Delhi Jantar-Mantar : जंतर-मंतरवर आंदोलन सुरु असताना महिला पत्रकाराचा लैंगिक छळ, ACP वर आरोप
Delhi Jantar-Mantar : निष्पक्ष चौकशीसाठी क्राइम ब्रांचकडे या तक्रारी सोपवण्यात आल्या आहेत. क्राइम ब्रांच या आरोपांची चौकशी करेल. तक्रारदार महिला पत्रकारासह अन्य लोकांची जबानी सुद्धा नोंदवण्यात आली.
दिल्लीच्या जंतर-मंतरवर मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी 3 ऑक्टोंबरला विरोध प्रदर्शन झालं. यावेळी तीन महिला पत्रकारांनी पोलिसांवर लैंगिक छळाचा आरोप केला. तक्रारीनंतर दिल्ली पोलिसांनी प्रकरणाच्या निष्पक्ष चौकशीसाठी हा गुन्हा क्राइम ब्रांचकडे वर्ग केलाय. एका पोलीस अधिकाऱ्याने रविवारी ही माहिती दिली. शनिवारी एका महिला पत्रकाराने मीडियाशी बोलताना आरोप केला की, दिल्ली पोलीस दलातील असिस्टेंट कमिश्नर ऑफ पुलिस ACP ने तिचा लैंगिक छळ केला. आंदोलनादरम्यान झालेल्या घटनांसंबंधी आम्हाला तक्रारी मिळाल्या आहेत, असं पोलीस अधिकाऱ्याने सांगितलं. आंदोलनाच्यावेळी कायदा-सुव्यवस्था राखण्यासाठी पोलिसांची तैनाती करण्यात आलेली.
निष्पक्ष चौकशीसाठी क्राइम ब्रांचकडे या तक्रारी सोपवण्यात आल्या आहेत. क्राइम ब्रांच या आरोपांची चौकशी करेल. तक्रारदार महिला पत्रकारासह अन्य लोकांची जबानी सुद्धा नोंदवण्यात आली. एका महिला पत्रकाराने सांगितलं की, ती जंतर-मंतरवर प्रदर्शन कवर करत होती. त्यावेळी एसीपीने तिचा कथित लैंगिक छळ केला. पोलीस प्रदर्शनाच्यावेळी आंदोलकांना ताब्यात घेत होते, त्यावळी तिथे कोणी महिला पोलीस नव्हती. मी दिल्ली पोलिसांचे एसीपी विवेक भगत यांना विचारलं की, “महिला पोलीस का उपस्थित नाहीय? त्यानंतर त्यांनी माझा लैंगिक छळ केला. मला मागे ढकललं”
निर्भीडपणे स्वतंत्र काम करता आलं पाहिजे
या घटनेनंतर महिला पत्रकार अन्य लोकांसह तक्रार दाखल करण्यासाठी पोलीस स्टेशनमध्ये गेली होती. पण अजून पर्यंत या प्रकरणात काहीही कारवाई झालेली नाही असं महिला पत्रकाराने सांगितलं. प्रेस काउंसिल ऑफ इंडियाने आंदोलनस्थळी महिला पत्रकारांसोबत झालेल्या या व्यवहारावर नैराश्य व्यक्त केलं. महिला पोलिसाच्या तक्रारीवर तात्काळ कारवाई करण्याची मागणी केली आहे. लोकशाहीत असा व्यवहार सामान्य घटना नाही. महिला पत्रकारांना निर्भीडपणे स्वतंत्र काम करता आलं पाहिजे. वेगवेगळया घटनांचं वृत्तांकन करण्याचं स्वातंत्र्य मिळालं पाहिजे असं प्रेस काउंसिल ऑफ इंडियाने म्हटलं आहे.
