रोहिणी खडसेंची पतीला वाचवण्यासाठी धडपड, शरद पवारांच्या भेटीला, प्रांजल खेवलकरच्या मोबाईलमध्ये आक्षेपार्ह चॅट आणि मुलींचे…

ज्येष्ठ नेते एकनाथ खडसे यांचे जावई आणि रोहिणी खडसे यांचे पती प्रांजल खेवलकरला पोलिसांनी रेव्ह पार्टी करताना रंगेहात पकडले आणि मोठी खळबळ उडाली. पुण्यातील खराडी भागात ही पार्टी सुरू होती आणि रूम देखील खेवलकरांच्या नावानेच बुक करण्यात आली. या पार्टीतील काही फोटो आणि व्हिडीओ देखील पुढे आले. धक्कादायक बाब म्हणजे पुरूषांसोबतच काही महिलांचा देखील या रेव्ह पार्टीत सहभाग होता. सध्या रेव्ह पार्टी प्रकरणी सात जण कोठडीत असून त्यांना पुणे कोर्टाने न्यायालयीन कोठडी सुनावली आहे.

रोहिणी खडसे पोहोचल्या शरद पवारांच्या भेटीला 

प्रांजल खेवलकरचा जामिनासाठीचा मार्ग मोकळा झाला आहे. हेच नाही तर कालच खेवलकरांच्या जामिनासाठी कोर्टात अर्ज दाखल केला जाईल, असे बोलले जात होते. कोर्टाने नाथाभाऊंच्या जावयासह 4 जणांना 14 दिवसांच्या न्यायालयीन कोठडीत पाठवले आहे. या पार्टीतून पोलिसांना कोकेन आणि गांजा मिळालाय. यासोबतच दारूच्या देखील पोलिसांनी पार्टीतून जप्त केली.

पती प्रांजल खेवलकर न्यायालयीन कोठडीत 

पती प्रांजल खेवलकर हा न्यायालयीन कोठडीत असताना आता रोहिणी खडसे या थेट शरद पवारांच्या भेटीसाठी पोहोचल्या आहेत. रेव्ह पार्टी प्रकरणात एकनाथ खडसे यांच्याकडून पुणे पोलिसांवरच गंभीर आरोप करण्यात आले. पुणे पोलिसांच्या विरोधात आपण कोर्टात जाणार असल्याचे त्यांनी म्हटले. पुणे पोलिस कोणाच्यातरी सांगण्यावरून काम करत असल्याचे त्यांनी स्पष्ट म्हटले. यादरम्यान आमदारर रोहित पवार यांनी देखील पुणे पोलिसांवर आरोप केली.

एकनाथ खडसेंचे पुणे पोलिसांवर गंभीर आरोप 

आता यादरम्यानच थेट रोहिणी खडसे या शरद पवारांच्या भेटीला पोहोचल्या आहेत. या भेटीमध्ये काय चर्चा होते, शरद पवार या सर्वांवर काही भाष्य करतात का? हे पाहणे देखील महत्वाचे ठरणार आहे. पुणे पोलिसांनी कोर्टात सांगितले की, आरोपी प्रांजल खेवलकर याच्या मोबाईलमध्ये आक्षेपार्ह चॅट आणि व्हिडीओ सापडली आहे. त्याने दुसऱ्या आरोपी मेसेज करून माल आण असे म्हटले आहे. यासोबतच मुलीचा व्हिडीओ शेअर करत असा माल पाहिजे असल्याचे म्हटले.