व्हॅलेंटाइन डेच्या दिवशी प्रियंकाने शेअर कधीही न पाहिलेला Video, पाहून चाहत्यांनी केला कमेंट्सचा वर्षाव
बॉलिवूड अभिनेत्री प्रियंका चोप्राने व्हॅलेंटाइन डे निमित्त एक कधीही न पाहिलेला निक आणि तिचा व्हिडीओ शेअर केला आहे. जो पाहून चाहत्यांनी केलाय कमेंट्सचा वर्षाव.
Priyanka Chopra : व्हॅलेंटाइन डेच्या निमित्ताने अनेक सेलिब्रिटींनी आपल्या खास दिवसाच्या आठवणी सोशल मीडियावर शेअर केल्या. मात्र ‘देसी गर्ल’ प्रियंका चोप्रा हिने यंदा चाहत्यांना एक खास सरप्राइज दिलं. तिने आपल्या लग्नाचा एक कधीही न पाहिलेला व्हिडिओ शेअर करत पती निक जोनसला ‘माझा फॉरएव्हर व्हॅलेंटाइन’ असं संबोधलं.
इन्स्टाग्रामवर रोमँटिक कॅप्शनसह अभिनेत्री प्रियंका चोप्राने शेअर केलेल्या या व्हिडिओमध्ये प्रियंका आणि निक यांच्या लग्नातील सुंदर क्षण पाहायला मिळत आहे. या व्हिडीओमध्ये त्यांच्या हिंदू आणि ख्रिश्चन पद्धतीने झालेल्या विवाहसोहळ्याची झलक दिसते आहे. प्रियंका एका बाजूला पांढऱ्या गाऊनमध्ये तर दुसऱ्या बाजूला पारंपरिक लाल लेहंग्यात अत्यंत देखणी दिसत आहे. निक जोनसही भावुक झाल्याचे क्षण या व्हिडिओमध्ये टिपले गेले आहेत. हा व्हिडिओ सोशल मीडियावर प्रचंड व्हायरल झाला असून चाहत्यांनी हार्ट आणि फायर इमोजींचा वर्षाव केला आहे.
2018 मधील शाही विवाह
डिसेंबर 2018 मध्ये प्रियंका चोप्राने निक जोनससोबत लग्नगाठ बांधली. दोघांनी हिंदू तसेच पाश्चात्य पद्धतीने विवाह केला होता. त्यांच्या विवाहसोहळ्याची चर्चा देश-विदेशात झाली होती. या दाम्पत्याला ‘मालती मेरी चोप्रा जोनस’ नावाची मुलगी आहे. तिचा जन्म सरोगसीच्या माध्यमातून झाला आहे. अनेकदा प्रियंका आणि निक आपल्या लेकीसोबतचे गोड क्षण सोशल मीडियावर शेअर करताना दिसतात.
कामाच्या बाबतीतही प्रियंका सध्या खूप व्यस्त आहे. तिच्या आगामी ‘वाराणसी’ या चित्रपटाची चर्चा रंगली आहे. हा चित्रपट एस एस राजामौली दिग्दर्शित करत आहेत. ज्यांनी RRR आणि बाहुबली सारखे ब्लॉकबस्टर चित्रपट दिले आहेत. या चित्रपटात महेश बाबू आणि पृथ्वीराज सुकुमारन महत्त्वाच्या भूमिकेत दिसणार आहेत. हा चित्रपट 2027 मध्ये प्रदर्शित होणार आहे. याशिवाय, 25 फेब्रुवारी रोजी प्रियंका चोप्राचा The Bluff हा प्रकल्प ओटीटी प्लॅटफॉर्मवर प्रदर्शित होण्यासाठी सज्ज आहे.
View this post on Instagram
व्हॅलेंटाइन डेच्या निमित्ताने शेअर केलेल्या या खास व्हिडिओमुळे प्रियंका आणि निकच्या प्रेमकहाणीची पुन्हा एकदा चर्चा रंगली असून चाहत्यांनी त्यांच्यावर प्रेमाचा वर्षाव केला आहे.
