रविवारी रेल्वेच्या तिन्ही मार्गावर मेगाब्लॉक

लोकल ट्रेन

मुंबई : रेल्वेच्या तिन्ही मार्गावर उद्या (21 एप्रिल) मेगाब्लॉक घेण्यात आला आहे. मध्य, पश्चिम आणि हार्बर रेल्वेच्या मार्गावरील पायाभूत सुविधा, सिग्नल यंत्रणा, रेल्वे रुळ आणि इतर कामासाठी हा मेगाब्लॉक घेण्यात येणार आहे. मध्य रेल्वेवर मांटुगा ते मुंलुड डाऊन धीम्या, सीएसएमटी ते चुनाभट्टी आणि वांद्रे अप-डाऊन आणि पश्चिम रेल्वेवर चर्चगेट ते मुंबई सेंट्रल मार्गवर मेगाब्लॉक घेण्यात येणार आहे. त्यामुळे प्रवाशांची मोठी गैरसोय होणार आहे.

मध्य रेल्वे

मध्य रेल्वेवर माटुंगा ते मुलुंड दरम्यान ब्लॉक घेण्यात येणार आहे. ओव्हरहेड वायर आणि सिग्नलसह इतर अन्य कामांसाठी हा ब्लॉक घेण्यात येणार आहे. सकाळी 11.20 ते संध्याकाळी 3.50 पर्यंत हा ब्लॉक असणार आहे. यामुळे सकाळी 10.57 ते संध्याकाळी 3.52 पर्यंत धिम्या मार्गावरील लोकल या जलद मार्गावर वळवल्या जाणार आहेत. सीएसएमटीला येणाऱ्या आणि जाणाऱ्या धीम्या मार्गांवरील सर्व लोकल गाड्या सकाळी 11 ते संध्याकाळी 6 वाजेपर्यंत आपल्या निर्धारित वेळेपेक्षा 10 मिनिटे उशिराने धावणार आहेत.

हार्बर रेल्वे

सीएसएमटी ते चुनाभट्टी आणि वांद्रे स्थानकादरम्यान अप आणि डाऊन दोन्ही मार्गांवर सकाळी 11.10 ते दुपारी 4.10 पर्यंत ब्लॉक घेण्यात येणार आहे. सकाळी 9.56 ते दुपारी 4.23 वाजेपर्यंत सीएसएमटी ते वांद्रे, अंधेरी, गोरगाव दरम्यानची अप आणि डाऊन मार्गांवरील वाहतूक पूर्णपणे बंद राहणार आहे. तर सीएसएमटी ते पनवेल सकाळी 9.53 ते दुपारी 2.44 अप- डाऊन वाहतूक बंद राहणार आहे. या प्रवाशांच्या सोयीसाठी कुर्ला स्थानकातील प्लॅटफार्म क्रमांक 8 वरून पनवेलकरीता स्पेशल लोकल चालवण्यात येणार आहे.

पश्चिम रेल्वे

चर्चगेट ते मुंबई सेंट्रल दरम्यान अप आणि डाऊन जलद मार्गावर सकाळी 10.35 ते दुपारी 3.35 पर्यंत ब्लॉक घेण्यात येणार आहे. ब्लॉक दरम्यान सर्व लोकल या धिम्या मार्गावर वळविण्यात येणार आहे.