Mumbai Toll Rates : मुंबईत एन्ट्री महागली! मिनी बसपासून अवजड वाहनांपर्यंत टोलमध्ये मोठी वाढ

toll plaza

मुंबईत वाहन घेऊन यायचा विचार करत असाल तर ही बातमी तुमच्यासाठी. मुंबईत पाय ठेवण्याआधी तुमच्या खिशाला कात्री लागण्याची शक्यता आहे. कारण कर्मशिअल वाहनांवर अधिक कर आकारले जाण्याची शक्यता आहे. १ ऑक्टोबरपासून हे नियम लागू होणार आहेत. महाराष्ट्र राज्य रस्ते विकास महामंडळाने हे सुधारित दर लागू केले आहेत. नवीन दरानुसार मिनी बस आणि लाईट कर्मिशिअल वाहनांवर आधी 75 रूपये टोल आकारला जात होता. आता त्यासाठी ९० रुपये द्यावे लागणार आहेत. ट्रक आणि बसच्या टोलमध्येही वाढ करण्यात आली आहे. यापूर्वी १५० रूपये असलेला टोल आता १८० रूपये झाला आहे. म्हणजेच या वाहनांना प्रत्येक फेरीसाठी ३० रूपये अधिक द्यावे लागतील. तर अवजड वाहनांसाठी टोल १९० रूपयांवरून २२५ रुपये करण्यात आला आहे. या वाहनांच्या टोलमध्ये ३५ रूपयांची वाढ झाली आहे. ...