180 फ्लॉप चित्रपट देऊन हा अभिनेता ठरला सुपरस्टार, आज आहे 400 कोटींचा मालक
बॉलिवूडमधील प्रसिद्ध अभिनेता ज्याने तब्बल 180 चित्रपट दिलेत फ्लॉप. तरी देखील आज तो आहे सुपरस्टार. आज आहे 400 कोटींचा मालक.
बॉलिवूडमध्ये यश आणि अपयश हे प्रत्येक कलाकाराच्या कारकिर्दीचा अविभाज्य भाग आहे. अनेक कलाकारांनी त्यांच्या आयुष्यात यशाची शिखरे गाठली, तर काहींना अपयशालाही सामोरे जावे लागले.
मात्र, तब्बल 180 फ्लॉप चित्रपट दिल्यानंतरही एखादा अभिनेता सुपरस्टार म्हणून कायम राहू शकतो, यावर विश्वास बसणे कठीण आहे. पण बॉलिवूडमध्ये अशी कामगिरी करणारे अभिनेते म्हणजे ज्येष्ठ अभिनेते मिथुन चक्रवर्ती.
बॉलिवूडमध्ये सर्वाधिक फ्लॉप चित्रपट देण्याचा विक्रम मिथुन चक्रवर्ती यांच्या नावावर असल्याचे म्हटले जाते. आपल्या दीर्घ कारकिर्दीत त्यांनी सुमारे 270 हून अधिक चित्रपटांमध्ये मुख्य किंवा महत्त्वाच्या भूमिका साकारल्या. यापैकी जवळपास 180 चित्रपट बॉक्स ऑफिसवर अपेक्षित यश मिळवू शकले नाहीत.
आजच्या काळात एखाद्या कलाकाराचे सलग काही चित्रपट अपयशी ठरले तरी त्याच्या कारकिर्दीवर परिणाम होतो. मात्र, मिथुन चक्रवर्ती यांचा चाहतावर्ग आणि लोकप्रियता यावर या अपयशाचा फारसा परिणाम झाला नाही.
आजही ते चित्रपटसृष्टीत सक्रिय असून विविध चित्रपटांमध्ये महत्त्वपूर्ण भूमिका साकारत आहेत. तसेच अनेक डान्स रिअॅलिटी शोमध्ये परीक्षक म्हणूनही ते प्रेक्षकांच्या भेटीला येतात. माध्यमांतील विविध अहवालांनुसार, मिथुन चक्रवर्ती यांची एकूण संपत्ती सुमारे 400 कोटी रुपयांच्या आसपास असल्याचे सांगितले जाते.
