Pune Moot Court : तब्बल दोन वर्षांनंतर पुण्यात भरली ‘मूट कोर्ट’ राज्यस्तरीय स्पर्धा, 25 संघ सहभागी
तब्बल दोन वर्षानंतर ‘मूट कोर्ट’ (Moot Court) राज्यस्तरीय स्पर्धा (State-level competition) रविवारी शहरातील श्री शिवाजी मराठा सोसायटीच्या विधी महाविद्यालयात (Shri Shivaji Maratha Society’s Law College) पार पडली.
पुणे : तब्बल दोन वर्षानंतर ‘मूट कोर्ट’ (Moot Court) राज्यस्तरीय स्पर्धा (State-level competition) रविवारी शहरातील श्री शिवाजी मराठा सोसायटीच्या विधी महाविद्यालयात (Shri Shivaji Maratha Society’s Law College) पार पडली. दिवसभर चाललेल्या या स्पर्धेत राज्यभरातील विविध विधी महाविद्यालयातील 500हून अधिक विद्यार्थ्यांचा समावेश असलेल्या 25 संघांनी भाग घेतला आणि ‘कोपर्डी बलात्कार आणि खून प्रकरण’बाबत युक्तिवाद केला. या कार्यक्रमाला मुंबई उच्च न्यायालयाचे न्यायमूर्ती प्रसन्न वराळे यांची प्रमुख उपस्थिती होती. तर पुणे जिल्हा न्यायालयाचे प्रमुख जिल्हा व सत्र न्यायाधीश संजय देशमुख आणि एसएसएमएसएलसीचे (SSMSLC) प्रभारी प्राचार्य विश्वनाथ पाटील उपस्थित होते. लॉ कॉलेजच्या इमारतीत तीन वेगवेगळ्या मूट कोर्टात ही स्पर्धा आयोजित करण्यात आली होती, ज्यामध्ये केसच्या सुनावणीसाठी दोन पॅनेल न्यायाधीश होते.
‘आमच्यासाठी हा शिकण्याचा अनुभव होता’
ही आमची तिसरी राज्यस्तरीय स्पर्धा असून विविध विधी महाविद्यालयातील विद्यार्थी सहभागी झाले होते. आम्ही पुणे जिल्हा न्यायालयातील न्यायाधीशांना आमंत्रित केले होते, जेणेकरून विद्यार्थ्यांना एक्सपोजर मिळावे, असे एसएसएमएसएलसीचे (SSMSLC) प्रभारी प्राचार्य विश्वनाथ पाटील म्हणाले. कायद्याचे द्वितीय वर्षाचे विद्यार्थी शैलेश क्षीरसागर म्हणाले, “आमच्यासाठी हा खूप चांगला शिकण्याचा अनुभव होता.”
