पुणे आहे की बिहार? हातात बिअरच्या बाटल्या घेत परप्रांतीय तरुणांचा डेक्कन परिसरात धिंगाणा
Pune: पुण्यातील डेक्कन पोलिसांनी दारूच्या नशेत भरधाव कारमधून स्टंटबाजी करणाऱ्या चौघांना अटक केली आहे. या तरुणांनी मध्यरात्री पुण्यातील रस्त्यावर धिंगाणा घातला होता.
शिक्षणाचे माहेर घर म्हणून ओळखल्या जाणाऱ्या आणि महाराष्ट्राची सांस्कृतिक राजधानी म्हणून लौकिक असणाऱ्या पुण्यात दिवसेंदिवस गुन्हेगारीच्या घटना वाढत चालल्या आहेतच. पुण्यात दररोज नवनवीन प्रकरणे समोर येत आहेत. आता परप्रांतीय तरुणांनी रात्रीच्या वेळी पुण्यातील रस्त्यावर धिंगाणा घालत्याचे समोर आले आहे. हातात बिअरच्या बाटल्या घेऊन भरधाव कारमधून स्टंटबाजी केल्याचे समोर आले आहे. पोलिसांनी स्टंट करणाऱ्या चार तरुणांना अटक केली आहे.
नेमकं काय घडलं?
पुण्यात दारूच्या नशेत तरुणांनी भरधाव कारमधून स्टंटबाजी करत धुमाकूळ घातल्याचा प्रकार समोर आला आहे. सेनापती बापट रोड, नळ स्टॉप आणि डेक्कन परिसरात तरुणांनी कारच्या काचा उघडून, हातात बिअरच्या बाटल्या घेत स्टंटबाजी केली. दारुच्या नशेत असलेल्या तरुणांनी आपले अर्धे शरीर गाडीच्या खिडकीच्या काचेतून अर्धे बाहेर काढले होते. तसेच गाडी स्पीडमध्ये जात असताना जोरजोरात आरडाओरड सुरु होती.
वाचा: रेवती सुळेंच्या रिसेप्शनमधी त्या तरुणाची चर्चा, PM मोंदीनी ऐकला शब्द अन् शब्द, तो आहे तरी कोण?
पोलिसांनी केली चौघांना अटक
तरुणांचा हा व्हिडिओ सोशल मीडियावर व्हायरल झाल्यानंतर डेक्कन पोलिसांनी चौघांना अटक केली. पोलिसांनी पहिले तरुणांच्या गाडीच्या नंबरप्लेट्स पाहिल्या. त्यावरुन शोध घेत डेक्कन पोलिसांनी चार आरोपींना अटक केली. या चारही जणांविरोधात पोलिसांनी गुन्हा दाखल केला आहे. पोलिसांनी दिलेल्या माहितीनुसार, हे तरुण हरियाणातून पुण्यात मित्रांना भेटण्यासाठी आले होते. पार्टी केल्यानंतर नशेत हा प्रकार केल्याची माहिती समोर आली आहे.
सोशल मीडियावर या तरुणांचा व्हिडीओ व्हायरल होताच अनेकांनी सुरक्षेबाबत प्रश्न उपस्थित केले आहेत. काहींनी तर हा महाराष्ट्र आहे बिहार नाही असा धिंगाणा इथे चालणार नाही असे देखील म्हटले आहे. तर दुसरीकडे पोलिसांनी केलेल्या कारवाईचे देखील कौतुक होत आहे. अनेकांनी पोलिसांनी तातडीने आरोपींना अटक केल्यामुळे कौतुक केले आहे.
