हिंदुस्थानी भाऊला मोठा दिलासा; मुंबई सत्र न्यायालयाकडून जामीन मंजूर

अखेर हिंदुस्थानी भाऊ ऊर्फ विकास पाठक याला जामीन मंजूर करण्यात आला आहे. मुंबई सत्र न्यायालयाने विकास पाठक याला जामीन मंजूर केला. धारावीमधील विद्यार्थी आंदोलनाप्रकरणात विकास पाठक याला एक फेब्रुवारी रोजी धारावी पोलिसांनी अटक केली होती.

हिंदुस्थानी भाऊला मोठा दिलासा; मुंबई सत्र न्यायालयाकडून जामीन मंजूर
हिंदुस्तानी भाऊला जामीन
अजय देशपांडे

|

Feb 17, 2022 | 4:52 PM

मुंबई : अखेर हिंदुस्थानी भाऊ (Hindusthani Bhau) ऊर्फ विकास पाठक (Vikas Pathak) याला जामीन मंजूर करण्यात आला आहे. मुंबई सत्र न्यायालयाने विकास पाठक (Mumbai Sessions Court) याला जामीन मंजूर केला. धारावीमधील विद्यार्थी आंदोलनाप्रकरणात विकास पाठक याला एक फ्रेब्रुवारी रोजी धारावी पोलिसांनी अटक केली होती. अटक करून हिंदुस्थानी भाऊला न्यायालयात हजर केले असता, त्याला न्यायालयाने पोलीस कोठडी सुनावणी, त्यानंतर त्याच्या पोलीस कोठडीत पुन्हा एक दिवसांची वाढ करण्यात आली. पोलीस कोठडी संपल्यानंतर हिंदुस्थानी भाऊ हा न्यायालयीन कोठडीत होता. अखेर त्याला 30 हजारांच्या जात मुचलक्यावर जामीन मंजूर करण्यात आला आहे. याबाबत हिंदुस्थानी भाऊचे वकील अनिकेत निकम यांनी माहिती दिली आहे. हिंदुस्थानी भाऊ उर्फ विकास पाठक याला जामीन मंजूर झाल्याने अखेर आता त्याच्या सुटकेचा मार्ग मोकळा झाला आहे.

काय म्हणाले वकील ?

हिंदुस्थानी भाऊचे वकील अनिकेत निकम यावेळी बोलताना म्हणाले की, हिंदुस्थानी भाऊ ऊर्फ विकास पाठक याला जामीन मंजूर करण्यात आला आहे. त्याला एक फेब्रुवारी रोजी विद्यार्थी आंदोलन प्रकरणात अटक करण्यात आली होती. अखेर आज झालेल्या सुनावणीदरम्यान हिंदुस्थानी भाऊला जामीन मंजूर करण्यात आला आहे. मुंबई सत्र न्यायालयाने हिंदूस्थानी भाऊला 30 हजारांच्या जात मुचलक्यावर जामीन मंजूर केला असल्याचे त्यांनी सांगितले.

नेमकं प्रकरण काय?

विद्यार्थी आंदोलन प्रकरणात हिंदुस्तानी भाऊला धारावी पोलिसांनी अटक केली होती. दहावी, बारावीच्या परीक्षा या ऑफलाईन न घेता, ऑनलाईनच घेण्यात याव्यात अशी मागणी हिंदुस्थानी भाऊने केली होती. या प्रकरणात शिक्षणमंत्री वर्षा गायकवाड यांच्या घराबाहेर जमत हजारो विद्यार्थ्यांनी आंदोलन केले होते. या आंदोलनस्थळी हिंदुस्थानी भाऊने देखील भेट दिली होती. मात्र पोलिसांनी त्याला तिथे थांबू दिले नव्हते. या आंदोलनामागे हिंदुस्थानी भाऊ उर्फ विकास पाठक याचाच हात असल्याचा आरोप पोलिसांनी केला होता. अखेर या आंदोलन प्रकरणात त्याला एक फेब्रुवारी रोजी अटक करण्यात आली होती. तब्बल सोळा दिवसानंतर त्याला जामीन मिळाला आहे. जामीन मिळाल्याने हिंदुस्थानी भाऊला मोठा दिलासा मिळालाय.

 

संबंधित बातम्या

Mumbai Crime : टकटक गँगच्या दोन आरोपींच्या मुसक्या आवळल्या, मुंबई गुन्हे शाखेची कारवाई

नवी मुंबईला मुंबईशी अर्ध्या तासात जोडणारी वॉटर टॅक्सी परवडणारी आहे का? जाणून घ्या तिकीट दर

देशमुखांच्या विधानावरून नव्हे तर एनआयएच्या आरोपपत्राच्या आधारावर आरोप; मलिकांचा चांदीवाल आयोगासमोर खुलासा

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें