एखाद्या वावटळीत पोलीस दलाची पडझड होईल या भ्रमात कोणीच राहू नये, शिवसेनेची पहिली प्रतिक्रिया
एखाद्या वावटळीत पोलीस दलाची पडझड होईल या भ्रमात कोणीच राहू नये, असं ट्विट संजय राऊत यांनी केलं आहे. (Sanjay Raut Tweet on IPS officer transfer in Maharashtra)
मुंबई: शिवेसना खासदार संजय राऊत यांनी राज्यातील वरिष्ठ पोलीस अधिकाऱ्यांच्या बदल्यांवर पहिली प्रतिक्रिया दिली आहे. मुंबई तसेच महाराष्ट्र पोलीस दलास नवे नेतृत्व मिळाले आहे. आपल्या पोलीस दलाची परंपरा महान आहे. एखाद्या वावटळीत पोलीस दलाची पडझड होईल या भ्रमात कोणीच राहू नये. खाकी वर्दीचा मान व शान यापुढील काळात अधिक हिमतीने व सचोटीने राखला जाईल हीच अपेक्षा, असं ट्विट त्यांनी केलं आहे.
महाराष्ट्र पोलीस दलात फेरबदल
मुंबई पोलीस आयुक्त परमबीर सिंग (Parambir Signh) यांची उचलबांगडी झाली आहे. त्यांच्या जागी राज्याचे पोलीस महासंचालक हेमंत नगराळे (Hemant Nagrale) यांची नियुक्ती करण्यात आली आहे. अटकेत असलेले मुंबई पोलीस दलातील निलंबित API सचिन वाझे यांच्या स्फोटक प्रकरणात महाराष्ट्र पोलीस दलात ही मोठी घडामोड घडली आहे. गेल्या दोन ते तीन दिवसांपासून परमबीरसिंग यांची उचलबांगडी होणार अशी जोरदार चर्चा होती. ती अखेर खरी ठरली आहे. महत्त्वाचं म्हणजे परमबीर सिंग यांना साईडलाईन करण्यात आलं आहे. त्यांना होमगार्ड म्हणजेच गृहरक्षक दलाची जबाबदारी देण्यात आली आहे.
सरकारचा मोठा निर्णय- नव्या बदल्या
हेमंत नगराळे होणार नवे मुंबई पोलीस आयुक्त
रजनीश शेठ यांच्याकडे पोलीस महासंचालक महाराष्ट्र राज्य या पदाचा अतिरिक्त कार्यभार
संजय पांडे यांच्याकडे महाराष्ट्र राज्य सुरक्षा महामंडळाची जबाबदारी
परमवीर सिंह यांच्याकडे गृहरक्षक दलाची जबाबदारी
गृहमंत्री अनिल देशमुख यांचं ट्विट
गृहमंत्री अनिल देशमुख यांनी ट्विट करुन महाराष्ट्र पोलीस दलातील बदल्यांविषयी घोषणा केली.
संबंधित बातम्या:
हेमंत नगराळे मुंबईचे नवे पोलीस आयुक्त; कोण आहेत नगराळे?
