अभिजीत दिपके यांचा पुन्हा एकदा दणका, कॉकरोच जनता पार्टीचा मोठा विजय, थेट कौन्सिल..

अभिजीत दिपके यांच्या कॉकरोच जनता पार्टीने मोठे आंदोलन उभे केले. अभिजीत दिपके जंतर मंतरवर आंदोलनाला बसले होते. नीट पेपरफुटीत धर्मेंद्र प्रधान यांच्या राजीनाम्यासाठी हे आंदोलन सुरू होते. अखेर सरकारला झुकावे लागले आणि धर्मेंद्र प्रधान यांचा राजीनामा घ्यावा लागला. छत्रपती संभाजीनगर येथे झालेल्या बैठकीत कॉकरोच जनता पार्टीची पुढची भूमिका ठरली. विद्यार्थ्यांच्या प्रश्नांवर ते लढा कायम ठेवणार आहेत. सध्या काही राजकीय निर्णय घेणार नसल्याचेही यादरम्यान त्यांनी स्पष्ट केले. यादरम्यानच आता अभिजीत दिपके यांनी मोठे विधान केले. अभिजीत दिपके यांनी म्हटले की, ग्रामीण भागातील शाळांमधील सुविधांमध्ये सुधारणा झाली पाहिजे. ग्रामीण भागातील विद्यार्थ्यांना सुविधा नाहीत. मला खूप सारे व्हिडीओ येतात, विद्यार्थ्यांना दररोज सात सात किलोमीटरचा प्रवास करून शाळेत जावे लागते.

NALSAR युनिव्हर्सिटी ऑफ लॉच्या दीक्षांत समारंभासाठी भारताचे सरन्यायाधीश सूर्यकांत यांना निमंत्रित करण्यात आल्याने मोठा वाद निर्माण झाला. विद्यार्थी याविरोधात उपोषणाला बसले. त्याविद्यार्थ्यांवर कारवाई करत वकील म्हणून नोंदणीपासून रोखण्याबाबतचा आदेश बार कौन्सिल ऑफ इंडियाने घेतले होते. मात्र, त्यानंतर कॉकरोच जनता पार्टीने आंदोलन करण्याचे सांगितल्यानंतर त्यांनी हा निर्णय मागे घेतल्याचे अभिजीत दिपके यांनी सांगितले.

मोठा विजय सीजेपीचा झाला आणि विद्यार्थ्यांवरील कारवाईचा निर्णय एका तासात मागे घेण्यात आला. त्यांची तानाशाही सुरू होती. मात्र, आंदोलनाचा इशारा देण्यात आल्यानंतर त्यांनी तो निर्णय मागे घेतला. यांची ताणाशाही कोणीही सहन करणार नाही, हे पुन्हा एकदा सिद्ध करून दाखवण्यात आले. एका तासात त्यांना हा निर्णय मागे घ्यावा लागला. त्यावरून मला आता वाटते की, सरकार आता कुठे ना कुठे समजायला लागली आहे की, ही तानाशाही आता कुठे ना कुठे चालणार नाही.

सरकार हुकुमशाहा पण जनता सहन करणार नाही. यासोबत दिल्लीत सीजेपीला कोणीही हॉल देत नसल्याचेही अभिजीत दिपके यांनी म्हटले. त्यांना तश्या धमक्या दिल्या जात आहेत. अभिजीत दिपके सोशल मीडियावर सक्रिय असून त्यांच्याकडून सतत पोस्ट शेअर केल्या जात आहेत. अभिजीत दिपके यांनी पुन्हा एकदा सरकावर जोरदार टीका केली.