Tv9 मराठी स्पेशल रिपोर्ट : ‘1500 नको, आधी बहिणींची अब्रू वाचवा’, श्रेयवादावरुन ठाकरे, पवारांनी महायुतीला धरलं धारेवर, पाहा व्हिडीओ

लाडकी बहीण योजनेवरुन सुरु झालेलं राजकारण थांबण्याचं नाव घेत नाहीये. लाडकी बहीण योजनेवरुन शरद पवारांनी
पुन्हा एकदा सत्ताधाऱ्यांना धारेवर धरलंय. पंधराशे रुपयांपेक्षा बहिणींची अब्रू वाचवणं आणि संरक्षण देणं जास्त महत्त्वाचं असल्याचं म्हणत पवारांनी सत्ताधाऱ्यांवर हल्लाबोल केलाय.

पंधराशे रुपयांपेक्षा बहिणींची अब्रू वाचवणे आणि संरक्षणाची गरज. फक्त शरद पवारच नव्हे शिर्डीतून उद्धव ठाकरेंनी
देखील लाडकी बहीण योजनेवरुन सत्ताधाऱ्यांवर निशाणा साधला. तसंच लाडकी बहीण योजनेवरुन महायुतीत सुरु असलेल्या श्रेयवादावरुन देखील उद्धव ठाकरेंनी टीकास्त्र डागलंय. जनतेचा पैसा खाऊ आणि मीच तुझा भाऊ असं महायुतीत सुरु, दरम्यान उद्धव ठाकरेंच्या टीकेचं कारण म्हणजे लाडकी बहीण योजनेवरुन महायुतीत सुरु असेलली श्रेयवादाची लढाई. कधी दादांच्या जाहिरातीत मुख्यमंत्र्यांचं नाव नाही. तर कधी भाजप-शिंदेंच्या कार्यकर्त्यांच्या बॅनरवर अजितदादांचा फोटो नव्हता.

पाहा व्हिडीओ:-

मुख्यमंत्री शब्द वगळला आणि फक्त माझी लाडकी बहीण शब्द वापरला. बारामतीत देवाभाऊ म्हणून बॅनर लागले त्यावर आक्षेप घेतला नाही. लाडकी बहीण योजनेवरुन मागील काही दिवसांपासून राजकारण सुरु आहे. विधानसभेच्या पार्श्वभूमीवर बहिणींची आठवण आल्याची टीका विरोधकांनी केलीय. दरम्यान विरोधकांच्या टीकेला सत्ताधाऱ्यांकडून देखील प्रत्युत्तर देण्यात आलंय.