बिहार, हैदराबादेतील कामगिरीनंतर भाजपला राजस्थानमध्ये झटका, स्थानिक निवडणुकीत काँग्रेसचीच बाजी

राजस्थानमध्ये भाजपला मोठा झटका बसला आहे. राजस्थानच्या 20 जिल्ह्यातील 90 नागपालिका निवडणुकीत काँग्रेसला मोठा विजय मिळाला आहे.

बिहार, हैदराबादेतील कामगिरीनंतर भाजपला राजस्थानमध्ये झटका, स्थानिक निवडणुकीत काँग्रेसचीच बाजी
Ashok Gehlot and Sachin Pilot
Follow us
| Updated on: Jan 31, 2021 | 9:29 PM

नवी दिल्ली : बिहार विधानसभा निवडणुकीतील दणदणीत विजय आणि हैदराबादच्या स्थानिक निवडणुकीतील दमदार कामगिरीनंतर राजस्थानमध्ये मात्र भाजपला मोठा झटका बसला आहे. राजस्थानच्या 20 जिल्ह्यातील 90 नागपालिका निवडणुकीत काँग्रेसला मोठा विजय मिळाला आहे. मतदानाची टक्केवारी आणि विजयी उमेदवारांच्या संख्येतही काँग्रेस भाजपच्या खूप पुढे असल्याचा दावा काँग्रेसकडून करण्यात आला आहे. या निवडणूक निकालानंतर राजस्थानमध्ये मोठा जल्लोष पाहायला मिळत आहे.(Big victory of Congress in local elections in Rajasthan)

मुख्यमंत्री अशोक गेहलोत यांचं ट्वीट

‘काँग्रेस पक्षाचे सर्व विजयी उमेदवारांचं अभिनंदन, मतदारांचे आभार, काँग्रेस कार्यकर्ते, नेत्यांचे त्यांनी घेतलेल्या परिश्रमासाठी धन्यवाद आणि विजयाच्या शुभेच्छा’, असं ट्वीट मुख्यमंत्री अशोक गेहलोत यांनी केलं आहे. या निवडणुकीत काँग्रेसनं 1 हजार 197 वार्डात विजय मिळवला आहे. तर भाजपला 1 हजार 140 जागांवर विजय मिळाला आहे. निवडणूक निकालात दोन्ही पक्षांमध्ये मोठी टक्कर पाहायला मिळाली.

सचिन पायलट यांच्याकडून शुभेच्छा आणि आभार

अशोक गेहलोत यांच्यासह काँग्रेस नेते आणि माजी उपमुख्यमंत्री सचिन पायलट यांनीही विजयाबद्दल काँग्रेस कार्यकर्त्यांचं अभिनंदन केलं आहे. ‘राज्यात झालेल्या नगरपालिका निवडणुकीत विजय मिळवणाऱ्या समस्त काँग्रेस उमेदवारांचं हार्दिक अभिनंदन आणि निवडणुकीत प्रचंड परिश्रम घेणाऱ्या कार्यकर्त्यांचे धन्यवाद. काँग्रेस उमेदवारांना मोठ्या प्रमाणात समर्थन दिलेल्या मतदारांचेही आभारट, असं ट्वीट सचिन पायलट यांनी केलं आहे.

निवडणूक आयोगाकडून मिळालेल्या माहितीनुसार, 90 नगरपालिका निवडणुकीत एकूण 3 हजार 35 वार्डांपैकी 3 हजार 34 वार्डाचे निकाल जाहीर झाले आहेत. त्यात काँग्रेसला 1 हजार 197 तर भाजपला 1 हजार 140 जागांवर विजय मिळाला आहे. तर 634 वार्डात अपक्ष उमेदवारांचा विजय झाला आहे. 46 वॉर्डात राष्ट्रवादी काँग्रेस, 13 वॉर्डात आरएलपी, 3 वॉर्डात सीपीआय (एम) आणि एक उमेदवार बहुजन समाज पक्षाचा निवडून आला आहे.

राजस्थानमधील 20 जिल्ह्यांमध्ये त्यात अजमेर, बांसवाड़ा, बीकानेर, भीलवाड़ा, बूंदी, प्रतापगढ़, चित्तौड़गढ़, चूरू, डूंगरपुर, हनुमानगढ़, जैसलमेर, जालौर, झालावाड़, झुंझुनूं, नागौर, पाली, राजसमंद, सीकर, टोंक और उदयपूर मधील 90 नगरपालिका आणि नगपरिषदांसाठी गुरुवारी मतदान पार पडलं होतं. या निवडणुकीत एकूण 9 हजार 930 उमेदवार रिंगणात होते.

संबंधित बातम्या : 

राहुल गांधींना पुन्हा पक्षाध्यक्ष करा, दिल्ली काँग्रेसकडून प्रस्ताव मंजूर

‘राहुल गांधींची देश तोडण्याची भाषा, पोलिसांप्रती सहानुभूतीचा एक शब्दही नाही’, स्मृती इराणी भडकल्या

Big victory of Congress in local elections in Rajasthan

Non Stop LIVE Update
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.
शिंदेंची पत्रकार परिषद, लोकसभा उमेदवारांची घोषणा? संभाव्य यादीत कोण?
शिंदेंची पत्रकार परिषद, लोकसभा उमेदवारांची घोषणा? संभाव्य यादीत कोण?.