानपणापासून अध्यात्माची आवड असल्याने पुढे त्यांनी समाज प्रबोधनासाठी स्वतःला वाहून घेतले. त्यांच्या पत्नी शालिनी देशमुख या सुद्धा कीर्तनकार आहेत. एका दिवशी ते तीन किर्तन करत असल्याचे सांगितले जाते. आता ते एका किर्तनासाठी किती मानधन घेतात आणि त्यांची एकूण संपती किती यावरूनही सोशल मीडियावर मोठे अंदाज वर्तवले जात आहे.