Gold Price Today : सराफा बाजारात मोठी घडामोड, आज सोन्याचा भाव थेट…तुमच्या शहरातील नवे भाव घ्या जाणून
Gold Price Today : जागतिक बाजारीतल अस्थिर वातावरणामुळे सोनं चांदी सातत्याने वरखाली होत आहे, सर्वसामान्य ग्राहकांसाठी हे विकत घेणं आज स्वस्त ठरेल की महाग ? जाणून घ्या आजचे सोनं-चांदीचे भाव
तिकडे इराण-इस्रायल-अमेरिकेत महिन्याभरापासून युद्ध पेटलंय आणि त्याचा परिणाम अख्ख्या जगावर होतोय. या युद्धामुळे सोनं-चांदी या मौल्यवान धातूंचे भावही सतत बदलताना दिसत आहेत. युद्ध सुरू झाल्यावर सोन्याचा भाव 2 लाखांच्या पार गेला होता, मात्र आता सोन्यामध्ये मोठी घसरण पहायला मिळत आहे. असं असंल तरीही दोन्ही धातूंच्या दरात होणारी उलथापालथ कायम आहे. इराणवर पुढील 10 दिवस, म्हणजेच 6 एप्रिलपर्यंत कोणतेही हल्ला केले जाणार नाहीत, असं अमेरिकेकडून स्पष्ट करण्यात आल्यानंतर आता सोन्याचे दर पुन्हा वधारताना दिसत आहेत.
आज, म्हणजेच शनिवार 28 मार्च रोजी सोन्याच्या किंमती पुन्हा तेजी आली आहे. राजधानी दिल्लीमध्ये सकाळी 24 कॅरेट सोन्याचे दर वाढून 10 ग्रॅमसाठी 1 लाख 44 हजार 870 रुपये इतकी किंमत झाली. तर मुंबईत हाच भाव 1 लाख 44 हजार 720 रुपये प्रति 10 ग्रॅम इतका आहे. एक दिवसापूर्वी, दिल्लीतील सराफा बाजारात सोन्याचा भाव 1900 रुपयांनी, म्हणजेच 1.3 टक्क्यांनी घसरून प्रति 10 ग्रॅमसाठी 1 लाख 47 हजार 800 रुपयांवर आला होता. आंतरराष्ट्रीय बाजारात स्पॉट सोन्याचा भाव प्रति औंससाठी 4416 डॉलर इतका आहे.
देशातील महत्वाच्या शहरांमधील सोन्याचे भाव
दिल्लीत सोन्याची किंमत : दिल्लीमध्ये 24 कॅरेट सोन्याचा भाव प्रति 10 ग्रॅम 1,44,870 आहे, तर 22 कॅरेट सोन्याचा भाव प्रति 10 ग्रॅम 1,32,810 आहे.
मुंबई, चेन्नई आणि कोलकाता : सध्या मुंबई, चेन्नई आणि कोलकाता येथे 22 कॅरेट सोन्याचा भाव प्रति 10 ग्रॅम 1,32,660 रुपये, तर 24 कॅरेट सोन्याचा भाव प्रति 10 ग्रॅमसाठी 1,44,720 रुपये आहे.
पुणे आणि बंगळुरूतील दर : या दोन शहरांमध्ये, 24 कॅरेट सोन्याचा भाव प्रति 10 ग्रॅम 144720 रुपये आणि 22 कॅरेट सोन्याचा भाव प्रति 10 ग्रॅम 132660 रुपये आहे.
| शहर | 22 कॅरेट सोन्याचा आज भाव (रुपये) | 24 कॅरेट सोन्याचा आजचा भाव (रुपये) |
| दिल्ली | 132810 | 144870 |
| मुंबई | 132660 | 144720 |
| अहमदाबाद | 132710 | 144770 |
| चेन्नई | 132660 | 144720 |
| कलकत्ता | 132660 | 144720 |
| हैदराबाद | 132660 | 144720 |
| जयपुर | 132810 | 144870 |
| भोपाळ | 132710 | 144770 |
| लखनऊ | 132810 | 144870 |
| चंडीगड | 132810 | 144870 |
चांदीची किंमत
सोन्यापाठोपाठ दुसऱ्या मौल्यवान धातू, चांदीबद्दल बोलायचं झालं तर त्याची किंमत मात्र घसरतच चालली आहे. 28 मार्चच्या सकाळी चांदीचा भाव 2,39,900 रुपये प्रति किलोग्राम होता. आदल्या दिवशी, दिल्लीच्या सराफा बाजारात चांदीचा भाव 11,250 रुपयांनी किंवा सुमारे 5 टक्क्यांनी घसरून 2,30,000 रुपये प्रति किलोग्राम झाला होता. आंतरराष्ट्रीय बाजारात चांदीचा स्पॉट भाव 68.12 डॉलर प्रति औंस आहे. यावर्षी जानेवारीमध्ये चांदीच्या भावाने 4 लाख रुपयांचा टप्पा ओलांडला होता.
