Pune : रस्त्याच्या कडेला असलेलं अर्धवट जळालेलं झाड अंगावर पडलं; पुण्याच्या सासवडमध्ये जोडप्यासह सात वर्षाच्या चिमुकलीचा मृत्यू

याच दुचाकीवरून जात होते जाधव दाम्पत्य

Image Credit source: tv9

पुणे : रस्त्याच्या कडेला असणारे वडाचे झाड अंगावर पडल्याने, दुचाकीवरील जोडप्याचा आणि त्यांच्यासोबत असणाऱ्या सात वर्षाच्या एका लहान मुलीचा मृत्यू (Dead) झाला आहे. पुरंदर तालुक्यातील वीर सासवड मार्गांवर ही दुर्दैवी घटना घडली. रेणुकेश जाधव आणि त्यांची पत्नी सारिका जाधव असे मृत्यूमुखी पडलेल्या जोडप्याचे नाव आहे. तर त्यांची 7 वर्षाची भाची ईश्वरी हिचासुद्धा यात दुर्दैवी मृत्यू झाला आहे. रेणुकेश आणि सारिका यांचा 4 महिन्यांपूर्वीच विवाह (Wedding) झाला होता, या घटनेमुळे सर्वत्र हळहळ व्यक्त होत आहे. रेणुकेश आणि सारिका हे दोघेही 7 वर्षाच्या भाचीसह, सासवडवरून (Saswad) वीरच्या दिशेने परिंचे या गावी दुचाकीवरून जात होते. शुक्रवारी संध्याकाळच्या सुमारास वादळासह पावसाला सुरुवात झाली. यावेळी त्यांना समोरचे व्यवस्थित दिसतही नव्हते.

रेणुकेश जाधव आणि सारिका जाधव

जागीच मृत्यू

पावसादरम्यान पिंपळे गावाच्या हद्दीत रस्त्याशेजारी असणारे अर्धवट झळालेले वडाचे झाड रेणुकेश यांच्या दुचाकीवर पडले. यात रेणुकेश आणि सारिका यांचा जागीच मृत्यू झाला. तर त्यांची सात वर्षाची भाची ईश्वरी ही गंभीर जखमी झाली होती, तिला पुढील उपचारासाठी पुण्यात हलविण्यात आले, मात्र उपचारादरम्यान तिचाही दुर्दैवी मृत्यू झाला.

आणखी वाचा :

Supriya Sule : किती हल्ले झाले, मात्र मुख्यमंत्र्यांनी शब्दही काढला नाही, त्यांच्या सुसंस्कृतपणाचा अभिमान; सुप्रिया सुळेंकडून कौतुक

CCTV : लेडिज वेअरमधून हजारोंच्या मालावर चोरट्यानं केला हात साफ; पुण्याच्या तळेगाव दाभाडेतली चोरी सीसीटीव्हीत कैद

Pune Rain: बिन मौसम बरसात! पश्चिम महाराष्ट्रातील बहुतांश जिल्ह्यात मुसळधार! अनेक ठिकाणी बत्ती गुल, पुण्यापासून कोल्हापूरपर्यंत कुठे कुठे हजेरी? वाचा