मी थांबणार नाही, कुणाच्याही… संजय निरुपम यांचेही थेट आव्हान; कुणाकडे रोख

1 मे पासून रिक्षा आणि टॅक्सी चालकांसाठी मराठी भाषा सक्तीची करण्याचा निर्णय घेण्यात आला आहे. त्यामुळे मुंबईतील अमराठी रिक्षा आणि टॅक्सीचालक संतापले आहेत. शिवसेना नेते संजय निरुपम यांनी या निर्णयाला विरोध केला. काही नेते या निर्णयाच्या समर्थनार्थ मैदानात उतरले आहेत. यावर राज्याचे मुख्यमंत्री देवेंद्र फडणवीस यांनीही भूमिका घेतली. यावरून वाद नको, असल्याचे देवेंद्र फडणवीसांनी म्हटले. यादरम्यानच संजय निरुपम यांनी काल झालेल्या राड्यावर मोठे विधान केले. रिक्षाचालकांना मराठी सक्तीचा विरोध करताना संजय निरुपम दिसले. संजय निरुपम यांनी म्हटले की, रिक्षाचालक आणि टॅक्सी चालकांना 1 मेपासून मराठी सक्ती केली जाणार आहे. त्यांची एक टेस्ट होईल मराठी भाषेवर. जर ती टेस्ट ते नापास झाले तर त्यांचे परमिट रद्द होईल.

माझा विरोध फक्त इतकाच आहे की, कोणाचेही रोजी रोटी धंदा तुम्ही हिस्साहून घेऊ नका. कारण असे आहे की, ते सर्व गरीब आहेत, कमजोर आहेत. दिवसरात्र ते रिक्षा चालून टॅक्सी चालून उदरनिर्वाह करतात. हा विषय मी मंत्री महोदयांपुढे ठेवला, त्यांनी सांगितले की, आम्ही पुढच्या आठवड्यात बसणार. त्यापूर्वी मी विचार केला की, त्यांना जाऊन सांगितले पाहिजे की, आम्ही तुमच्यासोबत आहोत.

पूर्ण शासन तुमच्यासोबत आहे. मात्र, ज्याप्रकारे माझ्याविरोधात नारे लावले, शिवीगाळ केला… मी पण शिवीगाळ करू शकतो.. पण मला शिवसेना आणि मनसेमध्ये वाद पेटवायचा नाही. शेवटी आम्ही शिवसेना प्रमुख बाळासाहेब ठाकरे यांच्या विचारांची बांधिलकी ठेवणारे लोक आहोत. त्यांचा पक्ष आहे किंवा आमचा पक्ष आहे, उबाठा आहे. बाळासाहेबांचा काय विचार होता, मराठी लोकांसाठी.

मराठी लोकांसाठी लढले पाहिजे, आम्ही पण लढतो. मराठी लोकांसाठी लढतो. मराठी भाषेसाठी काम करतो. त्यामुळे मला त्यांच्याविरोधात काहीही बोलायचे नाही. पण मला या विषयाला पुढे घेऊन जायचे नाही. जे गोरगरीब लोक आहेत, त्यांच्याबरोबर राहणारा माणूस आहे. मी करणार… त्यांना वाटले असेल की, ते माझ्याविरोधात आले.. नारे वगैरे लावले. पण मी थांबणार नाही.. मी थांबणारा माणूस नाही.. मी लढणारा माणूस आहे.