त्या लाल वायरवर पाय पडला अन्.. मुंबईच्या महागणपतीच्या मंडपासमोर रात्री दोन वाजता भयंकर घडलं..

Lalbaug Kalachowki Mahaganpati

मुंबईच्या काळाचौकी येथील महागणपती येथे 6 जणांना विद्युत शॉक लागल्याची धक्कादायक माहिती पुढे आली. ज्यानंतर एकच खळबळ उडाली. लालबाग परिसरात भाविकांची मोठी गर्दी असतानाच ही घटना घडली. काळाचौकीच्या महागणपती येथे रात्री उशिरा जवळपास 2 च्या सुमारास ही घटना घडली. माहिती मिळताच घटनास्थळी अग्रिशमन दलाने धाव घेतली. एकूण 6 जणांना मसीना रुग्णालयात उपचारासाठी दाखल करण्यात आले. त्यात 2 मुलं आणि 3 मुली यांचा समावेश आहे. एका महिलेचाही समावेश आहे. सध्या मसीनामध्ये 4 रुग्ण आयसीयूमध्ये भर्ती असून त्यांच्यावर उपचार सुरू आहे. या घटनेमुळे नागरिकांमध्ये भीतीचे वातावरण बघायला मिळत आहे. या घटनेत जीव जाणाऱ्यांचा आकडा 2 वर गेला. 4 जणांवर मासिना रुग्णालयात आयसीयूमध्ये उपचार सुरू आहेत. ही घटना नक्की कशी घडली, याचा तपास पोलिसांकडून केला जात आहे.

महागणतीच्या मंडपा पुढे एक कोल्ड्रिंक्सचा स्टॉल उभारण्यात आला होता. याच स्टॉलसाठी वीजेचे कनेक्शन देण्यात आले. लाल रंगाची वायर सोडण्यात आली. याच वायरवर या सहा जणांचा पाय पडला आणि त्यांना वीजेचा झटका बसला. 2 जणांचा जीव यात गेला असून अजून 12 वर्षाच्या रूही सिंहची हिची तब्येत चिंताजनक आहे. बाकी चार जणांवर उपचार सुरू आहे.

या घटनेनंतर बेस्टचे अधिकारी घटनास्थळी दाखल झाले. पोलिसांकडूनही तपास केला जात आहे. बेस्टच्या अधिकाऱ्यांनी घटनास्थळी दाखल होत मीटर पुरवठा खंडीत केल्याची माहिती मिळतंय. रागिणी यादव वय 8 जीव गेला, सुजाता वय वर्ष 33 यांचा जीव गेला, रुही सिंग वय 12 प्रकृती गंभीर, किरण नाईक वय 19 प्रकृती स्थिर, साहिल तरे वय 19, तन्वी हांडे वय 19 प्रकृती स्थिर सध्या यांच्यावर उपचार सुरू आहेत.

एका निष्काळजीपणामुळे दोन जणांचा जीव गेला. यासोबतच नातेवाईकांकडून गणपती मंडळावरही गंभीर आरोप करण्यात आली. रात्री दोन वाजता गणपती पाहण्यासाठी आम्ही रांगेत असताना ही घटना घडल्याचे उपस्थितांनी सांगितले. काळाचौकीचा गणपती मंडळाने हा लाईट लावताना सुरक्षेची काळजी घेतली नव्हती, असा आरोप आता नातेवाईकांकडून केला जात आहे. पोलिसांकडून या प्रकरणात तपास केला जात आहे.