Pune CCTV | कारला धडकून लक्झरी बस पलटी, हॉटेलमध्ये घुसून 25 प्रवासी जखमी, पुण्यातील अपघाताची भीषण दृश्यं

लक्झरी बस ही पुण्याकडून नगरच्या दिशेने जात होती. यावेळी स्विफ्ट कार चालकाच्या चुकीमुळे अपघात झाल्याचा दावा केला जात आहे. बस महामार्गावर पलटी होऊन थेट हॉटेलमध्ये जाऊन घुसली.

पुण्यातील अपघाताची दृश्यं सीसीटीव्हीत कैदImage Credit source: टीव्ही9

Reporter Ashwini Satav Doke | Edited By: Anish Bendre | Updated on: Apr 11, 2022 | 9:34 AM

पुणे : पुणे-अहमदनगर महामार्गावर (Pune Ahmednagar Highway) लक्झरी बस आणि स्विफ्ट कार यांचा भीषण अपघात झाला होता. या अपघाताची भयावह दृश्यं सीसीटीव्ही कॅमेरामध्ये (CCTV Camera) कैद झाली आहेत. शिक्रापूर येथे मध्यरात्रीच्या सुमारास दोन वाहनांचा (Bus and Car Accident) अपघात झाला होता. अपघातात कार चालकाचा जागीच मृत्यू झाला, तर बसमधील पंचवीस प्रवासी किरकोळ जखमी झाले आहेत. लक्झरी बस आणि स्विफ्ट कार यांच्यात जोरदार धडक होऊन हा भीषण अपघात झाला आहे. बस महामार्गावर पलटी होऊन थेट हॉटेलमध्ये जाऊन घुसली.

नेमकं काय घडलं?

लक्झरी बस ही पुण्याकडून नगरच्या दिशेने जात होती. यावेळी स्विफ्ट कार चालकाच्या चुकीमुळे अपघात झाल्याचा दावा केला जात आहे. बस महामार्गावर पलटी होऊन थेट हॉटेलमध्ये जाऊन घुसली.

कार चालकाचा जागीच मृत्यू

अपघातात बस चालक, क्लिनर यांच्यासह पंचवीस प्रवासी जखमी झाले आहेत. तर स्विफ्ट चालक विशाल सासवडे याचा या अपघातात जागीच मृत्यू झाला आहे. अपघाताचा हा सर्व थरार हॉटेलमधील सीसीटीव्ही कॅमेरात चित्रित झाला आहे.

पाहा व्हिडीओ :

Pune CCTV | कारला धडकून लक्झरी बस पलटी, हॉटेलमध्ये घुसून 25 प्रवासी जखमी, पुण्यातील अपघाताची भीषण दृश्यं #Pune #Accident pic.twitter.com/ZyFHqLeTA3

— TV9 Marathi (@TV9Marathi) April 11, 2022