फक्त 27 दिवसांमध्ये तयार झाला चित्रपट, ठरला ब्लॉकबस्टर, केलेली प्रचंड कमाई, आजही लोक…
हिंदी चित्रपटसृष्टीतील असा एका चित्रपट जो फक्त 27 दिवसांमध्ये पूर्ण झाला आणि तो बॉक्स ऑफिवर येताच ठरला ब्लॉकबस्टर. या चित्रपटाची कथा ठरली प्रचंड हिट.
बॉलिवूडमध्ये एखादा चित्रपट तयार करायला जवळपास अनेक महिने, कधी कधी वर्षभरही लागतो. मोठ्या बजेटचे सेट, लांब शूटिंग शेड्यूल आणि पोस्ट-प्रॉडक्शनमुळे हा कालावधी वाढत जातो. मात्र, असाच एक चित्रपट जो अवघ्या 27 दिवसांमध्ये पूर्ण झाला आणि बॉक्स ऑफिसवर सुपरहिट ठरला.
1963 साली प्रदर्शित झालेला Dil Ek Mandir हा चित्रपट अतिशय कमी वेळात शूट करण्यात आला होता. एवढ्या जलद गतीने तयार होऊनही या चित्रपटाने प्रेक्षकांच्या मनावर खोल ठसा उमटवला. आजही हा चित्रपट क्लासिक म्हणून ओळखला जातो.
चित्रपटाची कथा एका डॉक्टरभोवती फिरते. जो आपल्या भूतकाळातील प्रेमिकेला पुन्हा भेटतो. मात्र, परिस्थिती अत्यंत वेदनादायक असते. ती आता दुसऱ्याची पत्नी बनलेली असते. तिच्या पतीच्या उपचारासाठी ती त्याच डॉक्टरकडे येते.
त्याग, प्रेम आणि कर्तव्य यांच्यात अडकलेल्या या कथेमुळे प्रेक्षकांच्या डोळ्यांत अश्रू येतात. मानवी भावना आणि नात्यांची गुंतागुंत अतिशय सुंदरपणे या चित्रपटात दाखवण्यात आली आहे.
Dil Ek Mandir मधील गाणीही प्रचंड लोकप्रिय ठरली होती. 'हम तेरे प्यार में सारा आलम खो बैठे हैं' हे गाणं आजही रसिकांच्या ओठांवर आहे. या गाण्याची भावनिक ताकद आजही तितकीच जाणवते.
