चेंबूर वाशीनाका परिसरात ट्रकमधून वायूगळती झाल्याने घबराट, दोन किमीची वाहतूक बंद
चेंबूर वाशीनाका जिजामाता नगरात धोकादायक केमिकलची गळती झाल्याची घटना घडली आहे. त्यामुळे परिसरातील नागरिकांना श्वसनाचा त्रास होत असल्याने खबरदारी म्हणून दोन्ही दिशेची वाहतूक थांबवण्यात आली आहे.
मुंबईतील चेंबूर वाशीनाका परिसरात एका केमिकल ट्रकमधून धोकादायक केमिकलची गळती झाल्याची घटना घडली आहे.यामुळे नागरिकांना श्वसनास त्रास होत असल्याने येथील दोन्ही दिशेची वाहतूक दोन किमीपर्यंत बंद करण्यात आली आहे. घटनास्थळी फायरब्रिगेटच्या चार वाहनांनी ताबा घेतला असून केमिकल लिकेज दूर करणारे पथक देखील पोहचले आहे.
केमिकल वाहून नेणाऱ्या एका ट्रकमधून अचानक गळती सुरु झाल्याने संपूर्ण परिसरात घबराट पसरल्याची घटना चेंबूर वाशीनाका जिजामाता परिसरात घडली आहे.या ट्रकमधून बेनझेन केमिकल लीकेज झाल्याने परिसरातील नागरिकांना हलवण्यात आले आहे. तसेच महामार्गावरील दोन्ही दिशेची दोन किलोमीटरची वाहतूक पोलिसांनी खबरदारी म्हणून बंद केली आहे.
चेंबूर वाशीनाका परिसरातीस या ट्रकमधून धोकादायक वायूची गळती झाल्याने या परिसरातील नागरिकांना श्वसनाचा त्रास सुरूझाला. त्यामुळे तातडीने फायर ब्रिगेडला पाचरण करण्यात आले. त्यानंतर घटनास्थळी फायर ब्रिगेडच्या चार गाड्या दाखल झाल्या आहेत. ट्रकमधील केमिकल गळती रोखण्यासाठी हे पथक प्रयत्न करत आहे. या ठिकाणी वाहतूक खबरदारीचा उपाय म्हणून दोन किमी थांबवण्यात आली आहे. परिस्थिती नियंत्रणात असल्याची माहिती स्थानिक पोलिसांनी दिली आहे.
परिस्थिती नियंत्रणात
केमिकलची गळती झालेला हा टँकर 22000 टनाचा असून त्याच्या बॉटम बॉलमध्ये केमिकल लिकेज झाल्याचे म्हटले जात आहे. घटनास्थळी फायर ब्रिगेड आणि पोलिस यंत्रणा देखील दाखल झाली आहे. अग्निशमन दलाद्वारे लिकेज बंद करण्याचे काम युद्धपातळीवर सुरु आहे. बेनझीन नावाचे केमिकल लिकेज झाल्याचे वॉर्ड ऑफीसर शंकर भोसले यांनी सांगितले. या ठिकाणची वाहतूक बंद करण्यात आली असून परिस्थिती नियंत्रणात असल्याचे त्यांनी सांगितले.
