मेंढपाळाला सापडलेली 147 तांब्याची नाणी साताऱ्यातील शिवाजी महाराज संग्रहालयाकडे सुपूर्द

पुणे पुरातत्व विभागाकडून साताऱ्यातील छत्रपती शिवाजी महाराज संग्रहालयाला नाणी सुपूर्द

Image Credit source: tv9 mahadev

साताराः पुण्याच्या पुरातत्व विभागाकडून (Archaeological Department, Pune) सातारा येथील छत्रपती शिवाजी महाराज संग्रहालयाला (Chhatrapati Shivaji Maharaj Museum Satara) सुपूर्द करण्यात आली. या संग्रहालयाचे प्रमुख प्रविण शिंदे यांनी ती स्वीकारली असून नवीन संग्रहालयात ती प्रदर्शित केली जाणार असल्याचेही त्यांनी सांगितले. यावेळी त्यांनी सांगितले की, सध्याच्या बाजारभावानुसार या नाण्यांची किंमत लाखो रुपये आहे. त्यामुळे ही नाणी नागरिकांसाठी प्रदर्शित केली जाणार असल्याचेही त्यांनी सांगितले. सापडलेल्या या नाण्यामध्ये शिवराई नाणी (Coins of the Shiva period), अकबर नाणी, बहामणी सुलतान नाणी, निजाम शाही नाणी, ईस्ट इंडिया कंपनीची नाणी यांचा समावेश आहे.

ही नाणी सापडल्यामुळे एका काळातील चलन कसे होते, आणि काय होते त्याची माहिती लोकांना मिळणार आहे. ही नाणी इतिहास संशोधक, अभ्यासकांसाठी उपयोगी ठरणार असल्याचेही संस्थेतील अधिकाऱ्यांनी सांगितले.

सुयश रोकडेला मिळाली नाणी

सातारा येथील छत्रपती शिवाजी संग्रहलयात शिवकालीन अकबर कालिन147 तांब्याची नाणी पुण्याच्या पुरातत्व विभागाकडून सातारा येथील छत्रपती शिवाजी महाराज संग्रहालयाचे प्रमुख प्रवीण शिंदे यांच्याकडे सुपूर्द करण्यात आली. ही नाणी मौजे विऱ्हम (ता. खेड, जि. पूणे) येथे 4 जानेवारी रोजी सुयश रोकडे हा मुलगा रोहिदास सावंत यांच्या शेतात शेळ्या चारण्यास घेऊन गेला होता. शेतामध्ये सापडली असून ती तहसिलदार खेड यांनी जप्त करून पुढील संशोधनासाठी सहायक संचालक पुरातत्व विभाग पुणे यांच्याकडे दिली होती.

ईस्ट इंडिया कंपनीची नाणी

ही नाणी 16 व्या आणि 18 व्या शतकातील असून यामध्ये शिवराई नाणी, अकबर नाणी, बहामणी सुलतान नाणी, निजाम शाही नाणी, ईस्ट इंडिया कंपनीची नाणी यांचा समावेश असून त्याचे वजन साधारण अडीच किलो ग्रॅम आहे. त्याची सध्याच्या बाजार भावात लाखोंची किंमत होत आहे. ही नाणी नवीन संग्रहालयमध्ये प्रदर्शित केली जाणार असल्याचे छत्रपती शिवाजी महाराज संग्रहालयाचे प्रमुख प्रवीण शिंदे यांनी सांगितले.

नाण्यांमुळे संस्थेकडे अमूल्य देणगी

ही नाणी सापडली असल्याने याचा फायदा इतिहास संशोधक आणि अभ्यासकांनाही होणार आहे. ही नाणी प्रदर्शनासाठी ठेवण्यात येणार असून त्याद्वारे एका कालखंडाचा इतिहास उलघडणार आहे. या संस्थेकडे ही नाणी सूपूर्द करण्यात आली असल्याने संस्थेकडेही ही अमूल्य देणगी असल्याचे मतही व्यक्त केले गेले आहे.