SIR संदर्भात निवडणूक आयोगाने घेतलेले सर्व निर्णय संमतीनेच, निवडणूक आयोगाने केले स्पष्ट
विशेष सखोल पुनरावलोकन ( एसआयआर ) प्रक्रियेसंदर्भात उपस्थित झालेल्या प्रश्नांवर चर्चा करण्यासाठी भारतीय निवडणूक आयोगाच्या मुख्य निवडणूक आयुक्तांनी शनिवारी एक बैठक घेतली.
मुख्य निवडणूक आयुक्त ज्ञानेश कुमार यांच्या विरोधात निवडणूक आयुक्त सुखबीर सिंग संधू आणि विवेक जोशी यांनी अनेक आक्षेप घेतल्याचे वृत्त इंडियन एक्सप्रेसने दिले होते. मुख्य निवडणूक आयुक्त ज्ञानेश कुमार यांच्याविरोधात या दोन्ही निवडणूक आयुक्तांनी गेल्या १० महिन्यांत तब्बल १४ वेळा लेखी आक्षेप नोंदवले असल्याचा दावा या बातमी केला होता. मतदार याद्यांचे विशेष पुनरीक्षण (SIR) आणि फॉर्म-६ मधील बदलांसारखे निर्णय एकतर्फी आणि अनधिकृत पद्धतीने घेतले होते. या आदेशा संदर्भात आपल्याला अंधारात ठेवले गेले आणि विश्वासात घेतले नाही,असाही दावा या दोन आयुक्तांनी केला होता.आता निवडणूक आयोगाने यावर स्पष्टी करण दिले आहे.
मुख्य निवडणूक आयुक्त ज्ञानेश कुमार यांनी शनिवारी पत्रकार परिषद घेतली. यात त्यांनी मतदान यादीचे विशेष पुनरीक्षण (SIR) संबंधित सर्व निर्णय सर्वसंमतीने घेतलेले असल्याचे म्हटले आहे. देशभरात SIR लागू करण्याचा निर्णय देखील आयोगाच्या सर्व सदस्यांच्या संमतीने घेतलेला होता असे आयुक्तांनी स्पष्ट आहे.
आयोगाने म्हटले की २४ जून २०२५ रोजी बिहारामधून सुरु होऊन पश्चिम बंगाल आणि ३० अन्य राज्ये आणि केंद्र शासित प्रदेशात SIR करण्याचा आदेश सर्वसंमतीने जारी केला होता. आयोगाने म्हटले की हा निर्णय सुप्रीम कोर्टाने देखील २७ मे २०२६ च्या आदेशात कायम ठेवला आहे.
आयोगाच्या मते १२ राज्ये आणि केंद्र शासित प्रदेशात SIR चा कार्यक्रम २७ ऑक्टोबर २०२५ रोजी जारी करण्यात आला होात. मात्र १९ राज्ये आणि केंद्र शासित प्रदेशांसाठी कार्यक्रम १४ मे २०२६ रोजी जाहीर करण्यात आला. आयोगाने स्पष्ट केले आहे की दोन्ही प्रकरणातील निर्णय सर्वसंमतीने घेतला गेला होता.
निवडणूक आयोगाने हे देखील स्पष्ट केले की देशात मतदार याद्यांचे विशेष पुनरीक्षणा ( SIR ) नंतर मतदारांची अंतिम संख्या अजून निश्चित झालेली नाही. तिसऱ्या टप्प्यात उर्वरित १२ राज्यात अंतिम मतदार यादी प्रकाशित झाल्यानंतर मतदारांची एकूण संख्या स्पष्ट होईल. आयोगाने हे देखील सांगितले की ज्या मतदारांना मतदान यादीत कोणत्याही प्रकारची विसंगती संदर्भात नोटीस बजावण्यात आल्या आहेत. त्यासाठीची प्रक्रीया सोपी करण्यासाठी पावले उचलली जात आहेत.
ज्यांची नावे मतदान यादीत आली नाही. किंवा ज्यांना नोटिस आली आहे त्यांच्या घरी BLO स्वत:जाणार असल्याचेही यावेळी स्पष्ट करण्यात आले आहे. विशेष सखोल पुनरावलोकन (एसआयआर) प्रक्रियेसंदर्भात उपस्थित केलेल्या प्रश्नांवर चर्चा करण्यासाठी भारतीय निवडणूक आयोगाच्या निवडणूक आयुक्तांनी शनिवारी एक बैठक घेतली. मुख्य निवडणूक आयुक्त ज्ञानेश कुमार, निवडणूक आयुक्त डॉ. एस. एस. संधू आणि डॉ. विवेक जोशी यांची नवी दिल्लीतील निर्वाचन सदन येथे दुपारी ३ वाजता भेट झाली.
