विद्यार्थ्यांसाठी चांगली बातमी, खासगी कोचिंग क्लासच्या बेफाम वाढीला लगाम, घेतला हा निर्णय

रमेश शर्मा, नवी दिल्ली, दि.19 जानेवारी 2024 | मुलगा बालवाडीत असला तरी आपल्याकडे शिकवणीचे फॅड आलेले आहे. शाळेपेक्षा शिकवणी आणि कोचिंग क्लास आवश्यक झाले आहे. यामुळे मुलांमध्ये ताणतणाव निर्माण होत आहे. राजस्थानातील कोटापासून कोचिंग क्लासचे सुरु झालेले पेव शहराशहरात पसरले आहे. कोचिंग क्लासेस देशभरात विद्यार्थ्यांना भरघोस गुणांचे आमिष दाखवतात. या कोचिंग क्लासमुळे विद्यार्थ्यांवर भयावह परिणाम दिसू लागले आहे. यामुळे केंद्रीय शिक्षण मंत्रालयाने कडक मार्गदर्शक तत्त्वे जारी केली आहेत. आता १६ वर्षांखालील मुलांना कोचिंग क्लासमध्ये प्रवेश देता येणार नाही. तसेच उत्तम रँक तसेच भरघोस गुणांचे आश्वासने देण्यासही मनाई करण्यात आली आहे.

एक लाख दंड अन्…

खासगी कोचिंग क्लासच्या बेफाम वाढीला लगाम घालण्यासाठी केंद्रीय मंत्रालयाने पावले उचलली आहेत. त्यासाठी एक नियमावली तयार केली आहे. या मार्गदर्शक तत्वांचे उल्लंघन करणाऱ्या संस्थांना एक लाख रुपयांपर्यंत दंड किंवा जास्त शुल्क आकारल्यास नोंदणी रद्द करण्यात येणार आहे.

समुपदेशन प्रणाली विकसित करा

कठीण स्पर्धेमुळे विद्यार्थ्यांमध्ये शैक्षणिक तणाव येतो. या ताणतणापासून वाचविण्यासाठी कोंचिंग संस्थांनी समुपदेशन प्रणाली विकसित करण्यात यावी. ही प्रणाली विकसित केल्याशिवाय संस्थेची नोंदणी करता येणार नाही. प्रत्येक कोचिंग संस्थेकडे एक वेबसाईट असावी. त्या वेबसाईटमध्ये शिक्षकांचे शिक्षण, पात्रता, कोणता अभ्यासक्रम शिकवतात, अभ्यासक्रम पूर्ण होण्याचा कालावधी, इतर सुविधा आणि शुल्काची माहिती असावी.

हे आहेत नियम

पदवीपेक्षा कमी पात्रतेचे शिक्षकांची नियुक्त करता येणार नाही. १६ वर्षांखालील विद्यार्थ्यांना कोचिंगमध्ये प्रवेश देता येणार नाही. कोचिंगमधील विद्यार्थ्यांना चांगल्या गुणांची हमी देता येणार नाही. माध्यमिक शिक्षण पूर्ण केलेल्या विद्यार्थ्यास कोचिंगमध्ये प्रवेश दिला जावा. विद्यार्थ्यांना शुल्काच्या पावत्या द्यावा, तसेच हे शुल्क वाजवी असावे. विद्यार्थ्यांनी मध्येच अभ्यासक्रम सोडल्यास उर्वरित कालावधीचे शुल्क परत देण्याचा नियम करण्यात आला आहे.

हे ही वाचा
शिक्षणाची दुर्दशा, दहावीत आले पण दुसरीचे मातृभाषेचे पुस्तक वाचता येईना