मुंबईकरांनो सावधान, पुढील 3 तास जोरदार पावसाचे, IMD चा अंदाज
मुंबईतही सतर्कतेचा (Mumbai rain alert) इशारा देण्यात आला आहे. पुढील 2 ते 3 तासात मुंबईत अतिवृष्टी होईल (Mumbai rain alert) असा इशारा आयएमडीने दिला आहे.
मुंबई : पुणे आणि परिसरात झालेल्या तुफान पावसाने थैमान घातलं असताना, मुंबईतही सतर्कतेचा (Mumbai rain alert) इशारा देण्यात आला आहे. पुढील 2 ते 3 तासात मुंबईत अतिवृष्टी होईल (Mumbai rain alert) असा इशारा आयएमडीने दिला आहे. मुंबई महापालिकेनेही सोशल मीडियावर याबाबतची माहिती दिली आहे.
आयएमडीच्या अंदाजानुसार, मुंबईत पुढील दोन-तीन तासात जोरदार पाऊस पडण्याचा अंदाज आहे. पण नागरिकांनी कोणत्याही अफवा पसरवू नका, तसंच अफवांवर विश्वासही ठेवू नका. काळजी घ्या, मदतीसाठी 1916 या नंबरवर संपर्क साधा असं ट्विट मुंबई महापालिकेने केलं आहे.
As per the IMD forecast, intense rainfall is expected in the city for the next two to three hours. We request citizens to not believe in any rumours & practice caution. Take care and please reach out for any guidance & assistance on 1916 #MumbaiRains #Dial1916
— माझी Mumbai, आपली BMC (@mybmc) September 26, 2019
हवामान विभागाच्या या इशाऱ्याने घरी पोहोचणाऱ्या चाकरमान्यांची तारांबळ होण्याची शक्यता आहे. बहुसंख्य कार्यालयाचं कामकाज आटोपून कर्मचारी वर्ग घरी परतत आहे. जर पावसाला सुरुवात झाली तर त्यांना त्रासाला सामोरं जावं लागू शकतं.
पुण्यात पावसाचं थैमान
पुण्यात काल (बुधवारी) रात्रीपासून सुरु झालेल्या पावसाने शहरात अक्षरशः धुमाकूळ (Pune City Heavy Rains) घातला आहे. मुसळधार पावसामुळे शहरातील बरेचसे रस्ते जलमय झाले असून नागरिकांच्या घरातही पाणी शिरलं आहे. मुसळधार पावसातील बळींचा आकडा 13 वर पोहोचला आहे. पुण्यात ढगफुटीसदृश्य पावसाने हाहाकार माजवला. आतापर्यंत 13 जणांचा मृत्यू झाला असून, 575 लोकांना वाचवलं आहे. तर 3500 लोकांचं स्थलांतर करण्यात आलं आहे.
संबंधित बातम्या
Pune Rain Live Update | पुण्यात पावसाचा कहर, मृतांचा आकडा 13 वर
LIVE : मुंबईकरांनो घरी लवकर पोहोचा, पुढील तीन तासात शहरात अतिवृष्टीचा इशारा