4,00,000 पाहुणे, बक्षीस म्हणून थार, देशातील या शाही विवाहाची का होतेय चर्चा? खर्च इतका की…

जेडीयूचे आमदार अनंत सिंह यांची छोटी कन्या शिवांगी हिच्या लग्नाची देशभरात चर्चा सुरू आहे. अनंत सिंह आपल्या कन्येचा विवाह अगदी धुमधडाक्यात करणार आहेत. या शाही विवाह सोहळ्यासाठी देशभरातील लोकांना निमंत्रण देण्यात आलं आहे. राजकीय पक्षाचे नेते आणि सेलिब्रिटींनाही या सोहळ्यासाठी खास आमंत्रण देण्यात आलं आहे. तब्बल चार लाख पाहुणे या लग्नाला येणार आहेत. त्यामुळे या लग्नाची देशभर चर्चा सुरू झाली आहे.

अनंत सिंह यांनी दिलेल्या माहितीनुसार, बिहारचे माजी मुख्यमंत्री नितीश कुमार, राजद प्रमुख लालू प्रसाद यादव, तेजस्वी यादव आणि इतर अनेक बडे नेते या लग्नाला येणार आहेत. तसेच बॉलिवूड अभिनेता सोनू सूद, लोकगायिका मैथिली ठाकूर, खासदार आणि गायक मनोज तिवारी आदींनाही या लग्नाचं निमंत्रण देण्यात आलं आहे. याशिवाय भोजपुरी स्टार पवन सिंह, अक्षरा सिंह या सोहळ्याचे खास आकर्षण असणार आहेत.

थार जिंका…

या लग्न सोहळ्यात घोडेस्वारीही ठेवण्यात आली आहे. या घोडेस्वारी स्पर्धेत जिंकणाऱ्याला चक्क थार बक्षीस देण्यात येणार आहे. दुसरा क्रमांक पटकावणाऱ्याला मोटारसायकल बक्षीस म्हणून देणार आहे.

4 लाख लोक येणार

या सोहळ्यासाठी पंतप्रधान नरेंद्र मोदी यांनाही निमंत्रण देण्यात येणार आहे. सर्वात महत्त्वाचं म्हणजे या लग्न सोहळ्यात फटाके फोडले जाणार नाही. पर्यावरणाची विशेष काळजी घेतली जाणार आहे. या लग्न सोहळ्याला तब्बल 4 लाख लोक येणार आहेत. त्यामुळे चार लाख लोकांच्या जेवणाची व्यवस्था करण्यात येणार आहे. त्यासाठी मोठा बंदोबस्त करण्यात आला आहे.

या लग्नासाठीची संपूर्ण तयारी झाली आहे. ज्या ज्या लोकांना अनंत सिंह ओळखतात त्या सर्वांना लग्नाचं आमंत्रण दिलं जात आहे. बिहारच्या इतिहासातील हे सर्वात मोठं लग्न असणार असल्याचं सांगितलं जात आहे. त्यामुळेच या लग्न सोहळ्याकडे संपूर्ण देशाचं लक्ष लागलं आहे. या लग्न सोहळ्याच्यावेळी कोणताही अनुचित प्रकार घडू नये म्हणून पोलिसांचा मोठा बंदोबस्त ठेवण्यात येणार आहे. तसेच या लग्न सोहळ्याच्या माध्यमातून अनंत सिंह हे आपली ताकद दाखवत असल्याचंही सांगितलं जात आहे. या लग्न सोहळ्यासाठी प्रचंड खर्च करण्यात आला आहे. मात्र, नेमके किती कोटी खर्च होणार हा आकडा अद्याप समोर आलेला नाहीये.