उर्दूमध्ये काहीतरी पुटपुटत बाबाने महिलेच्या चेहऱ्यावर फुंकर मारली अन्… एअर फोर्स जवानाच्या पत्नीवर बलात्कार, धर्मांतराचा प्रकार

तो उर्दूमध्ये काहीतरी पुटपुटत राहिला आणि महिलेच्या चेहऱ्यावर सतत फुंकर मारत राहिला… महिला ओरडत, किंचाळत राहिली. बाजूला ठेवलेल्या एका बाटलीत पाणी होतं. पुरुषाने महिलेचे दोन्ही हात पकडले आणि तिला स्वतःच्या नियंत्रणात घेत राहिली… महिला सतत म्हणत होती मला सोड… मला सोड… पण तो काही थांबला नाही… या भयानक घटनेचा व्हिडीओ सध्या सोशल मीडियावर सर्वत्र व्हायरल होत आहे… मिळालेल्या माहितीनुसार, महिलेने पोलिसांत FIR दाखल केला आहे… ज्यामध्ये काळी जादू करण्याचे आरोप करण्यात आले आहे… ज्या महिलेसोबत असं वाईट कृत्य झालं आहे, ती एअर फोर्स जवानाची पत्नी आहे. धक्कादायक गोष्ट म्हणजे ज्याने असं कृत्य केलं आहे, तो महिलेचा शाळेतील जुना मित्र आहे.

महिलेने केले बलात्कार आण काळी जादू केल्याचे आरोप…

संबंधित घटना नागपूर येथील आहे… एअर फोर्स जवानाच्या पत्नीने ब्लॅकमेलिंग, बलात्कार आणि बळजबरी धर्मांतराचे आरोप अयाज मादरे आणि त्याच्या साथीदारांवर केले आहेत. पोलिसांनी तात्काळ कारवाई करत मुख्य आरोपीसह दोघांना ताब्यात घेतलं आहे. धर्मांतरास कारणीभूत ठरलेल्या मैलानाचा शोध घेण्यासाठी नागपूर पोलिसांचं एक पथक आता मध्य प्रदेशात पोहोचलं आहे. या खळबळजनक प्रकरणात बलात्कार, वारंवार होणारे लैंगिक शोषण, खंडणी, ब्लॅकमेलिंग, जादूटोणा, बळजबरीने केलेलं धर्मांतर आणि बळजबरीने केलेला विवाह यांसारखे गंभीर आरोप आहेत.

मिळालेल्या माहितीनुसार, पीडित महिला 24 वर्षांची आहे. तिने जुन्या शाळेतील मित्रावर आणि त्याच्या साथीदारांवर बलात्कार, ब्लॅकमेल आणि बळजबरी धर्मांतर यांसारखे गंभीर आरोप करत सोनेगाव पोलीस स्थानकात तक्रार दाखल केली आहे. महिला एक प्रॉपर्टी डिलर आहे. आता पोलिसांनी याप्रकरणी अयाझ मदारे आणि अमीन शेख याला अटक केली आहे.

ड्रिंकमध्ये नशेचं औषध टाकून केलं बेशुद्ध

महिलेच्या आरोपांनुसार, 8 फेब्रुवारी 2025 रोजी एका हॉटेलमधील भेटीदरम्यान अयाझने महिलेच्या ड्रिंकमध्ये गुंगीचं औषध मिसळलं, ज्यामुळे ती बेशुद्ध पडली. तिला शुद्ध आली तेव्हा आरोपीने तिचे आक्षेपार्ह अवस्थेत फोटो आणि व्हिडिओ काढून ठेवले होते. त्यानंतर तिचं वारंवार लैंगिक शोषण करण्यात आलं आणि हे व्हिडिओ तिच्या पतीला पाठवण्याची तसेच सोशल मीडियावर व्हायरल करण्याची धमकी देऊन तिला ब्लॅकमेल करण्यात आलं. एवढंच नाही तर, तिच्याकडून तब्बल 4 लाख रुपयेही उकळण्यात आले.

फुंकर मारून काळी जादू

महिलेने FIR मध्ये केलेल्या आरोपांनुसार, अयाझ कायम एका प्लॅस्टिकच्या बातलीत काहीतरी घेऊन यायचा आणि महिलेला पिण्यास सांगायचा. त्यानंतर तो उर्दूमध्ये काहीतर पुटपुट करायचा आणि तो महिलेच्या चेहऱ्यावर फुंकर मारायचा. एवढंच नाही तर, संमोहन व काळी जादू असल्याचे सांगून तिच्यावर बलात्कार करायचा.

आरोपी मैलानाच्या शोधात पोलीस

डीसीपी सिंगा रेड्डी यांनी सांगितल्यानुसार, संबंधित महिलेने आपल्या तक्रारीत बलात्कार, खंडणी, धर्मांतर आणि जादूटोणा यांसारखे आरोप केले आहेत. जप्त करण्यात आलेल्या इलेक्ट्रॉनिक उपकरणांचे फॉरेन्सिक विश्लेषण सुरू असून, हा पुरावा अत्यंत महत्त्वाचा ठरणार आहे. धर्मांतराशी संबंधित असलेल्या मैलानाचा शोध घेण्यासाठी पोलिसांचं एक पथक दुसऱ्या राज्यात पोहोचलं आहे. या प्रकरणाचा सखोल तपास सुरू आहे.