Girija Raut: सात वर्षे छळ… माझा घात केला… आरोपांची मालिका…पत्रकार परिषदेत सून गिरिजा राऊत यांचा गंभीर आरोप काय?

Girija Raut allegation on Gitesh Raut: उद्धव ठाकरे सेनेचे नेते विनायक राऊत यांच्या कुटुंबातील वादाने राजकीय जीवनात खळबळ उडवून दिली. त्यांची सून गिरीजा राऊत यांनी पती गितेश राऊत आणि सासरे विनायक राऊतांविरोधात आरोपांची राळ उडवून दिली. त्यांच्या या आरोपांनी एकच खळबळ उडाली आहे. त्यांनी गितेश राऊत यांच्यावर अत्यंत गंभीर आरोप केले आहेत. त्यांनी नुकतीच पत्रकार परिषद घेऊन कसा छळ केला गेला याची मालिकाच वाचली. काय म्हणाल्या गिरिजा राऊत?

राऊत कुटुंबियांनी माझा केला घात  

प्रत्येक गोष्टीत त्यांनी सुरुवातीपासून खोटं बोलून पूर्ण प्लानिंगने घात केला आहे. लग्नाच्या आधीच्या गोष्टी आणि नंतरच्या गोष्टी वेगळ्या होत्या. भावनिक आणि शारिरीक छळ केला. माझा आणि माझ्या कुटुंबियांचा घात केला, असा आरोप विनायक राऊत यांची सून गिरिजा राऊत यांनी केला. त्यांनी लग्नानंतर सुख लाभले नसल्याचे म्हटले आहे.

राजकीय पार्श्वभूमीमुळे चूप राहिले

सर्वात आधी राजकीय पार्श्वभूमी असल्याने मला गितेश सोबत चांगला संसार करत होतो. त्यामुळे तक्रार केली नाही. आज ना उद्या परिस्थिती बदलेल अशी आशा होती. म्हणून सहन केले, अशी भूमिका गिरिजा राऊत यांनी मांडली. फ्लॅट आणि पैसे या गोष्टी खोट्या आहेत. खोटे आरोप आहेत. माझ्यावरील आरोप लपवण्यासाठी ते खोटं स्टेटमेंट देत आहेत, असा आरोप त्यांनी आज घेतलेल्या पत्रकार परिषदेतून केला.

तक्रारींचा वाचला पाढा

२०१७मध्ये लग्न झालं. २०१८पर्यंत संबंध आले नव्हते. दोन्ही कुटुंबाने बसून बोलणी केली. गणपतीवरून आल्यावर त्यावर बोलणार होते. गणपतीवरून आल्यावर एक घाबरवणारी घटना घडली. त्याला अघोरी रूप दिलं. त्यांनी ते सुरूच ठेवलं. अघोरी कृत्य केलं. हायपोथायराईड असूनही आऔषधे दिली. मला मानसिक त्रास दिला, असे गिरीजा राऊत म्हणाल्या.

ज्यांनी मला जवळून पाहिलं त्यांना माहीत आहे. अनेक ठिकाणी पैसे उकळण्याची मला संधी होती. पण मी तसं केलं नाही. नवऱ्यासोबत सुखी संसार करणं एवढीच अपेक्षा होती. पण त्यांनी मला अपमानित केलं. माझ्यासोबत घाणेरडे कृत्य केले, अघोरी प्रकार केले असा गंभीर आरोप गिरिजा राऊत यांनी केला.