Ankit Balian Case Update: 25 गोळ्या झाडलेल्या गायकाच्या मृत्यूचे गुढ उलगडलं, त्या एका गाण्यामुळे… धक्कादायक माहिती समोर

हरियाणवी गायक अंकित बालियानच्या हत्याकांडाने संपूर्ण देशात खळबळ माजली होती. आता त्याच्या हत्येमागचे खरे कारण समोर आले आहे. अंकित बालियानच्या एका गाण्यामुळे वाद निर्माण झाला होता. या गाण्याचे बोल होते, ‘कोर्ट में मारेंगे मेरी जान, जज को पसीना आएगा.’ हे गाणे साडेतीन वर्षांपूर्वी प्रसिद्ध झाले होते, पण गाण्याचे बोल काही गुन्हेगारांना त्रास देत होते. त्यांना संशय होता की अंकित बालियान विरोधक गँगशी मिळून त्यांना घाबरवण्यासाठी अशी गाणी प्रसिद्ध करत आहे. अंकितला हे गाणे प्रसिद्ध झाल्यानंतर दिल्लीत धमकीही देण्यात आली होती. हे रहस्य शामलीचे एसपी एन.पी. सिंह यांनी सोमवारी सकाळी अंकित हत्याकांडात सहभागी दोन शूटर्सना मारल्यानंतर उघड केले.

एसपी यांनी दिली माहिती

एसपी यांनी सांगितले की शूटर्सना गोगी गँगच्या गोलू शाहपुरिया यांनीच पाठवले होते. दोघांना सांगण्यात आले होते की शामलीमध्ये दोन मुले भेटतील. त्यांच्यासोबत मिळून अंकित बालियानची हत्या करायची आहे. यानंतर चारही शूटर्स बुधवारी अंकित जिममधून बाहेर येण्याची वाट पाहत होते. तो बाहेर आल्यानंतर चहूबाजूंनी घेरून गोळीबार केला आणि पळून गेले होते.

एसपी यांनी सांगितले की हे गोगी गटाचे गुन्हेगार आहेत. त्यांच्या रोहिणी कोर्टात हत्या झाली होती. त्यानंतर तिहाड तुरुंगात बंद टिल्लू शाहपुरियाची हत्या झाली होती. या गँगला संशय होता की बालियान विरोधक गटासोबत मिळून अशी गाणी त्यांना धमकावण्यासाठी बनवत आहे. या गँगचे दोन गुन्हेगार सध्या तिहाड आणि कर्नाल तुरुंगात बंद आहेत. गोगीच्या मृत्यूनंतर हेच लोक गँगचे संचालन करत आहेत. त्यांच्याखाली गोलू येतो. त्याने ट्रिपल मर्डरही केला होता. त्याच्यावर एक लाख रुपयांचे बक्षिस आहे. त्याचा चुलत भाऊ चिराग कॅनडामध्ये राहतो, त्याने हत्येची जबाबदारी स्वीकारली होती. त्याने सोशल मीडियावर पोस्टही केली होती. आम्ही चौकशी केली होती.

शूटर्सचे लोकेशन सीसीटीव्हीत कैद झाले होते

शूटर्स कर्नाल (हरियाणा) येथून शामलीला येतानाचे लोकेशन सीसीटीव्ही कॅमेऱ्यांमध्ये कैद झाले होते. ते पळून जातानाच्या रस्त्याबाबत पोलिस विविध मार्गांच्या सीसीटीव्ही कॅमेऱ्यांची तपासणी करत होते. बदमाशांनी सुरक्षित पळून जाण्यासाठी दिल्ली रोडवरून बडौत-बागपत हरियाणाकडे जाण्याचा रस्ता निवडला. बागपतमधील गौरीपुर चौकात चौघांचे लोकेशन ट्रेस झाले. येथून हरियाणाकडे जाण्यासाठी चौघांपैकी दोन-दोनच्या गटात शूटर्सनी वेगवेगळे रस्ते निवडले.