सरकारच्या Fake News तपासणी करणाऱ्या विभागालाही सोडलं नाही, PIB ची फसवी वेबसाईटमागे कोण?
सायबर गुन्हेगारांनी थेट पीआयबीचीच बनावट वेबसाईट तयार करुन ती वेबसाईट पीआयबी विभागाची अधिकृत असल्याचा दावा केला.
नवी दिल्ली : डिजीटल क्रांतीच्या या काळात अफवांचं (Fake News) पेव सुटलंय. खोट्या गोष्टी खऱ्या करुन प्रसारित केल्या जात आहेत. यावरच लगाम लावण्यासाठी केंद्र सरकारचा प्रेस इन्फॉर्मेशन ब्युरो (PIB) हा विभाग फॅक्ट चेकिंगचं (Fact Check) काम करत असतो. मात्र, आता फसवणूक करणाऱ्यांनी या विभागालाही सोडलेलं नाही. सायबर गुन्हेगारांनी थेट पीआयबीचीच बनावट वेबसाईट तयार करुन ती वेबसाईट पीआयबी विभागाची अधिकृत असल्याचा दावा केला. मात्र, पीआयबीने हा प्रकार लक्षात आल्यानंतर तातडीने याबाबत नागरिकांना माहिती देत सावध केलंय (Fake website of Press Information Bureau PIB Fact Check appeal of alert to citizens) .
पीआयबी फॅक्ट चेकची अधिकृत वेबसाईट असल्याचा दावा
A website “https://t.co/S9SxZ50iRu” is falsely claiming to be the official website of #PIBFactCheck
Don’t fall for these fraudulent websites!❌
Follow @PIBFactCheck to stay updated with fact checks related to the Government of India or visit: https://t.co/D9HAmFgqYO. pic.twitter.com/ghwlGNMjbz
— PIB Fact Check (@PIBFactCheck) May 23, 2021
PIBFactCheck याबाबत ट्विट करत सांगितलं, “काही लोकांनी http://pibfactcheck.in” नावाची वेबसाईट बनवलीय. त्यांच्याकडून ही वेबसाईट पीआयबी फॅक्ट चेकची अधिकृत वेबसाईट असल्याचा दावा करण्यात आलाय.” हे सांगतानाच पीआयबीने लोकांना या वेबसाईटच्या प्रभावात न येण्याचं आवाहन केलंय.
“केंद्र सरकारशी संबंधित कोणत्याही खोट्या माहितीची किंवा अफवांविषयी माहिती जाणून घेण्यासाठी ट्विटरवर @PIBFactCheck ला फॉलोव करु शकता. तसेच https://pib.gov.in/factcheck.aspx या वेबसाईटला भेट देऊ शकता,” असंही पीआयबीने नमूद केलं. इतकंच नाही यावेळी पीआयबी फसवणूक करणाऱ्या वेबसाईटची एक यादीच जाहीर केली.
फसवणूक करणाऱ्या वेबसाईट्स
1. http://centralexcisegov.in/aboutus.php
2. https://register-for-your-free-scholarship.blogspot.com/
3. https://kusmyojna.in/landing/
4. https://www.kvms.org.in/
5. https://www.sajks.com/about-us.php
6. https://register-form-free-tablet.blogspot.com/
PIB च्या नावाने वेबसाईट सुरु करणारे कोण?
या बनावट वेबसाईटवर पीआयबीच्या माहितीचा उपयोग करुनच अनेक बातम्या करण्यात आलेल्या आहेत. या वेबसाईटवर ही वेबसाईट एका ऑनलाईन मीडिया हाऊसची असल्याचं म्हटलंय. त्यांनी त्याबाबत सविस्तर लिहिलं आहे. संपादकाचं नाव प्रवीण असं देण्यात आलंय.
हेही वाचा :
सावधान, तुम्हालाही RBI गव्हर्नरच्या नावाने मेल आलाय का? ‘असं’ आहे फसवणुकीचं संपूर्ण प्रकरण
Fact Check : 31 मार्चपर्यंत सर्व रेल्वे रद्द झाल्याचा दावा, नेमकं सत्य काय?
Fact Check : 1 फेब्रुवारीपासून खरंच सर्व पॅसेंजर लोकल आणि स्पेशल ट्रेन सुरु होणार?
व्हिडीओ पाहा :
Fake website of Press Information Bureau PIB Fact Check appeal of alert to citizens