लाडक्या बहिणींच्या जीवाला घोर! Ladki Bahin Yojana चा सप्टेंबरचा हप्ता eKYC नंतरच? अपडेट काय?
Ladki Bahin Yojana eKYC : लाडकी बहिणी योजनेत मोठी अपडेट समोर येत आहे. ई-केवायसी करणे योजनेत बंधनकारक करण्यात आले आहे. नोव्हेंबरपर्यंत ईकेवायसी करणे आवश्यक आहे. पण सप्टेंबर महिन्याचा हप्ता ई-केवायसी अभावी थांबवणार का? याविषयीची चर्चा सुरू आहे.
मुख्यमंत्री माझी लाडकी बहीण योजनेचा सप्टेंबर आणि ऑक्टोबर महिन्याचा हप्ता दिवाळीपूर्वीच राज्य सरकार देण्याची शक्यता वर्तवण्यात येत आहे. पण त्यापूर्वीच एक अपडेट समोर येत आहे. या योजनेत ई-केवायसी (Ladki Bahin Yojana eKYC) बंधनकारक करण्यात आले आहे. नोव्हेंबरपूर्वी ई-केवायसीची प्रक्रिया पूर्ण करणे आवश्यक आहे. तर सप्टेंबर आणि ऑक्टोबरचा हप्ता ई-केवायसी नसल्याने थांबवण्यात येणार असल्याची चर्चा सुरू आहे. सप्टेंबर महिन्याच्या हप्त्यासंदर्भात अजून शासन निर्णय आलेला नाही. सरकारचा निर्णय जाहीर झाल्यानंतर हा हप्ता लाभार्थी महिलांच्या खात्यात जमा होतो. पण याविषयीची अधिकृत माहिती समोर आलेली नाही.
सप्टेंबर-ऑक्टोबर हप्ता थांबणार?
लाडकी बहीण योजनेच्या सप्टेंबर आणि ऑक्टोबर महिन्याच्या हप्त्यासाठी ई-केवायसी करणे बंधनकारक असल्याचा कोणताही निर्णय सरकारने जाहीर केलेला नाही. पण दोन महिन्यात ई-केवायसी करणे आवश्यक आहे. त्यामुळे नोव्हेंबरचा हप्ता ई-केवायसी नसेल तर थांबू शकतो. नोव्हेंबरचा हप्ता आणि त्यपुढील हप्ते हे ई-केवायसी अभावी थांबवले जाऊ शकतात. त्यामुळे सध्या सप्टेंबर आणि ऑक्टोबरचा हप्ता ई-केवायसी अभावी थांबवण्यात येईल असा कोणताही निर्णय सरकारने घेतला नाही.
दीड महिन्यांचा कालावधी
ई-केवायसी करताना पोर्टलमध्ये अनेक तांत्रिक अडचणी येत आहे. अपलोड आणि इतर प्रक्रिया करताना लाडक्या बहिणींना अडचणींचा सामना करावा लागत आहे. त्यामुळे लाडक्या बहिणींना ई-केवायसी करता आलेली नाही. पण ई-केवायसी केली नाही तर पुढील हप्ते थांबविण्यात येऊ शकता. ही प्रक्रिया पूर्ण करण्यासाठी अजून दीड महिन्यांचा कालावधी आहे. त्यामुळे या काळात ई-केवायसीची प्रक्रिया पूर्ण करता येईल.
अशी करा ई-केवायसी प्रक्रिया पूर्ण
लाभार्थी महिलांनी मोबाईल अथवा संगणकावर ladkibahin.maharashtra.gov.in या पोर्टलला भेट द्या
लॉगिन केल्यावर ईकेवायसी प्रक्रिया पूर्ण करण्याविषयीचा पर्याय दिसेल. त्यावर क्लिक करा
तुमचा आधार क्रमांक (Aadhaar Number) नोंदवा
आता कॅप्चा कोड (Captcha Code) तिथे नोंदवा
आधार प्रमाणिकरणासाठी मंजूरी द्या. Send OTP या पर्यायावर क्लिक करा
आधारशी लिंक मोबाईल क्रमांकावर OTP नमूद का. Submit करा
आता ही प्रक्रिया पूर्ण करणे गरजेचे
नवीन नियमानुसार पती, वडिलांचा आधार कार्ड क्रमांक, कॅप्चा कोड आणि OTP नमुद करा
आता लाभार्थी लाडक्या बहिणीचा जात प्रवर्ग निवडा
आवश्यक प्रमाणित घोषणापत्रावर (Declaration) क्लिक करा
आता संपूर्ण माहिती एकदा वाचा. सबमिट बटन क्लिक करा.
e-KYC पडताळणी यशस्वीरित्या पूर्ण झाल्याचा संदेश स्क्रीनवर दिसेल.
