Milk Rate : दूध महागलं! अमूल दूधचा तातडीचा मोठा निर्णय, आता एक बॅग मिळणार…
मिळालेल्या माहितीनुसार अमूल दूधामध्ये प्रति लीटर दोन रुपयांची वाढ करण्यात आली आहे. ही भाववाढ संपूर्ण देशासाठी लागू असेल. येत्या 14 मे रोजीपासून ही भाववाढ लागू होईल. गेल्या काही दिवसांपासून पशूखाद्य महागले आहे.
Milk Price Increased : इराण आणि अमेरिका यांच्यातील युद्धामुळे संपूर्ण जग होरपळत आहे. भारतात तर इंधनवाढीचा फटका बसत आहे. अशीच स्थिती कायम राहिली तर लवकरच लवकरच पेट्रोल आणि डिझेलचा भाव वाढवावा लागणार आहे. त्याचा फटका सामान्यांना बसणार आहे. भारतात फक्त इंधनच नव्हे तर खाद्यपदार्थ, सोनं महागलं आहे. उद्योग, व्यापार अशा सर्वच क्षेत्रात उत्पादन खर्च वाढला आहे. त्यामुळे अनेक वस्तू महाग होत आहेत. असे असतानाच आता सामान्यांच्या खिशाला आणखी झळ बसणार आहे. कारण अमूल दूधच्या किमतीत वाढ करण्यात आली आहे. विशेष म्हणजे ही भाववाढ संपूर्ण देशात लागू असणार आहे. तसा निर्णय घेण्यात आला आहे.
दूधाचा भाव किती वाढला?
मिळालेल्या माहितीनुसार अमूल दूधामध्ये प्रति लीटर दोन रुपयांची वाढ करण्यात आली आहे. ही भाववाढ संपूर्ण देशासाठी लागू असेल. येत्या 14 मे रोजीपासून ही भाववाढ लागू होईल. गेल्या काही दिवसांपासून पशूखाद्य महागले आहे. त्यामुळे एकंदरित दूध उत्पादनाचा खर्चही वाढला आहे. त्यामुळेच ही भाववाढ करण्यात आली आहे. पशूखाद्य आणि पॅकेजिंगचा खर्च वाढला आहे. त्यामुळे दूधाच्या किमतीत वाढ करावी लागत आहे, असे अमूल कंपनीने सांगितले आहे. शेतकऱ्यांचे नुकसान टाळण्यासाठी हा निर्णय घेण्यात आल्याचेही सांगण्यात आले आहे.
आता कोणते दूध किती रुपयांना मिळणार?
अमूल गोल्ड (फुल क्रीम) आता 35 (500 मिली) आणि 670 प्रति लिटर दराने उपलब्ध होईल. अमूल ताझा (टोन्ड) दूध 30 (500 मिली) आणि 58 रुपये प्रति लिटर दराने मिळेल. अमूल गाईचे दूध 31 रुपये (500 मिली) दराने विकण्यात येईल. अमूल म्हशीचे दूध 38 दराने उपलब्ध असेल. दरम्यान, शासकीय समिती GCMMF नुसार दूधाचा वाढलेला हा भाव दूधाच्या प्रमुख पॅकेट्सवर लागू असेल. ही भाववाढ प्रती लीटर 2.5 ते 3.5 टक्के आहे. दूधाचे उत्पादन, संकलन, वाहतूक, पॅकेजिंग अशा सर्वच बाबतीत खर्च वाढल्याने हा निर्णय घेण्यात आला आहे.
