CCTV Video : वसईत उच्चभ्रू इमारतीत चोरी, चोरटे सीसीटीव्हीत कैद, पोलिसांकडून शोध सुरु

वसईत उच्चभ्रू इमारतीत चोरी, चोरटे सीसीटीव्हीत कैद

वसई : मीरा भाईंदर वसई विरार पोलीस आयुक्तालय झाल्यानंतर आयुक्तालय परिसरातील चोरी, घरफोडीच्या घटना कमी होतील अशी सर्वांची अपेक्षा होती. पण वसई, विरार, नालासोपारा परिसरात चोरी (Theft), घरफोडीच्या घटना दिवसेंदिवस वाढतच असताना पाहायला मिळत आहेत. वसईच्या अग्रवाल या उच्चभ्रू वस्ती (High Profile Society)त एकाच दिवसात आजूबाजूच्या 4 सोसायटीमध्ये दिवसाढवळ्या चोरी झाल्याचे समोर आले आहे. दोन चोरटे खुळलेआम मोटारसायकल वर आले. सोसायटीच्या एन्ट्रीबुकमध्ये 8 अंकी चुकीचा मोबाईल नंबर टाकून इन्ट्री केली आणि चोरी करून फरार (Absconding) झाले आहेत. ही घटना 23 मे रोजी घडली असून हा सर्व प्रकार सोसायटीतील cctv कॅमेऱ्यात कैद झाला आहे. हे cctv तपासल्यानंतर ही घटना उघड झाली आहे.

सोसायटीतील कॉमन टॉयलेटमधील नळ चोरले

वसई पश्चिमेला अग्रवाल हे उचभ्रू वस्तीचे कॉम्प्लेक्स आहे. या परिसरात सर्व व्यावसायिक, अधिकारी लोक राहतात. या सोसायटीमधील कॉमन टॉयलेटमधील नळही महागडे असतात. नेमकी हीच संधी साधून दोन चोरट्यांनी सोमवारी 23 मे रोजी मोटारसायकलवर येऊन, सुरक्षा रक्षकाला संशय येऊ नये यासाठी इन्ट्री बुकमध्ये चुकीचा 8 अंकी मोबाईल नंबर टाकून इन्ट्री केली आणि सोसायटीमधील कॉमन टॉयलेट मधील नळ चोरून बॅगमध्ये भरून फरार झाले आहेत.

अग्रवाल परीसरातील कैल हेरिटेज, इम्परेस टॉवर, किंग स्टोन टॉवर, जास्मिन बिल्डिंग, ओलिव बिल्डिंग या उच्चभ्रू सोसायटीतील कॉमन टॉयलेट मधील नळ आणि कॉक चोरी केले आहेत. याबाबत वसईच्या माणिकपूर पोलीस ठाण्यात गुन्हा दाखल झाला असून, cctv आधारे पोलीस चोरट्यांचा शोध घेत आहेत. वाढत्या चोरीच्या घटनांवरून आयुक्तालयातील पोलिसांनी आता दिवस रात्र गस्त वाढवून या चोरीच्या घटना कमी कराव्यात आणि नागरिकांना दिलासा द्यावा अशी मागणी ही नागरिक करत आहेत. (Theft in a high-rise building in Vasai, incident captured on CCTV, search for burglars begins)