तुमचे वय झाले आहे…! या खासदारावर संतापले गृहमंत्री अमित शाह

नवी दिल्ली : ‘एक निशान, एक प्रधान, एक संविधान’ ही संकल्पना राजकीय घोषणा नाही, असे केंद्रीय गृहमंत्री अमित शहा यांनी मंगळवारी सांगितले. ते म्हणाले की भाजप या तत्त्वावर विश्वास ठेवतो आणि अखेर जम्मू-काश्मीरच्या संदर्भात त्याची अंमलबजावणी करण्यात आली आहे.

‘एक निशान, एक प्रधान, एक संविधान ही राजकीय घोषणा आहे’ या टीएमसी खासदार सौगता रॉय यांनी लोकसभेत केलेल्या टिप्पणीवर अमित शहा यांनी त्यांना जोरदार प्रत्तूतर दिले आहे. देशात दोन पंतप्रधान, दोन संविधान आणि दोन ध्वज कसे असू शकतात. असा सवाल त्यांनी केला आहे.

जम्मू-काश्मीरमधील कलम ३७० रद्द करण्याबाबतच्या टिप्पणीला उत्तर देताना अमित शहा म्हणाले, की ज्यांनी हे केले ते चुकीचे आहे. नरेंद्र मोदींनी ते योग्यच केले आहे. तुमची सहमती असो किंवा नसो फरक पडत नाही. संपूर्ण देशाला हे हवे होते.

ही निवडणुकीची घोषणा नाही – अमित शाह

केंद्रीय गृहमंत्री अमित शाह म्हणाले की, ‘एक निशान, एक प्रधान, एक संविधान’ ही निवडणूक घोषणा नाही. देशात एकच पंतप्रधान, एक ध्वज आणि एकच संविधान असावे, असे आम्ही 1950 पासून म्हणत आलो आहोत आणि आम्ही तसे केले आहे.