Bhimashankar Torrent Project : Raj Thackeray : सकाळी वृक्षतोडस्थळाची पाहणी तर, सायंकाळी राज ठाकरेंची जाहीर सभा

राज ठाकरे यांनी भीमाशंकर अभयारण्यातील वृक्षतोडीविरोधात भूमिका घेत कर्जतमध्ये दाखल झाले आहेत. आज सकाळी त्यांनी वृक्षतोड झालेल्या साय डोंगर परिसराची पाहणी केली. येथे १०० वर्षांहून जुनी झाडे मोठ्या प्रमाणावर कापण्यात आल्याचा ग्रामस्थांचा आरोप आहे. या वृक्षतोडीमुळे स्थानिक ग्रामस्थांनी विरोध दर्शवला होता. त्यानंतर हा मुद्दा चर्चेत आला.

राज ठाकरे यांनी घटनास्थळाची पाहणी केल्यानंतर परिसरातील ग्रामस्थांशी संवाद साधला. सह्याद्री वाचवा या मोहिमेखाली राज ठाकरे सायंकाळी कर्जतच्या पोलीस मैदानावर जाहीर सभा घेणार आहेत. या सभेत ते वृक्षतोडीच्या मुद्द्यावर सविस्तर बोलतील.

या लढ्याला जैन धर्मगुरू निलेश चंद्र मुनी यांनी पाठिंबा दिला आहे. निलेश चंद्र मुनी यांनी, “विकासाच्या नावाखाली मुख प्राण्यांची हत्या करणारी कंपनी थांबवावी. राज ठाकरेंच्या भूमिकेला संपूर्ण जैन समाजाचा पाठिंबा आहे,” असे म्हटले आहे. दुसरीकडे, काही जणांनी पंप स्टोरेज प्रकल्पाला पर्यावरणपूरक असल्याचे सांगत, भविष्यात पर्यावरणाची मोठी हानी टळणार असल्याचे नमूद केले आहे.