CJP Jantar Mantar Protest LIVE : दिल्लीत Action सुरु, आंदोलकांची धरपकड

दिल्ली पोलिसांनी जंतर-मंतरवर सीजेपीला आंदोलनाची परवानगी दिलेली नाही. तिथे आलेल्या आंदोलकांना पोलिसांना ताब्यात घेतलं आहे.

#WATCH | Delhi Police detain a few protesters who had started gathering at Jantar Mantar for the Cockroach Janta Party (CJP) protest here. https://t.co/QqZtF4Jswd

— ANI (@ANI) October 10, 2026

ज्ञानेश कुमारचा राजीनामा होईल की नाही ते सरकारवर अवलंबून आहे. 13 कोटी मतदार त्याने डिलिट केले. सुप्रीम कोर्टाने फॉर्म 6 मध्ये सुधारणा करण्याची परवानगी दिली नव्हती. ज्ञानेश कुमारने हे सर्व कोणाच्या परवानगीने केलं असा सवाल अभिजीत दीपके यांनी विचारला.

“मी तर जंतर-मंतरवर जाणार आहे. तुम्हाला मला रोखायचं असेल तर अडवा. UAPA जी कुठली कलमं लावायची आहेत ती लावा. आर्टिकल 19 ने मला आंदोलनाचा अधिकार दिला आहे” असं अभिजीत दीपके म्हणाले.

एक गोष्ट स्पष्ट झाली आहे नरेंद्र मोदी देशातल्या जनतेसोबत दुश्मनासारखे वागत आहेत. मेट्रो, रेल्वे कशासाठी बंद करताय तुम्ही. तुम्ही देशातल्या लोकांविरोधात युद्ध छेडणार आहात का?. ज्ञानेश कुमारमध्ये असं काय आहे? ज्ञानेश कुमारला वाचवण्यासाठी एवढं का करताय? ज्ञानेश कुमारने एवढी मोठी गडबड केलीय म्हणून वाचवण्याचा एवढा प्रयत्न करताय का? असं अभिजीत दीपके म्हणाले.

दिल्लीच्या जंतर मंतर परिसरात आज निवडणूक आयुक्त ज्ञानेश कुमार यांच्या विरोधात सीजेपीच आंदोलन. आंदोलनाच्या पार्श्वभूमीवर मुंबईत देखील घेतली जात आहे दक्षता. सीजेपी समर्थक कार्यकर्त्यांना मुंबई पोलिसांनी पाठवल्या नोटीसा तर काही जणांना घेतलं ताब्यात. विमानतळावर ते वेळेत पोहोचू नये यासाठी त्यांना ताब्यात घेऊन नंतर सोडण्यात येत असल्याची माहिती. या आंदोलनात अनेक संघटनांनी cjp ला दिला पाठिंबा.

दिल्लीत आज कॉकरोच जनता पार्टीचं आंदोलन हाताबाहेर जाऊ नये यासाठी कडेकोट बंदोबस्त ठेवण्यात आला आहे. सुरक्षा स्थितीवर नजर ठेवण्यासाठी ड्रोन्सचा वापर करण्यात आहे. हजारो पोलीस जवान रस्त्यावर तैनात आहेत.

इमर्जन्सीमध्ये सुद्धा इंदिरा गांधी यांनी रेल्वे बंद केल्या नव्हत्या. हे इमर्जन्सीपेक्षा पण वाईट आहे . आम्हाला प्रतिसाद मिळतोय म्हणूनच त्यांनी मेट्रो, रेल्वे बंद केल्या आहेत. नाहीतर कशाला घाबरले असते?. पंतप्रधानांनी देशासमोर असं का वागावं?. याचा लोकांना त्रास होणार नाही का? अजून अडचणी वाढवताय अशी टीका अभिजीत दीपके यांनी केली.

मला ताब्यात घ्यायचं आहे, घेऊन टाका. मला भिती नाही. नरेंद्र मोदी रेल्वे, मेट्रो बंद करतायत. दिल्लीला इंडिया-पाकिस्तान बॉर्डर बनवून टाकलय. तुमच्या देशातले नागरिक आहेत, देशातली मुलं आहेत. एवढी पोलीस फोर्स कशाला कशासाठी लावता? नरेंद्र मोदींना एवढी भिती वाटत असेल तर राजीनामा देऊन टाकावा असं अभिजीत दीपके म्हणाले.

आम्ही शांतीपूर्ण मार्गाने आंदोलन करणार आहोत. जंतर-मंतरवर आर्टिकल 19 नुसार अधिकृत आंदोलनाची परवानगी आहे. देशातील निवडणूक प्रक्रियेविरोधात आंदोलन करणार आहोत. शांतीपूर्ण मार्गाने मार्च करणार आहोत असं अभिजीत दीपके आंदोलनापूर्वी म्हणाले.

नरेंद्र मोदी तानाशाहा आहेत. घाबरले आहेत म्हणून त्यांनी रेल्वे, मेट्रो, रस्ते सर्व बंद करून टाकलेले आहेत. जर नरेंद्र मोदीला या देशातील युवकांची, जनतेची एवढी भीती वाटते तर प्रधानमंत्रीच्या खुर्चीवर कशाला बसलेत अशी टीका अभिजीत दीपके यांनी केली.

कॉकरोच जनता पार्टीचं आज जंतर मंतरवर आंदोलन आहे. जंतर मंतरवर आंदोलनासाठी लोक येऊ लागले आहेत. दिल्ली पोलिसांनी आंदोलनाला परवानगी दिलेली नाही. सरकार, प्रशासनाने आंदोलन हाताबाहेर जाऊ नये यासाठी सुरक्षेचा कडेकोट बंदोबस्त ठेवला आहे.

#WATCH | Delhi: Security tightened, and barricades put up at Jantar Mantar ahead of the protest today. https://t.co/9CcWs0nzZO

— ANI (@ANI) October 10, 2026

अभिजीत दिपके मुंबई विमानतळावर पोहोचले. काही वेळात दिल्लीला होणार रवाना. दिल्ली येथील जंतर मंतरवर होणाऱ्या कॉकरोच जनता पार्टीच्या आंदोलनासाठी संस्थापक अध्यक्ष अभिजीत दिपके हे आज दिल्लीला जाणार आहेत. सकाळी आठ वाजता एअर इंडियाच्या विमानाने ते दिल्लीसाठी रवाना होतील. काही वेळापूर्वीच अभिजीत दिपके यांनी सोशल मीडियावर पोस्ट करत ऑन द वे टू एअरपोर्ट अस मेसेज टाकून आपण दिल्लीला जाण्यावर ठाम असल्याचे स्पष्ट केले आहे. मात्र पोलिस अभिजित दीपके यांना मुंबईतच डिटेन करणार का ? हे देखील पाहावं लागेल.