“ठाकरेंची चूक निस्तारण्याच्या पलिकडे गेलेय”; ठाकरे गटाची टीका, त्यात भाजपही उडी

मुंबई : मुख्यमंत्री एकनाथ शिंदे यांनी बाळासाहेब ठाकरे यांचे हिंदुत्वाचे स्वप्न पूर्ण करण्यासाठी म्हणून बंडखोरी केली आहे. मात्र आता ठाकरे गटाकडे टीका करण्यासाठी दुसरा कोणताही विषय नाही. त्यामुळे एकनाथ शिंदे यांच्यावर आदित्य ठाकरे आणि उद्धव ठाकरे यांच्याकडून आरोप केले जात असल्याची टीका भाजपचे प्रदेश सचिव प्रमोद जठार यांनी सांगितले. यावेळी त्यांनी सांगितले की, ठाकरे गटाची शिवसेना आता डूबतं जहाज आहे. त्यामुळे सोडून चाललेल्या आमदार आणि खासदारांमुळे ठाकरे गटाची घालमेल होत आहे. त्यामुळे त्यांच्याकडून एकनाथ शिंदे यांच्यावर टीका केली जात आहे असंही त्यांनी यावेळी सांगितले.

प्रमोद जठार यांनी ठाकरे गटावर टीका करताना त्यांनी आदित्य ठाकरे यांच्यावर जोरदार हल्लाबोल केला आहे. तेलही गेलं, तूपही गेलं आणि हाती आलं धुपाटणं अशी अवस्था ठाकरे गटाची झाली आहे. त्यामुळे आता शिवसेनेच्या नेत्यांवर वाटेल ते आरोप केले जात आहेत असंही त्यांनी यावेळी म्हटले आहे.

उद्धव ठाकरे यांनी महाविकास आघाडीबरोबर युती करून चूक केली आहे. त्यामुळे ती चूक निस्तारायची वेळ ठाकरे गटावर आली आहे. त्याच चुकीचे खापर एकनाथ शिंदे यांच्यावर फोडले जात आहे.

त्यातच आता महाविकास आघाडीमध्ये बिघाडी झाल्याचेही दिसून येत आहे. कारण गेल्या काही दिवसांपासून महाविकास आघाडीत एकवाक्यता दिसून येत नाही तर अजित पवार वेगळं बोलतात.

तर महाविकास आघाडीच्या विरोधात जाऊन राष्ट्रवादी काँग्रेसचे अध्यक्ष शरद पवार यांनी अदानीचे बाजू् घेतात. त्यामुळे महाविकास आघाडीची सध्याची काय अवस्था आहे ती दिसून येत आहे असा घणाघातही प्रमोद जठार यांनी केला आहे.